News May 14, 2024
భవిష్యత్తులో కాంగ్రెస్‌లో బీఆర్ఎస్ విలీనం: లక్ష్మణ్
TG: రుణమాఫీ చేయకుంటే కాంగ్రెస్‌ ప్రభుత్వానికి ఆగస్టు సంక్షోభం తప్పదని బీజేపీ నేత లక్ష్మణ్ అన్నారు. సీఎం రేవంత్ రెడ్డి అలవిగాని హామీలు ఇచ్చారని మండిపడ్డారు. రేవంత్ కూడా కేసీఆర్ బాటలోనే నడుస్తున్నారని, గ్యారంటీల అమలు కోసం విచ్చలవిడిగా అప్పులు చేస్తున్నారని ఆరోపించారు. భవిష్యత్తులో కాంగ్రెస్‌లో బీఆర్ఎస్ విలీనం అవుతుందని లక్ష్మణ్ జోస్యం చెప్పారు.
Similar News
News January 10, 2025
టెస్టు జెర్సీతో జడేజా పోస్టు.. రిటైర్మెంట్‌పై చర్చలు
IND ఆల్‌రౌండర్ రవీంద్ర జడేజా ఇన్‌స్టాలో తన ఎనిమిదో నంబర్ టెస్టు జెర్సీ ఫొటోను షేర్ చేయడం చర్చనీయాంశంగా మారింది. ఇప్పటికే టీ20లకు రిటైర్మెంట్ ఇచ్చిన అతను టెస్టులకూ గుడ్ బై చెప్పే అవకాశం ఉందని సమాచారం. ఈ విషయంపై త్వరలోనే ప్రకటన ఉంటుందని పలువురు కామెంట్స్ చేస్తున్నారు. ఇటీవల అతను టెస్టుల్లో విఫలమవుతున్న విషయం తెలిసిందే. కాగా జడేజా 80 టెస్టుల్లో 3,370 రన్స్ చేసి, 323 వికెట్లు పడగొట్టారు.
News January 10, 2025
శీతాకాలంలో బాదం ప్రయోజనాలెన్నో
శీతాకాలంలో తరచూ అనారోగ్యాలు దాడి చేస్తుంటాయి. వాటి నుంచి రక్షణ కలిగేలా రోగనిరోధక వ్యవస్థను పరిపుష్టం చేసేందుకు బాదం గింజలు ఉపకరిస్తాయని పోషకాహార నిపుణులు చెబుతున్నారు. ‘బాదంలో విటమిన్-ఈ, కాల్షియం, మెగ్నీషియం, ఫాస్ఫరస్, రిబోఫ్లావిన్, ఆరోగ్యకరమైన కొవ్వులు పుష్కలంగా లభిస్తాయి. బరువు నియంత్రణకు, శరీరం వెచ్చగా ఉండేందుకు ఇవి మేలు చేస్తాయి. బాదం గింజల్ని రోజూ తినడం మంచిది’ అని పేర్కొంటున్నారు.
News January 10, 2025
భారత క్రికెటర్ నితీశ్ రెడ్డికి ACA సన్మానం
టీమ్ ఇండియా క్రికెటర్ నితీశ్ కుమార్ రెడ్డిని ACA (ఆంధ్ర క్రికెట్ అసోసియేషన్) ఘనంగా సన్మానించింది. బీజీటీ సిరీస్‌లో గొప్పగా ఆడినందుకు ఆయనను అసోసియేషన్ ప్రతినిధులు అభినందించారు. త్వరలో ఏసీఏ ఆయనకు ప్రకటించిన రూ.25 లక్షల చెక్కును అందించనుంది. కాగా బీజీటీలో నితీశ్ 298 పరుగులతో టోర్నీలో నాలుగో టాప్ స్కోరర్‌గా నిలిచిన విషయం తెలిసిందే. బాక్సింగ్ డే టెస్టులో సెంచరీతోనూ చెలరేగారు.