News November 21, 2024
కెప్టెన్సీపై బుమ్రా కీలక వ్యాఖ్యలు
BGT తొలి టెస్టుకు టీమ్ ఇండియా కెప్టెన్‌గా వ్యవహరించడం గౌరవంగా భావిస్తున్నట్లు జస్ప్రీత్ బుమ్రా తెలిపారు. ప్రెస్ కాన్ఫరెన్స్‌లో మాట్లాడుతూ ‘రోహిత్, కోహ్లీ కెప్టెన్సీ స్టైల్స్ వేర్వేరుగా ఉంటాయి. నేనూ నా సొంత శైలిలో బాధ్యతలు నిర్వర్తిస్తా. టీమ్ కాంబినేషన్‌ను ఇప్పటికే ఫైనల్ చేశాం. రేపు మ్యాచుకు ముందు ప్రకటిస్తాం’ అని తెలిపారు. అన్నీ అనుకూలిస్తే ఈ సిరీస్‌లో షమీ కూడా ఆడే ఛాన్స్ ఉందని పేర్కొన్నారు.
Similar News
News November 22, 2025
వనజీవి జీవితంపై సినిమా మొదలు!
తెలంగాణ ‘వనజీవి’గా పేరుగాంచిన పద్మశ్రీ అవార్డు గ్రహీత రామయ్య జీవిత చరిత్ర సినిమా రూపంలో తెరకెక్కనుంది. ఖమ్మంలో ఈ బయోపిక్‌ను లాంఛనంగా ప్రారంభించారు. వనజీవి రామయ్య తన జీవితాన్ని లక్షలాది మొక్కలను నాటడానికి, రక్షించడానికి అంకితం చేసిన విషయం తెలిసిందే. ఆయన ఆదర్శవంతమైన, నిరాడంబర జీవన విధానం, పర్యావరణ భక్తిని ఈ సినిమా వెండితెరపైకి తీసుకురానుంది. ఆయన పాత్రలో నటుడు బ్రహ్మాజీ కనిపించనున్నారు.
News November 22, 2025
క్షమాపణలు చెప్పిన అల్‌-ఫలాహ్‌ వర్సిటీ
ఢిల్లీ పేలుడు ఘటనలో అల్‌-ఫలాహ్‌ వర్సిటీ పేరు రావడంతో, వారి వెబ్‌సైట్‌లో ఉన్న పాత అక్రిడిటేషన్‌ వివరాలపై NAAC షోకాజ్‌ నోటీసులు జారీ చేసిన విషయం తెలిసిందే. దీనిపై వర్సిటీ స్పందిస్తూ వెబ్‌సైట్ డిజైన్‌ లోపాలు కారణంగా ఈ పొరపాట్లు జరిగాయని క్షమాపణలు తెలిపింది. తప్పుడు సమాచారాన్ని తొలగించినట్లు పేర్కొంది. కాగా గడువు ముగిసిన తరువాత కూడా వర్సిటీ గ్రేడ్‌లను తమ సైట్‌లో కొనసాగిస్తూ వచ్చింది.
News November 22, 2025
జల, వాయు మార్గాల ద్వారా భారత్-అఫ్గాన్ ట్రేడ్
భారత్-అఫ్గాన్ మధ్య సంబంధాలు బలోపేతమవుతున్నాయి. పాక్ రోడ్డు మార్గం మూసేయడంతో జల, వాయు మార్గాల ద్వారా ద్వైపాక్షిక వాణిజ్యాన్ని విస్తరించేందుకు సిద్ధమవుతున్నాయి. ఇందుకోసం ఇరాన్‌లోని చాబహార్ ఓడరేవుతోపాటు రెండు ప్రత్యేక కార్గో విమానాలను ఉపయోగించుకోనున్నట్లు ఇరు దేశాలు ప్రకటించాయి. ప్రస్తుతం IND-AFG మధ్య బిలియన్ డాలర్ల వాణిజ్యం జరుగుతుండగా, భవిష్యత్తులో మరింత పెంచనున్నాయి.