News August 22, 2025
SM ఇన్‌ఫ్లూయెన్సర్లపై చర్యలకు BRS సన్నద్ధం
TG: KCR, KTRకు పరువు నష్టం కలిగించేలా పోస్టులు పెట్టే సోషల్ మీడియా హ్యాండిల్స్, ఇన్‌ఫ్లూయెన్సర్లపై లీగల్ యాక్షన్ తీసుకుంటామని BRS హెచ్చరించింది. ‘KCR, KTRను టార్గెట్ చేస్తూ SMలో కొందరు పోస్టులు పెడుతున్నారు. వారికి కాంగ్రెస్ డబ్బులు ఇస్తోంది. తప్పుడు సమాచారాన్ని వ్యాప్తి చేసే వారిపై చర్యలు తీసుకుంటాం’ అని పేర్కొంది. గొర్రెల స్కామ్‌పై SMలో పలు వీడియోలు రావడంతో ఈ నిర్ణయం తీసుకున్నట్లు తెలుస్తోంది.
Similar News
News August 22, 2025
లైసెన్స్ లేని కేబుళ్లన్నీ తీసేయండి: హైకోర్టు
TG: హైదరాబాద్‌లో కేబుళ్ల తొలగింపు నేపథ్యంలో ఎయిర్‌టెల్ వేసిన పిటిషన్‌పై విచారణ సందర్భంగా హైకోర్టు న్యాయమూర్తి జస్టిస్ నగేశ్ భీమపాక కీలక ఆదేశాలు జారీ చేశారు. లైసెన్స్ తీసుకున్న కేబుళ్లు తప్ప ఏవీ ఉంచవద్దని స్పష్టం చేశారు. ఇష్టానుసారంగా కేబుళ్లు ఏర్పాటు చేయడం ప్రజల ప్రాణాలతో చెలగాటం ఆడటమేనన్నారు. కాగా ఇటీవల Dy.CM భట్టి ఆదేశాలతో HYDలో కేబుల్, ఇంటర్నెట్ వైర్లు కట్ చేసిన విషయం తెలిసిందే.
News August 22, 2025
కొరత సృష్టించిన వ్యాపారులపై చర్యలు: చంద్రబాబు
AP: ఢిల్లీ పర్యటనకు వెళ్లిన సీఎం చంద్రబాబు రాష్ట్రంలో ఎరువులు, పురుగు మందుల లభ్యత, సరఫరాపై అధికారులతో వీడియో కాన్ఫరెన్స్ ద్వారా సమీక్ష నిర్వహించారు. కేంద్రం నుంచి రావాల్సిన వాటా వచ్చినా కొరత ఎక్కడ ఉందో గుర్తించాలని ఆదేశించారు. కృత్రిమ కొరత సృష్టించినా, దారి మళ్లించినా వ్యాపారులపై కఠిన చర్యలు తీసుకోవాలని సీఎం దిశా నిర్దేశం చేశారు.
News August 22, 2025
అందుకే మీకు ప్రతిపక్ష హోదా రాలేదు: ఆనం
AP: హిందూ ధర్మాన్ని విమర్శించడమే వైసీపీ తన పనిగా పెట్టుకుందని మంత్రి ఆనం రామనారాయణ రెడ్డి విమర్శించారు. ‘హిందువులపై రాజకీయ క్రీడ నడపాలనుకోవడం దుర్మార్గం. ఆలయాలు, పాలక మండళ్లు, దేవదాయశాఖపై విషం చిమ్ముతారా? అసత్యాలతో వైసీపీ చేస్తున్న వికృత క్రీడను దేవుడు సైతం క్షమించడు. దేవుళ్లనూ దోచుకున్నందుకే ప్రతిపక్ష హోదా కూడా రాలేదు. దేవదాయశాఖలో దాదాపు 500ఖాళీల భర్తీకి శ్రీకారం చుట్టాం’ అని తెలిపారు.