News January 20, 2025
రైతు ఆత్మహత్యలపై BRS అధ్యయన కమిటీ
TG: రైతు ఆత్మహత్యలపై అధ్యయనానికి మాజీ మంత్రి నిరంజన్ రెడ్డి ఆధ్వర్యంలో కమిటీ ఏర్పాటు చేసినట్లు BRS ప్రకటించింది. ఈ కమిటీ సభ్యులు 2 వారాల పాటు అన్ని జిల్లాల్లో పర్యటించి రైతు ఆత్మహత్యలు, వ్యవసాయ రంగ పరిస్థితులపై అధ్యయనం చేస్తారని తెలిపింది. అధ్యయనం అనంతరం నివేదికను రూపొందించి ప్రభుత్వానికి అందజేస్తామని, బడ్జెట్ సమావేశాల్లో రైతు సమస్యలపై ప్రభుత్వాన్ని నిలదీస్తామని KTR పేర్కొన్నారు.
Similar News
News November 30, 2025
కారుణ్య నియామకాలకు ఏడాదిలోపే దరఖాస్తు చేసుకోవాలి: హైకోర్టు
TG: జీవో 887 ప్రకారం కారుణ్య నియామకాలకు ఏడాదిలోపే దరఖాస్తు చేసుకోవాలని హైకోర్టు స్పష్టం చేసింది. శ్రీ కొండా లక్ష్మణ్ వర్సిటీలో పనిచేసే వ్యక్తి 2011లో మరణించగా, అతని భార్య 2013లో కారుణ్య నియామకానికి అప్లై చేశారు. ఆమె దరఖాస్తు రిజెక్ట్ కావడంతో HCని ఆశ్రయించారు. ఆమెకి ఉద్యోగం ఇవ్వాలని 2025లో సింగిల్ జడ్జి తీర్పు ఇవ్వగా, వర్సిటీ అప్పీల్ చేసింది. విచారణ జరిపిన డివిజన్ బెంచ్ ఆ తీర్పును రద్దు చేసింది.
News November 30, 2025
రియల్ మాఫియా చేతుల్లోకి అమరావతి: షర్మిల
AP: రాజధాని రియల్ ఎస్టేట్ మాఫియా చేతుల్లోకి వెళ్లిపోతోందని PCC అధ్యక్షరాలు షర్మిల ఆరోపించారు. ‘రెండో విడతలో సుమారు 17వేల ఎకరాలు సేకరిస్తున్నారు. అవన్నీ అదానీ, అంబానీ కోసం చేస్తున్నవే. మొదటి దశలో పనులు పూర్తి కాకుండానే రెండో దశ భూసేకరణ చేపట్టడాన్ని వ్యతిరేకిస్తున్నాం. రైతులకు ఎన్ని రిట్నబుల్ ప్లాట్లు ఇచ్చారు? కంపెనీలకు ఎంత భూమిచ్చారు? అనే వివరాలతో శ్వేతపత్రం విడుదల చేయాలి’ అని డిమాండ్ చేశారు.
News November 30, 2025
నిజమైన జీవిత విలువలు
తాను దేవుడైనా శ్రీకృష్ణుడు పేద స్నేహితుడైన సుదాముని పాదాలు కడిగాడు. శ్రీరాముడు కుల భేదం చూడకుండా గుహుని సహాయం తీసుకున్నాడు. పార్వతీ దేవి సౌందర్యాన్ని పట్టించుకోకుండా మహాదేవుడిని వరించింది. కానీ మనం మాత్రం కులం, హోదా, రంగు అంటూ మనుషుల్లో బేధాలు చూపిస్తున్నాం. ఇతిహాసాల్లో నుంచి మనం ఈ అనురాగం, సమానత్వం, ప్రేమలను స్ఫూర్తిగా తీసుకోవాలి. గొప్పతనం హోదాలో కాదు, మానవ సంబంధాలలో ఉందని గ్రహించాలి.