News April 12, 2024

బుమ్రా నా కాళ్లను పచ్చడి చేసేవాడు: సూర్య

image

నెట్స్‌లో జస్ప్రీత్ బుమ్రా తన యార్కర్లతో నా కాళ్లను పచ్చడి చేసేవాడని.. లేదంటే బ్యాట్ విరగ్గొట్టేవాడని ముంబై స్టార్ బ్యాటర్ సూర్యకుమార్ యాదవ్ అన్నారు. మేమిద్దరం రెండు మూడేళ్లుగా కలిసి ఆడుతున్నామని.. అప్పటినుంచి ఇదే పరిస్థితి అని చెప్పారు. కాగా నిన్న బెంగళూరుతో జరిగిన మ్యాచ్‌లో బుమ్రా 5 వికెట్లతో చెలరేగిన విషయం తెలిసిందే. తన యార్కర్లతో RCB బ్యాటర్లకు చుక్కలు చూపించి మ్యాన్ ఆఫ్ ద మ్యాచ్‌గా నిలిచారు.

Similar News

News November 29, 2025

ఆడవారికి మతిమరుపు ఎక్కువా?

image

ఇటీవలి అధ్యయనాలు ప్రకారం మగవారి కంటే ఆడవారికే మతిమరుపు ఎక్కువ ఉందని చెబుతున్నాయి. దీనికి ప్రధాన కారణం మెనోపాజ్. మాములుగా ఈస్ట్రోజన్ అనే హార్మోన్ రిలీజ్ చేసే రసాయనాలతో మెదడు బాగా పని చేస్తుంది. కానీ మెనోపాజ్ త్వరగా రావడం, హార్మోన్ల అసమతుల్యత వల్ల శరీరంలో ఈస్ట్రోజన్ హార్మోన్ పనితీరు తగ్గుతుంది. దీంతో మెదడుకు అందే రసాయనాల ఉత్పత్తి జరగక మతిమరుపు వస్తుందని నిపుణులు చెబుతున్నారు.

News November 29, 2025

లేటెస్ట్ అప్డేట్స్

image

* డిసెంబర్ 15న రవీంద్రభారతిలో గాయకుడు ఎస్పీ బాలసుబ్రహ్మణ్యం విగ్రహావిష్కరణకు సీఎం రేవంత్‌ను ఆహ్వానించిన నటుడు శుభలేఖ సుధాకర్
* తెలంగాణ పోలీస్ హౌజింగ్ ఇన్‌ఫ్రాస్ట్రక్చర్ టెక్నాలజీ కార్పొరేషన్ ఇకపై తెలంగాణ పోలీసు హౌజింగ్ ఇన్‌ఫ్రాటెక్ అండ్ కన్సల్టెన్సీ సర్వీసెస్ కార్పొరేషన్(TGPICS)గా మార్పు.. ఎండీగా రమేశ్
* ఢిల్లీ పేలుడు కేసులో నిందితులకు ముగిసిన విచారణ.. 10 రోజుల పాటు విచారించిన NIA

News November 29, 2025

తెలుగులో ‘రాజమౌళి వారణాసి’గా మూవీ రిలీజ్?

image

రాజమౌళి-మహేశ్‌బాబు కాంబినేషన్‌లో తెరకెక్కుతోన్న ‘వారణాసి’ మూవీని మరో నిర్మాణ సంస్థ తెలుగులో రిజిస్టర్ చేసుకున్న విషయం తెలిసిందే. తాజాగా ఈ టైటిల్‌పై వివాదం సద్దుమణిగినట్లు సమాచారం. దీంతో తెలుగులో ‘రాజమౌళి వారణాసి’, మిగిలిన అన్ని భాషల్లో ‘వారణాసి’ పేరుతోనే సినిమాను రిలీజ్ చేయనున్నట్లు తెలుస్తోంది. మేకర్స్ త్వరలోనే దీనిపై అధికారిక ప్రకటన చేసే అవకాశం ఉంది. కాగా ఈ చిత్రం 2027 వేసవిలో రిలీజ్ కానుంది.