News January 29, 2025
BREAKING: ఏపీకి కొత్త డీజీపీ
AP కొత్త డీజీపీగా హరీశ్ గుప్తాను నియమిస్తూ రాష్ట్ర ప్రభుత్వం ఉత్తర్వులు జారీ చేసింది. ప్రస్తుత డీజీపీ ద్వారకా తిరుమలరావు పదవీకాలం ఈ నెల 31వ తేదీతో ముగియనుండటంతో హరీశ్ గుప్తాను నియమించింది. కాగా ఎన్నికల సమయంలోనూ హరీశ్ డీజీగా బాధ్యతలు చేపట్టారు. 1992 బ్యాచ్‌కు చెందిన ఆయన ప్రస్తుతం విజిలెన్స్ డీజీగా ఉన్నారు.
Similar News
News November 29, 2025
2 మండలాలుగా ఆదోని.. 30రోజుల గడువు
కర్నూలు జిల్లాలోని ఆదోని మండలాన్ని రెండుగా విభజిస్తూ రాష్ట్ర ప్రభుత్వం గెజిట్ నోటిఫికేషన్ జారీ చేసిందని కలెక్టర్ డా. ఎ.సిరి శుక్రవారం తెలిపారు. ఆదోని, పెద్ద హరివాణం మండలాలుగా ఈ విభజన జరిగింది. దీనిపై ప్రజలకు ఏవైనా అభ్యంతరాలు ఉంటే, 30 రోజుల్లోపు లిఖితపూర్వకంగా తెలియజేయాలని ఆమె విజ్ఞప్తి చేశారు. పరిపాలన సౌలభ్యం కోసం ఈ నిర్ణయం తీసుకున్నారు.
News November 29, 2025
ధర్మపత్ని శ్లోకం మాత్రమే ఎందుకు ఫేమస్?
ఉత్తమ భర్తకు సంబంధించిన ‘కార్యేషు యోగీ’ కంటే, ధర్మపత్ని లక్షణాలు చెప్పే ‘కార్యేషు దాసీ’ శ్లోకం ఎక్కువ ప్రాచుర్యం పొందింది. అందుకు కారణం మన భారతీయ సంస్కృతిలో స్త్రీ శక్తి, త్యాగం, కుటుంబంలో ఆమె పాత్రకు చాలా విలువనిస్తారు. అయితే ఉత్తమ భర్త లక్షణాలను వ్యక్తిత్వానికి సంబంధించినవిగా, సహజంగా పాటించవలసిన కనీస కర్తవ్యాలుగా పరిగణిస్తారు. అందుకే వాటిని ప్రత్యేకంగా ఘనంగా చాటి చెప్పాల్సిన అవసరం రాలేదు.
News November 29, 2025
భారత్ డైనమిక్స్ లిమిటెడ్(BDL)లో ఉద్యోగాలు
HYDలోని భారత్ డైనమిక్స్ లిమిటెడ్ 80 మేనేజ్‌మెంట్ ట్రైనీ పోస్టులకు నోటిఫికేషన్ విడుదల చేసింది. అర్హతగల అభ్యర్థులు DEC 3 – DEC 29 వరకు అప్లై చేసుకోవచ్చు. పోస్టును బట్టి BE, B.Tech, MSc(కెమిస్ట్రీ), MBA, CA/ICWAI, PG డిప్లొమా, M.Com ఉత్తీర్ణులు అర్హులు. అభ్యర్థుల గరిష్ఠ వయసు 27ఏళ్లు. రాత పరీక్ష, ఇంటర్వ్యూ ద్వారా ఎంపిక చేస్తారు. నెలకు జీతం రూ.40,000-రూ.1,40,000 చెల్లిస్తారు. వెబ్‌సైట్:bdl-india.in