News January 24, 2025
BREKING: రూ.1,000 కోసం రెండు హత్యలు
ఇద్దరి స్నేహితులను హత్య చేసిన మరో ఇద్దరు స్నేహితులను శుక్రవారం అరెస్ట్ చేసినట్లు నిజామాబాద్ ACP రాజా వెంకట్ రెడ్డి తెలిపారు. ఒక హత్య కేసు శోధిస్తుంటే మరో హత్య కేసు బయటపడిందని, కేవలం రూ.వెయ్యి కోసం ఈ హత్యలు జరిగాయని ఆయన తెలిపారు. ఈ మేరకు బహదూర్, యూసుఫ్ అనే మిత్రులను హత్య చేసిన అమర్ ఖాన్, రియాజ్ ఖాన్‌లను సాంకేతిక ఆధారాలతో అరెస్ట్ చేసినట్లు వివరించారు. సౌత్ రూరల్ సీఐ సురేష్ పాల్గొన్నారు.
Similar News
News November 29, 2025
REWIND: మలిదశ ఉద్యమంలో మిర్యాలగూడ వాసి ఆత్మహత్యాయత్నం..!
2009 నవంబర్ 29న BRS పార్టీ అధినేత KCR తెలంగాణ కోసం ఆమరణ నిరాహార దీక్ష చేపట్టారు. కాగా దీక్షకు మద్దతుగా నల్గొండ జిల్లా మిర్యాలగూడ పట్టణానికి చెందిన ప్రస్తుత బీఆర్ఎస్ పార్టీ విద్యార్థి సంఘం రాష్ట్ర కార్యదర్శి ఎండీ షోయబ్ వేములపల్లి మండలం శెట్టిపాలెం వద్ద పెట్రోల్ పోసుకుని ఆత్మహత్యకు యత్నించాడు. షోయబ్ తెలంగాణ ఉద్యమ వారసత్వాన్ని తన తల్లిదండ్రుల నుంచి పుచ్చుకున్నారు.
#నేడు తెలంగాణ దీక్ష దివస్
News November 29, 2025
నల్గొండ: తొలి దశ నామినేషన్లకు నేడే ఆఖరు!
నల్గొండ జిల్లాలోని NLG, CDR రెవెన్యూ డివిజన్ పరిధిలో మొదటి దశ పోలింగ్ జరగనుంది. సర్పంచ్ ఎన్నికలకు గురువారం నామినేషన్ల ప్రక్రియ ప్రారంభించిన విషయం తెలిసిందే. 14 మండలాల్లో తొలిరోజు సర్పంచ్ స్థానాలకు 249, వార్డు స్థానాలకు 729 నామినేషన్లు దాఖలయ్యాయి. రెండో రోజు శుక్రవారం సర్పంచ్ స్థానాలకు 365, వార్డు స్థానాలకు 735 నామినేషన్లు దాఖలయ్యాయి. శనివారం సాయంత్రం వరకు నామినేషన్లను స్వీకరించనున్నారు.
News November 29, 2025
నెల్లూరులో సత్ఫలితాలను ఇస్తున్న సెన్సార్ ట్రాక్
నెల్లూరు DTCలో ఏర్పాటైన ఆటోమేటెడ్ డ్రైవింగ్ టెస్ట్ ట్రాక్ సత్ఫలితాలను ఇస్తుంది. ఆషామాషీగా డ్రైవింగ్ లైసెన్స్ తీసుకొని బలాదూర్‌గా తిరిగే వారికి చెక్ పెడుతున్నట్లు గణాంకాలు చెబుతున్నాయి. FEB.1 నుంచి ఈ ట్రాక్ పై జరిగిన టెస్ట్ లో 6574 మందికి కేవలం 1819 మంది మాత్రమే డ్రైవింగ్ లైసెన్స్ పొందగలిగారు. దాదాపు మూడొంతులు మంది అన్ ఫిట్‌గా తేలారు. LMV టెస్ట్‌లో 2439 మందికి 107 మంది మాత్రమే ఫిట్ అయ్యారు.