News July 2, 2024
ఎల్లుండి స్కూళ్లు, కాలేజీల బంద్‌కు పిలుపు
నీట్, నెట్ పరీక్షల లీకేజీపై సమగ్ర విచారణ జరపాలని డిమాండ్ చేస్తూ SIF, AISF, PDSU, PDSO, NSUI విద్యార్థి సంఘాలు జులై 4న దేశ వ్యాప్తంగా స్కూళ్లు, కాలేజీల బంద్‌కు పిలుపునిచ్చాయి. NTAను రద్దు చేయాలని, కేంద్ర విద్యాశాఖమంత్రి రాజీనామా చేయాలని డిమాండ్ చేశాయి. గత ఐదేళ్లలో 65 పేపర్ లీకేజీ ఘటనలు జరిగాయని, దీనిపై పార్లమెంట్‌లో మోదీ చర్చించి న్యాయం చేయాలని కోరాయి. లీకేజీలతో విద్యార్థులు నష్టపోయారని తెలిపాయి.
Similar News
News November 10, 2024
UK PM దీపావళి వేడుకల్లో మద్యం, మాంసం?
UK PM కీర్ స్టార్మర్ ఆతిథ్యమిచ్చిన దీపావళి వేడుకల్లో మద్యం, మాంసం వడ్డించడంతో బ్రిటిష్ హిందూస్ షాకయ్యారని తెలిసింది. ‘14 ఏళ్లుగా ప్రధాని నివాసంలో దీపావళి వేడుకలు మద్యం, మాంసం లేకుండానే జరుగుతున్నాయి. ముందే మమ్మల్ని సంప్రదిస్తే బాగుండేది. PM సలహాదారులు మరీ ఇంత నిర్లక్ష్యం, అలసత్వంతో ఉండటం దారుణం’ అని హిందువులు విమర్శిస్తున్నారు. గతేడాది రిషి సునాక్ వేడుకలు నిర్వహించిన తీరును గుర్తుచేసుకుంటున్నారు.
News November 10, 2024
గ్రూప్-2 మెయిన్స్ వాయిదా.. FEB 23న పరీక్ష?
AP: రాష్ట్రంలో గ్రూప్-2 మెయిన్స్ షెడ్యూల్ ప్రకారం జనవరి 5న <<14491669>>జరగాల్సి<<>> ఉండగా అభ్యర్థుల వినతి మేరకు వాయిదా వేయాలని ఏపీపీఎస్సీ నిర్ణయించినట్లు తెలుస్తోంది. ఫిబ్రవరి 23న ఈ పరీక్ష నిర్వహించే అవకాశం కనిపిస్తోంది. డీఎస్సీ నోటిఫికేషన్ వాయిదా పడటంతోపాటు మెయిన్స్‌కు మరింత సమయం కావాలని అభ్యర్థులు కోరుతున్నారు. దీనిపై ప్రభుత్వాన్ని సంప్రదించాక అధికారులు కొత్త తేదీపై అధికారిక ప్రకటన చేయనున్నారు.
News November 10, 2024
JK: టెర్రరిస్టులు, భద్రతా బలగాల మధ్య కాల్పులు
జమ్మూకశ్మీర్లో టెర్రరిస్టులు, భద్రతా బలగాల మధ్య కాల్పులు చోటుచేసుకున్నాయి. ఉగ్రవాదులు ఉన్నారనే సమాచారం మేరకు పోలీసులు, ఆర్మీ కలిసి శ్రీనగర్ జిల్లాలోని జబర్వాన్ ఫారెస్ట్ ఏరియాలో జాయింట్ సెర్చ్ ఆపరేషన్ ఆరంభించాయి. నేటి ఉదయం ముష్కరులు కనిపించడంతో కాల్పులు జరిగాయి. మరోవైపు బారాముల్లాలోనూ వరుసగా రెండో రోజు సెర్చ్ ఆపరేషన్ కొనసాగుతోంది. ఈ దాడిలో ఒక ఉగ్రవాది మరణించాడు. మరిన్ని వివరాలు తెలియాల్సి ఉంది.