News February 4, 2025
పార్టీ మారిన BRS ఎమ్మెల్యేలకు నోటీసులు
TG: కాంగ్రెస్లో చేరిన BRS ఎమ్మెల్యేలకు నోటీసులు జారీ అయ్యాయి. వారిపై అనర్హతా వేటు వేయాలని BRS పార్టీ పిటిషన్ ఆధారంగా వివరణ ఇవ్వాలంటూ శాసనసభ కార్యదర్శి నోటీసులు పంపారు. వివరణ ఇచ్చేందుకు సమయం కావాలని MLAలు కోరారు. కాగా పార్టీ ఫిరాయింపుల పిటిషన్లపై విచారణ సందర్భంగా అసెంబ్లీ కార్యదర్శిపై <<15319239>>సుప్రీంకోర్టు <<>>ఇటీవల ఆగ్రహం వ్యక్తం చేసింది.
Similar News
News March 29, 2026
అసిస్టెంట్ ప్రొఫెసర్ పోస్టుల ఫలితాలు విడుదల
TG: ప్రభుత్వ మెడికల్ కాలేజీల్లో 174 అసిస్టెంట్ ప్రొఫెసర్ పోస్టుల భర్తీకి మెరిట్ జాబితా విడుదలైంది. ఎంపికైన అభ్యర్థులకు ఏప్రిల్ 1న HYDలో సర్టిఫికెట్ల వెరిఫికేషన్ ఉంటుంది. ఇందులో గైనకాలజీ, అనస్తీషియా వంటి కీలక విభాగాలున్నాయి. ఇక 2,312 నర్సింగ్ ఆఫీసర్ పోస్టుల తుది ఫలితాలను ఏప్రిల్ 9న వెల్లడిస్తామని రిక్రూట్మెంట్ బోర్డు తెలిపింది. ఈ నియామకాలతో ఆస్పత్రుల్లో రోగులకు మెరుగైన వైద్య సేవలు అందనున్నాయి.
News March 29, 2026
మహిళలకు రూ.2 వేలు, రైతులకు పంపుసెట్లు: DMK మ్యానిఫెస్టో
తమిళనాడు అసెంబ్లీ ఎన్నికల మ్యానిఫెస్టోలో అధికార డీఎంకే వరాల జల్లు కురిపించింది. మహిళలకు ప్రతి నెలా ₹2 వేలు ఇస్తామని ప్రకటించింది. పెన్షన్ను ₹2 వేలకు పెంచుతామని, రైతులకు ఉచితంగా పంపుసెట్లు అందజేస్తామని తెలిపింది. మహిళా సంఘాలకు ₹5 లక్షల వరకు వడ్డీ లేని రుణాలను ఇస్తామని పేర్కొంది. స్టూడెంట్లకు ఫ్రీగా ల్యాప్టాప్లు, 8వ తరగతి వరకు పిల్లలకు బ్రేక్ఫాస్ట్ స్కీమ్ అమలు చేస్తామని వెల్లడించింది.
News March 29, 2026
గుడ్న్యూస్.. 94 వేల మెట్రిక్ టన్నుల LPG వస్తోంది!
దేశంలోని బంకుల్లో అవసరమైనంత మేర పెట్రోల్, డీజిల్ ఉందని పెట్రోలియం శాఖ తెలిపింది. 94 వేల మెట్రిక్ టన్నుల LPGతో 2 కార్గో షిప్లు భారత తీరాలకు వస్తున్నాయని చెప్పింది. వదంతులను నమ్మవద్దని ప్రజలకు విజ్ఞప్తి చేసింది. గృహ వినియోగదారులకు నిన్న 55 లక్షలకు పైగా LPGలు రీఫిల్ చేశామని, సిలిండర్ల డెలివరీలు సాధారణంగా ఉన్నాయని వివరించింది. గల్ఫ్, పశ్చిమాసియాలో పరిస్థితులను నిశితంగా పరిశీలిస్తున్నట్లు పేర్కొంది.