News November 16, 2024
BREAKING.. జహీరాబాద్: రోడ్డు ప్రమాదంలో ఇద్దరు మృతి
సంగారెడ్డి జిల్లా జహీరాబాద్ బైపాస్ వద్ద రోడ్డు ప్రమాదం జరిగింది. ఆదర్శనగర్ మలుపు వద్ద కారు కల్వర్టును ఢీకొంది. ఈ ఘటనలో కుత్బుల్లాపూర్‌కు చెందిన సురేశ్, నరసింహారావు స్పాట్‌లో మృతిచెందగా.. మరో ఇద్దరికి గాయాలయ్యాయి. మహారాష్ట్రలోని గానుగాపూర్‌ దర్శనానికి వెళ్లి వస్తుండగా ప్రమాదం చోటుచేసుకుంది. మరిన్ని వివరాలు తెలియాల్సి ఉంది.
Similar News
News November 16, 2024
గజ్వేల్: ‘రేణుకది ఆత్మహత్య కాదు… హత్యే!’
కులాంతర వివాహం చేసుకున్న దళిత యువతి మైసని రేణుకది ఆత్మహత్య కాదని హత్య చేశారనే అనుమానం ఉందని దళిత బహుజన ఫ్రంట్ జాతీయ కార్యదర్శి పి.శంకర్, డిబిఎఫ్ రాష్ట్ర కార్యదర్శి దాసరి ఎగొండ స్వామిలు ఆరోపించారు. రేణుక మరణ విషయం తెలుసుకున్న డీబీఎఫ్ బృందం బాధిత కుటుంబ సభ్యులను శనివారం పరామర్శించారు. రేణుక మృతిపై నిష్పాక్షిక విచారణ చేపట్టాలని డిమాండ్ చేశారు.
News November 16, 2024
సంగారెడ్డి: ఉరేసుకుని విద్యార్థి ఆత్మహత్య
సంగారెడ్డి మండలం కొత్లాపూర్‌లోని మహాత్మా జ్యోతిబాపూలే బీసీ గురుకుల 9వ తరగతి విద్యార్థిని స్వాతి ఉరేసుకుని ఆత్మహత్య చేసుకుంది. ఈ ఘటన ఇవాళ ఉదయం జరిగింది. వెంటనే స్పందించిన సిబ్బంది సంగారెడ్డి జిల్లా ప్రభుత్వ ఆసుపత్రికి తరలించారు. అప్పటికే విద్యార్థి మృతి చెందినట్లు ఆసుపత్రి వైద్యులు తెలిపారు. విద్యార్థిని మరణానికి గల కారణాలు తెలియాల్సి ఉంది.
News November 16, 2024
వర్గల్: పెళ్లైనా నాలుగు నెలలకే సూసైడ్
మనస్తాపంతో వివాహిత ఆత్మహత్య చేసుకుంది. పోలీసుల కథనం ప్రకారం.. సిద్దిపేట వర్గల్ మండలానికి చెందిన భాను, మాదారానికి చెందిన రేణుక(22)ను నాలుగు నెలల కిందట ప్రేమ వివాహం చేసుకున్నాడు. కాగా, వీరి మధ్యలో కొన్నిరోజులుగా గొడవలు జరుతున్నాయి. ఈనెల 14న భాను కుటుంబ సభ్యులకు చనిపోతున్నానంటూ సెల్ఫీ వీడియోను పంపిచారు. దీంతో మనస్తాపం చెందిన రేణుక ఇంట్లో ఉరేసుకుని చనిపోయింది. కేసు నమోదైంది.