News January 4, 2025
బెయిల్ పూచీకత్తు పత్రాలు సమర్పించిన బన్నీ
TG: పుష్ప-2 హీరో అల్లుఅర్జున్ నాంపల్లి కోర్టుకు హాజరయ్యారు. జడ్జి ముందు రెగ్యులర్ బెయిల్ పూచీకత్తు పత్రాలు సమర్పించారు. వాటిపై సంతకాలు చేశారు. అనంతరం తన ఇంటికి వెళ్లిపోయారు. సంధ్య థియేటర్ తొక్కిసలాట ఘటనలో అల్లు అర్జున్కు నాంపల్లి కోర్టు నిన్న రూ.50వేల చొప్పున 2 పూచీకత్తులతో రెగ్యులర్ బెయిల్ మంజూరు చేసిన విషయం తెలిసిందే.
Similar News
News January 9, 2026
అందరికీ అండగా ఉండే అచ్యుతుడు
సుప్రసాదః ప్రసన్నాత్మా విశ్వధృగ్విశ్వభుగ్విభుః ।
సత్కర్తా సత్కృతః సాధుర్జహ్నుర్నారాయణో నరః ॥
దేవుడు దయామయుడు. భక్తులపై అనుగ్రహం చూపుతూ కోరిన వరాలిస్తాడు. విశ్వాన్ని రక్షిస్తాడు. సత్కర్మలు చేసేవారిని గౌరవిస్తూ, సాధువులకు అండగా ఉంటాడు. తనను నమ్మిన వారిని చేయి పట్టి నడిపిస్తూ, పరమపదానికి చేరుస్తాడు. సర్వవ్యాపియైన ఆ నారాయణుడు ప్రతి జీవిలోనూ ఉండి, మనల్ని సన్మార్గంలో నడిపిస్తాడు. <<-se>>#VISHNUSAHASRANAMAM<<>>
News January 9, 2026
గార్డెన్ రిచ్ షిప్బిల్డర్స్& ఇంజినీర్స్ లిమిటెడ్లో 220 పోస్టులు
గార్డెన్ రిచ్ షిప్బిల్డర్స్& ఇంజినీర్స్ లిమిటెడ్లో 220 అప్రెంటిస్ పోస్టులకు అప్లై చేయడానికి రేపే ఆఖరు తేదీ. ఐటీఐ, గ్రాడ్యుయేట్(Engg.), డిప్లొమా ఉత్తీర్ణులు NATS పోర్టల్లో రిజిస్ట్రేషన్ చేసుకోవాలి. అభ్యర్థుల గరిష్ఠ వయసు 26ఏళ్లు. రిజర్వేషన్ గలవారికి ఏజ్లో సడలింపు ఉంది. విద్యార్హతల్లో మెరిట్ ఆధారంగా ఎంపిక చేస్తారు. వెబ్సైట్: https://www.grse.nic.in/
News January 9, 2026
ఎయిర్ ప్యూరిఫయర్లపై GST తగ్గిస్తారా? కేంద్రం సమాధానమిదే
ఎయిర్ ప్యూరిఫయర్లపై GST తగ్గించాలన్న ఢిల్లీ HC సూచనలపై కేంద్రం స్పందించింది. GST కౌన్సిల్ సమావేశం కాకుండా పన్ను రేట్లను తగ్గించలేమని తెలిపింది. ఢిల్లీ లాంటి నగరాల్లో గాలి నాణ్యత తగ్గడంతో ఎయిర్ ప్యూరిఫయర్లపై GSTని తగ్గించాలన్న డిమాండ్ వినిపిస్తోంది. ప్రస్తుతం వాటిపై 18% పన్ను ఉంది. కాగా రాజ్యాంగంలోని ఆర్టికల్ 279A ప్రకారం GST రేట్లను నిర్ణయించే అధికారం కౌన్సిల్కు మాత్రమే ఉందని కేంద్రం పేర్కొంది.