News January 11, 2025
BREAKING: సంక్రాంతి రద్దీ.. సీఎం కీలక ఆదేశాలు
AP: సంక్రాంతికి సొంతూళ్లకు వెళ్లే ప్రయాణికులతో బస్సులు, రైళ్లు రద్దీగా మారాయి. ఈ నేపథ్యంలో రవాణాశాఖ అధికారులకు సీఎం చంద్రబాబు కీలక ఆదేశాలు జారీ చేశారు. ప్రధాన పట్టణాల నుంచి పల్లెలకు ప్రయాణికులను చేరవేసేందుకు ప్రైవేటు స్కూళ్లు, కాలేజీల బస్సులను ఉపయోగించుకోవాలని సూచించారు. ఆయా బస్సులకు ముందుగా ఫిట్నెస్ టెస్టులను చేయాలన్నారు. ఎక్కడా ప్రయాణికులు ఇబ్బంది పడొద్దని స్పష్టం చేశారు.
Similar News
News February 9, 2026
ప్రియురాలి పెళ్లి పత్రిక చూసి బాడీబిల్డర్ సూసైడ్
మూడేళ్లు తనను ప్రేమించి, మరొకరితో పెళ్లికి యువతి సిద్ధమవడంతో ఓ బాడీబిల్డర్ గుండెపగిలింది. కొత్త చీర, ఆహ్వానపత్రికను పంపడంతో అతను సూసైడ్ చేసుకున్న ఘటన బెంగళూరులో జరిగింది. ‘మా కొడుకు కిరణ్ యువతికి ఇవ్వడానికి వాలంటైన్స్ డే గిఫ్ట్ను కూడా సిద్ధం చేసుకున్నాడు. ఆమె కుటుంబానికి ఉన్న రూ.50 లక్షల అప్పును తీరుస్తానని హామీ ఇచ్చాడు’ అని పేరెంట్స్ వాపోయారు. పోలీసులు కేసు నమోదుచేసి దర్యాప్తు చేస్తున్నారు.
News February 9, 2026
చర్మాన్ని మెరిపించే జ్యూసులు
చలికాలంలో చర్మం పొడిబారడం, కాంతి కోల్పోవడం సాధారణం. దీని కోసం ఖరీదైన క్రీములు వాడటం కంటే.. లోపల నుంచి పోషణ అందించడం ద్వారా సహజ సౌందర్యాన్ని పెంచుకోవడం మంచిది. దీనికోసం క్యారెట్ జ్యూస్, టొమాటో జ్యూస్, బీట్రూట్ జ్యూస్, దోసకాయ జ్యూస్, పాలకూర- గ్రీన్ జ్యూస్ తాగడం వల్ల చర్మం మెరుస్తుందంటున్నారు నిపుణులు. వీటిల్లో పసుపు, అల్లం వంటివి యాంటీ-ఇన్ఫ్లమేటరీ పదార్థాలు యాడ్ చేయడం మంచిదంటున్నారు.
News February 9, 2026
‘పార్లమెంటులో పేలుడు జరుగుతుంది’.. స్కూళ్లకు బాంబు బెదిరింపులు
ఢిల్లీలోని 10కి పైగా స్కూళ్లకు బాంబు బెదిరింపులు వచ్చాయి. 8.33AMకి తొలి కాల్ వచ్చిందని, స్కూళ్లను అలర్ట్ చేసి విద్యార్థులను పంపించామని ఫైర్ సర్వీసెస్ అధికారులు తెలిపారు. బాంబు డిస్పోజల్ స్క్వాడ్స్తో తనిఖీలు చేస్తున్నట్లు పేర్కొన్నారు. ‘ఢిల్లీ ఖలిస్థాన్ అవుతుంది. పంజాబే ఖలిస్థాన్. అఫ్జల్ గురు జ్ఞాపకార్థం. ఫిబ్రవరి 13న 1.11PMకు పార్లమెంటులో పేలుడు జరుగుతుంది’ అని ఈమెయిల్లో దుండగులు హెచ్చరించారు.