News March 28, 2025
BREAKING: లక్నో చేతిలో SRH ఓటమి
IPL-2025: ఈ సీజన్లో SRHకు తొలి ఓటమి ఎదురైంది. ఉప్పల్ స్టేడియంలో SRHపై లక్నో 5 వికెట్ల తేడాతో గెలిచింది. 191 పరుగుల లక్ష్యంతో బరిలోకి దిగిన లక్నో.. 16.1 ఓవర్లలోనే సులభంగా లక్ష్యాన్ని ఛేదించింది. పూరన్ 26 బంతుల్లో 6 సిక్సర్లు, 6 ఫోర్లతో 70 రన్స్ చేసి మ్యాచును తమవైపు లాగేశారు. ఓపెనర్ మార్ష్ (52) హాఫ్ సెంచరీతో రాణించారు. కమిన్స్ రెండు వికెట్లు తీశారు.
Similar News
News March 31, 2025
మాజీ మంత్రి కాకాణికి పోలీసుల నోటీసులు
AP: క్వార్ట్జ్ అక్రమాలు, పేలుడు పదార్థాల వినియోగం, రవాణా కేసులో మాజీ మంత్రి కాకాణి గోవర్థన్ రెడ్డికి పోలీసులు నోటీసులు ఇచ్చేందుకు సిద్ధమయ్యారు. ఆయన ఇంట్లో లేకపోవడంతో పోలీసులు వెనుదిరిగి వెళ్లిపోయారు. మంత్రితోపాటు ఆయన PA ఫోన్లు కూడా స్విచ్ఛాఫ్ వస్తున్నట్లు పోలీసులు తెలిపారు. నోటీసుల ప్రకారం ఇవాళ ఉదయం 11 గంటలకు నెల్లూరు రూరల్ DSP కార్యాలయంలో ఆయన విచారణకు హాజరు కావాల్సి ఉన్నట్లు వెల్లడించారు.
News March 31, 2025
SRH ఆరోపణలపై స్పందించిన HCA
SRH, HCA ప్రతిష్ఠను మసకబార్చేందుకు కొందరు దుష్ప్రచారం చేస్తున్నారని HCA మండిపడింది. SRH యాజమాన్యం నుంచి తమకు ఎలాంటి ఈమెయిల్స్ రాలేదని తెలిపింది. సోషల్ మీడియాలో వస్తున్న వార్తల్లో ఎలాంటి వాస్తవం లేదని స్పష్టం చేసింది. కాగా ఉచిత పాస్‌ల కోసం HCA తమను తీవ్ర ఒత్తిడికి గురి చేస్తోందని SRH ఆరోపించినట్లు వార్తలు వచ్చిన విషయం తెలిసిందే. టికెట్ల విషయంపై HCA అధ్యక్షుడు జగన్ బెదిరించినట్లు సమాచారం.
News March 31, 2025
మార్చి 31: చరిత్రలో ఈరోజు
1727: ప్రముఖ శాస్త్రవేత్త ఐజాక్ న్యూటన్ మరణం
1865: పాశ్చాత్య వైద్యంలో పట్టాపొందిన తొలి భారత మహిళా వైద్యురాలు ఆనందీబాయి జోషి జననం
1939: నటుడు, నాటక రచయిత సయ్యద్ హుసేన్ బాషా జననం
1972: సినీనటి మీనా కుమారి మరణం
1984: నటి రక్షిత జననం
1987: చదరంగ క్రీడాకారిణి కోనేరు హంపి జననం
అంతర్జాతీయ లింగమార్పిడి దినోత్సవం