News November 7, 2024
BREAKING: MBNR: లంచం తీసుకుంటూ ఏసీబీకి పట్టుబడిన DEO
ఉపాధ్యాయుని వద్ద లంచం తీసుకుంటూ మహబూబ్‌నగర్ DEO రవీందర్‌ గురువారం ఏసీబీ అధికారులకు పట్టుబడ్డాడు. వారి వివరాల ప్రకారం.. ఉపాధ్యాయునికి సీనియారిటీ విషయంలో జరిగిన పొరపాటును సరిదిద్దేందుకు డీఈఓను సంప్రదించగా రూ.50,000 లంచం డిమాండ్ చేశారు. దీంతో సదరు ఉపాధ్యాయుడు ఏసీబీ అధికారులను ఆశ్రయించారు. ఏసీబీ డీఎస్పీ కృష్ణ గౌడ్ డీఎస్పీ DEO ఇంట్లో లంచం తీసుకుంటుండగా పట్టుకున్నారు.
Similar News
News November 7, 2024
ఆర్చరికి ఎంపికైన పీయూ విద్యార్థులు వీళ్లే !
PUలో ఆర్చరి స్త్రీ, పురుషుల విభాగంలో క్రీడాకారులను సౌతేజోన్(ఆలిండియా ఇంటర్ యూనివర్సిటి) టోర్నమెంట్ లో పాల్గొనేందుకు గురువారం ఎంపికలు నిర్వహించినట్లు PD డా. వై.శ్రీనివాసులు తెలిపారు. పురుషుల విభాగంలో విష్ణువర్థన్, భరత్ కుమార్, స్త్రీల విభాగంలో సుజాత, సునిత ఎంపికయ్యారు. ఈ కార్యక్రమంలో NTR కాలేజ్ ప్రిన్సిపల్ రాజేంద్ర ప్రసాద్, కోచ్ జ్ఞానేశ్వర్, PDలు హరిబాబు, రామచందర్ తదితరులు పాల్గొన్నారు.
News November 7, 2024
మాడుగుల: కన్న కొడుకును నరికి చంపిన తండ్రి !
కన్న కొడుకుని తండ్రి హత్య చేసిన ఘటన మాడుగుల మండలంలో జరిగింది. స్థానికులు తెలిపిన వివరాలు.. గుడిపల్లి తండాకు చెందిన లక్ష్మణ్‌కు ఇద్దరు కొడుకులు. వారంతా HYDలో ఆటో నడుపుతూ జీవనం సాగిస్తున్నారు. దసరాకు సొంతూరికి వచ్చిన వారు 13న మద్యం మైకంలో గొడవపడ్డారు. పెద్ద కొడుకుతో కలిసి చిన్న కొడుకు సురేశ్‌ను తండ్రి నరికి చంపి పొలంలో పాతిపెట్టారు. నేడు మాడుగుల పోలీసులకు నిందితులు లొంగిపోవడంతో దర్యాప్తు చేపట్టారు.
News November 7, 2024
మహబూబ్‌నగర్: LOVE FAIL యువకుడి SUICIDE
లవ్‌లో ఫెయిల్ అయిన ఓ యువకుడు సూసైడ్ చేసుకున్నాడు. ఈ ఘటన HYD అత్తాపూర్ PS పరిధిలో జరిగింది. పోలీసుల వివరాలు.. మహబూబ్‌నగర్ జిల్లాకి చెందిన సాయి కుమార్ (19) ఎలక్ట్రిషన్‌గా పని చేస్తూ చదువుకుంటున్నాడు. కాగా, కొద్ది రోజులుగా లవ్ ఫెయిల్ అయ్యి డిప్రెషన్‌లో ఉన్నాడని, అదే బాధతో ఉరేసుకున్నట్లు తెలిపారు. అత్తాపూర్ పోలీసులు కేసు నమోదు చేసిన దర్యాప్తు చేస్తున్నారు.