News October 15, 2024
Air India విమానానికి బాంబు బెదిరింపు.. కెనడాకు మళ్లింపు

ఢిల్లీ నుంచి చికాగో వెళ్తున్న Air India విమానానికి బాంబు బెదిరింపు కలకలం రేపింది. దీంతో విమానాన్ని అత్యవసరంగా కెనడాలోని ఇకలూయిట్ విమానాశ్రయానికి దారి మళ్లించారు. ఆన్లైన్ పోస్టు ద్వారా అందిన భద్రతా ముప్పు కారణంగా మార్గమధ్యలో ఉన్న AI127 విమానాన్ని మళ్లించినట్టు సంస్థ ప్రకటించింది. ఇటీవల నకిలీ బెదిరింపులు అధికమైనా బాధ్యతగల సంస్థగా వీటిని తీవ్రంగా పరిగణిస్తున్నట్టు తెలిపింది.
Similar News
News November 29, 2025
iBOMMA అంటే ఇంటర్నెట్ బొమ్మ: రవి

TG: రెండో విడత కస్టడీలో iBOMMA రవి కీలక విషయాలను వెల్లడించాడు. పైరసీ వెబ్సైట్లు, OTTలు, టెలిగ్రామ్ నుంచి సినిమాలను రికార్డు చేసి, వాటి క్వాలిటీ పెంచేందుకు కరీబియన్ దీవుల్లోని వ్యక్తులతో ఒప్పందం చేసుకున్నట్లు తెలిపాడు. ‘iBOMMA అంటే ఇంటర్నెట్ బొమ్మ. విశాఖలో సినిమాను బొమ్మ అంటాం. అందుకే ఆ పేరు పెట్టా. రెండో వెబ్సైట్కు బలపం అని పేరు అనుకున్నా. సాంకేతిక సమస్యతో బప్పంగా మార్చా’ అని చెప్పాడు.
News November 29, 2025
ట్రంప్ షాక్తో భారీగా పడిపోయిన ఎగుమతులు

అమెరికా అధ్యక్షుడు డొనాల్డ్ ట్రంప్ విధించిన భారీ టారిఫ్లతో 2025 మే నుంచి అక్టోబర్ మధ్య భారత ఎగుమతులు 28.5% క్షీణించాయని GTRI వెల్లడించింది. ముఖ్యంగా రత్నాలు, నగలు, టెక్స్టైల్ , కెమికల్స్, సముద్ర ఆహారం వంటి రంగాలు 31% వరకూ నష్టపోయాయి. స్మార్ట్ఫోన్ ఎగుమతులు 36% పడిపోయాయి. సుంకాలు తగ్గించేందుకు ప్రభుత్వం నుంచి చర్యలు ఆలస్యం కావడం పరిస్థితిని మరింత కఠినతరం చేస్తోందని GTRI హెచ్చరించింది.
News November 29, 2025
భూ సమీకరణలో ముందే రైతుల అంగీకార పత్రం

AP: అమరావతిలో రెండో విడత భూ సమీకరణలో భూములు స్వచ్ఛందంగా ఇస్తున్నట్లు రైతుల నుంచి ముందే అంగీకారపత్రం తీసుకోనున్నారు. ఈ సమీకరణకు APCRLPS-2025 రూల్స్ను వర్తింపజేస్తారు. JC నిర్ధారించిన అసైన్డ్, దేవాదాయ, వక్ఫ్ భూములపై 15 రోజుల్లో అభ్యంతరాలు తెలపాలి. తుది నోటిఫికేషన్ తర్వాత భూమి CRDA పరమవుతుంది. రైతులకు ల్యాండ్ పూలింగు ఓనర్షిప్ సర్టిఫికెట్ ఇస్తారు. ఆన్లైన్లో దీన్ని డౌన్లోడ్ చేసుకోవచ్చు.


