News September 10, 2025
₹1.56 లక్షలకు తగ్గనున్న బుల్లెట్ బైక్ ధర!
GST సవరణ నేపథ్యంలో తమ కంపెనీ బైక్స్ ధరలను తగ్గించినట్లు రాయల్ ఎన్ఫీల్డ్ ప్రకటించింది. దీంతో ఈనెల 22 నుంచి 350cc కెపాసిటీ మోడల్స్ ధరలు ₹22 వేల వరకు తగ్గనున్నాయి. రాయల్ ఎన్ఫీల్డ్ బుల్లెట్ 350(బేస్ మోడల్) ఎక్స్ షోరూమ్ రేట్ ₹1.56 లక్షలు, క్లాసిక్ 350 రేట్ ₹1.77 లక్షలు, హంటర్ 350 ధర కనిష్ఠంగా ₹1.27 లక్షలకు తగ్గే అవకాశం ఉంది. అటు 350cc కెపాసిటీకి మించిన అన్ని రకాల మోడల్స్ రేట్స్ భారీగా పెరగనున్నాయి.
Similar News
News April 15, 2026
నా శరీరంలో ఇప్పటికీ శకలాలు ఉన్నాయి: సంగక్కర
2009 పాక్ పర్యటనలో తమ బస్సుపై జరిగిన ఉగ్రదాడి గురించి శ్రీలంక మాజీ క్రికెటర్ సంగక్కర ఆశ్చర్యకర విషయాలు వెల్లడించారు. ‘మేం గ్రౌండ్కు బయల్దేరాం. బాంబు పేలి ఇంటికి తిరిగి వెళ్లిపోతే బాగుండని ఓ బౌలర్ అన్నాడు. నిమిషం కూడా గడవకముందే మాపై దాడి జరిగింది. నా శరీరంలో ఇప్పటికీ శకలాలు ఉన్నాయి’ అని ఓ ఇంటర్వ్యూలో తెలిపారు. ఉగ్రవాదులు జరిపిన కాల్పుల్లో సంగక్కర, మెండిస్, సమరవీర, తరంగ, లక్మల్, తుషార గాయపడ్డారు.
News April 15, 2026
ఏఐకి శిక్షణ ఇచ్చే ఉద్యోగాలు.. గంటకు ₹14 వేలు!
Aiతో ఉద్యోగాలు పోతాయని అందరూ భయపడుతున్నారు. కానీ ఏఐకే శిక్షణ ఇచ్చే ఉద్యోగాలున్నాయి. ఈ రంగంలోకి అడుగుపెడుతున్న లింక్డ్ ఇన్ ‘ఏఐ లేబర్ మార్కెట్ ప్లేస్’ను టెస్ట్ చేస్తోంది. Ai ట్రైనర్లకు స్కిల్ను బట్టి గంటకు ₹3,700-14,000 ఇవ్వనున్నట్లు లిస్టింగ్స్లో పేర్కొంది. ఇందులో భాగంగా ఆయా రంగాల నిపుణులు ఏఐ టూల్స్ సామర్థ్యాలను పరీక్షించడం, స్పందనలకు రేటింగ్ ఇవ్వడం, లోపాలను గుర్తించడం వంటివి చేస్తారు.
News April 15, 2026
ఏప్రిల్ 15: చరిత్రలో ఈ రోజు
*1452: బహుముఖ ప్రజ్ఞాశాలి లియొనార్డో డావిన్సి జయంతి(ఫొటోలో)
*1469: భారత ఆధ్యాత్మిక గురువు గురునానక్ జయంతి
*1865: అమెరికా మాజీ అధ్యక్షుడు అబ్రహం లింకన్ మరణం
*1912: టైటానిక్ షిప్ మునిగిపోయిన రోజు
*1977: భారత సైకత శిల్పి సుదర్శన్ పట్నాయక్ జననం
*ప్రపంచ కళా దినోత్సవం
*సాంస్కృతిక సార్వత్రిక దినోత్సవం