News February 19, 2025
దారుణం.. బాలికపై ఏడుగురు గ్యాంగ్ రేప్

తమిళనాడు కోయంబత్తూర్లో దారుణం జరిగింది. కునియముత్తూరులో 17 ఏళ్ల బాలికపై ఏడుగురు విద్యార్థులు గ్యాంగ్ రేప్కు పాల్పడ్డారు. ఇంటర్ ఫెయిలై బామ్మ ఇంట్లో ఉంటున్న బాలికకు సోషల్ మీడియాలో ఓ కాలేజీ విద్యార్థితో పరిచయమైంది. ఆమెను నమ్మించి తన గదికి రప్పించుకున్న విద్యార్థి అత్యాచారానికి పాల్పడటంతో పాటు ఆరుగురు స్నేహితుల్ని ఆమెపైకి ఉసిగొల్పి పైశాచిక ఆనందం పొందాడు. నిందితులను పోలీసులు మంగళవారం అరెస్ట్ చేశారు.
Similar News
News November 29, 2025
నీరు ఎక్కువగా తాగితే?

మంచి ఆరోగ్యం కోసం సరిపడా నీరు తాగడం ముఖ్యం. అయితే మోతాదుకు మించితే ఆరోగ్య సమస్యలొస్తాయని వైద్యులు చెబుతున్నారు. ‘రోజూ 2-3 లీటర్ల నీరు తాగొచ్చు. అతిగా తాగితే మూత్రం ద్వారా లవణాలు కోల్పోయి అలసటగా అన్పిస్తుంది. ఓవర్ హైడ్రేషన్ వల్ల విపరీతమైన తలనొప్పి వస్తుంది. కిడ్నీలపై భారం పడి దీర్ఘకాలిక సమస్యలొస్తాయి. పోటాషియం లెవల్స్ పడిపోవడంతో రక్త సరఫరా తగ్గి గుండె ఆరోగ్యానికి ప్రమాదం’ అని హెచ్చరిస్తున్నారు.
News November 29, 2025
సీ సెక్షన్ మహిళల గుండెను వీక్ చేస్తుందా?

సీ సెక్షన్ తర్వాత మహిళల గుండె వీక్ అవుతుందని చాలామంది అపోహ పడుతుంటారు. కానీ అది సరికాదంటున్నారు నిపుణులు. కొన్ని సర్జరీల తర్వాత రక్తం గడ్డకట్టడం, రక్తపోటులో హెచ్చుతగ్గులు, అనస్థీషియా కారణంగా గుండెపై ఒత్తిడి పడుతుంది. హైబీపి, అధికబరువు, డయాబెటిస్ సమస్యలు కారణంగా సి సెక్షన్ తర్వాత గుండె ఆరోగ్యం దెబ్బతింటుందని చెబుతున్నారు. రెగ్యులర్గా హెల్దీ ఫుడ్ తీసుకోవడం, వర్కౌట్ చేయడం మంచిదని సూచిస్తున్నారు.
News November 29, 2025
రైళ్లలో అధిక ధరలు.. IRCTC చర్యలు

ప్రీమియర్ రైళ్లలో ఆహార పదార్థాల ధరలు పెంచి అమ్ముతున్నారనే ఫిర్యాదుల నేపథ్యంలో IRCTC చర్యలకు ఉపక్రమించింది. సిబ్బందికి ఐడీ కార్డులు, యూనిఫాం ఇవ్వాలని నిర్ణయించింది. మెనూ, ఫుడ్ ధరలు తెలుసుకునేందుకు యూనిఫాం పైనే క్యూఆర్ కోడ్, ఫిర్యాదులు చేయడానికి హెల్ప్ లైన్ నంబర్లను ముద్రించనుంది. వందేభారత్, రాజధాని వంటి రైళ్ల సిబ్బందికి నేవీ బ్లూ, ఇతర రైళ్లకు లైట్ బ్లూ టీషర్టులు ఇవ్వనుంది.


