News July 23, 2024
బడ్జెట్ షాక్: ప్లాట్లు అమ్మేవాళ్లపై పిడుగు
బడ్జెట్లో సాధారణ ప్రజలకు అర్థమవ్వని మెలిక ఒకటుంది. అదే ఇండెక్సేషన్ బెనిఫిట్ తొలగింపు. స్థిరాస్తి, బంగారం, నమోదు కాని ఇతర ఆస్తులపై దీర్ఘకాల లాభాల లెక్కింపును సరళతరం చేసేందుకు ఈ నిర్ణయం తీసుకున్నారట. ఒకవైపు LTCG పన్ను 10 నుంచి 12.5 శాతానికి పెంచడమే కాకుండా ఇండెక్సేషన్ ప్రయోజనం తొలగించడంతో జనాల పరిస్థితి మూలిగే నక్కపై తాటిపండు పడ్డ చందంగా మారింది. రియల్ ఎస్టేట్ పెట్టుబడిదారులకు ఇది పెద్ద దెబ్బే!
Similar News
News April 7, 2026
Alert: పాలిసెట్కు అప్లై చేసుకున్నారా?
తెలుగు రాష్ట్రాల్లో టెన్త్ పరీక్షలు రాసిన విద్యార్థులు పాలిసెట్-2026కు దరఖాస్తు చేసుకుంటున్నారు. ఏపీలో ఈ నెల 9 వరకు దరఖాస్తు చేసుకునేందుకు అవకాశం ఉంది. ఏప్రిల్ 25న పరీక్ష జరగనుంది. సైట్: https://polycetap.ap.gov.in/. అటు తెలంగాణలో పాలిసెట్ అప్లికేషన్ గడువు ఏప్రిల్ 20తో ముగియనుంది. మే 13న ఎగ్జామ్ నిర్వహించనున్నారు. పరీక్ష పూర్తైన 12 రోజులకు ఫలితాలు వెల్లడిస్తారు. polycet.sbtet.telangana.gov.in/
News April 7, 2026
లోపాలను వీడి.. లోకాన్ని ఎదిరించి
ప్రేమకు కళ్లు లేవంటారు. కానీ స్వచ్ఛమైన మనసుంటుందని నిరూపించారు మచిలీపట్నానికి చెందిన షేక్ గౌసియా(19). మతం వేరైనా, తన బాల్య మిత్రుడు శశి(23) మరుగుజ్జుగా ఉన్నా అతణ్నే ప్రాణంగా ప్రేమించారు. పెద్దలు నిరాకరించినా చర్చిలో అతడితో చేతులు కలిపారు. అందం, అంతస్తు కంటే అనురాగమే మిన్న అని చాటిన వీరు రక్షణ కోసం పోలీసులను ఆశ్రయించారు. సమాజం చూసే చూపు కంటే తోడుండే మనసే గొప్పదంటున్న వీరి కథ అందరినీ కదిలిస్తోంది.
News April 7, 2026
JEE టాపర్.. మనసుకు నచ్చిన పనిచేస్తూ!
JEE మెయిన్స్ టాపర్ కల్పిత్ వీర్వాల్(రాజస్థాన్) సింగర్గా మారారు. 2017లో 360/360 మార్కులతో ఆలిండియా ఫస్ట్ ర్యాంక్ సాధించిన ఆయన ముంబై IITలో కంప్యూటర్ సైన్స్ పూర్తి చేశారు. అయితే కార్పొరేట్ జాబ్ రొటీన్ అవుతుందని.. తనకు ఇష్టమైన సంగీతంపై ఫోకస్ పెట్టారు. ప్రస్తుతం ఆయన రైటర్, సింగర్గా రాణిస్తున్నారు. నచ్చని ఉద్యోగాల కంటే అభిరుచిని వృత్తిగా మార్చుకుంటే సంతోషంగా జీవించవచ్చని కల్పిత్ చెబుతున్నారు.