News August 16, 2024
BREAKING: చౌటుప్పల్: 34 కిలోమీటర్లు ఛేజ్ చేసి పట్టుకున్నారు..!
గంజాయి ముఠాను సుమారు 34 కిలోమీటర్లు ఛేజ్ చేసి పోలీసులు పట్టుకున్నారు. HYD-విజయవాడ హైవేలోని పతంగి టోల్ ప్లాజా వద్ద నలుగురు సభ్యులున్న ఓ గంజాయి ముఠాను నల్గొండ ఎన్‌ఫోర్స్‌మెంట్ పోలీసులు ఈరోజు పసిగట్టారు. అక్కడ వారిని అడ్డుకోగా కారుతో పోలీస్ వాహనాన్ని ఢీకొట్టి తప్పించుకోవడంతో ఓ కానిస్టేబుల్‌కు గాయాలయ్యాయి. వెంబడించి HYD శివారు అబ్దుల్లాపూర్‌మెట్‌ JNNURM వద్ద అరెస్ట్ చేసి, 2 కిలోల గంజాయిను సీజ్ చేశారు.
Similar News
News November 29, 2025
నల్గొండ: తొలి దశ నామినేషన్లకు నేడే ఆఖరు!
నల్గొండ జిల్లాలోని NLG, CDR రెవెన్యూ డివిజన్ పరిధిలో మొదటి దశ పోలింగ్ జరగనుంది. సర్పంచ్ ఎన్నికలకు గురువారం నామినేషన్ల ప్రక్రియ ప్రారంభించిన విషయం తెలిసిందే. 14 మండలాల్లో తొలిరోజు సర్పంచ్ స్థానాలకు 249, వార్డు స్థానాలకు 729 నామినేషన్లు దాఖలయ్యాయి. రెండో రోజు శుక్రవారం సర్పంచ్ స్థానాలకు 365, వార్డు స్థానాలకు 735 నామినేషన్లు దాఖలయ్యాయి. శనివారం సాయంత్రం వరకు నామినేషన్లను స్వీకరించనున్నారు.
News November 29, 2025
నల్గొండ: యాసంగికి సంసిద్ధం..!
నల్గొండ జిల్లాలో రైతులు యాసంగిలో పంటల సాగు కోసం సన్నద్ధమవుతున్నారు. ఓ వైపు వానాకాలం ధాన్యం అమ్మకాలు, మరోవైపు యాసంగి సాగుకు పొలం దున్నకం, వరి నార్లు పోసుకునే పనుల్లో అన్నదాతలు బిజీబిజీగా ఉన్నారు. జిల్లా వ్యాప్తంగా యాసంగిలో 6,57,229 ఎకరాల్లో పంటలు సాగవుతాయని వ్యవసాయ శాఖ అంచనా వేసింది. అందుకు తగ్గట్టుగా ఎరువులు, విత్తనాలను సిద్ధం చేసినట్లు జిల్లా వ్యవసాయ శాఖ అధికారి శ్రవణ్ కుమార్ తెలిపారు.
News November 29, 2025
నల్గొండ: ఆ రెండు ఖాతాల్లో ఏదో ఒకటి ఇవ్వాలి!
గ్రామ పంచాయతీ ఎన్నికల్లో పోటీ చేసే అభ్యర్థులు కొత్తగా బ్యాంకు ఖాతా తీసి ఇవ్వాలని జిల్లా కలెక్టర్ ఇలా త్రిపాఠి తెలిపారు. ఇప్పటికే బ్యాంకుల్లో అకౌంట్ ఉన్నప్పటికీ ఆ ఖాతా కాకుండా కొత్తగా అదే బ్యాంకులో కానీ, ఇతర బ్యాంకుల్లో ఖాతా తెరిచి ఇవ్వాలని తెలిపారు. ఒక వేళ బ్యాంకుల్లో అకౌంట్ తీయడం వీలుకాకపోతే పోస్టాఫీస్‌లో అకౌంట్ తీసి ఎన్నికల అధికారులకు అందించాలని తెలిపారు.