News March 22, 2024
మాజీ మంత్రుల సీట్లు గల్లంతేనా..?
AP: టీడీపీ సీనియర్ నేతలు, మాజీ మంత్రులు కొందరికి దాదాపుగా సీట్లు లేనట్లే కనిపిస్తోంది. కళా వెంకట్రావు, దేవినేని ఉమ, సత్యనారాయణ, జవహర్‌కు మూడో జాబితాలోనూ చోటు దక్కలేదు. ఇటు చీపురుపల్లిలో గంటా శ్రీనివాసరావు పోటీపై సందిగ్ధం నెలకొంది. దీంతో అక్కడి సీనియర్ నాయకురాలు కిమిడి మృణాళిని సీటు పైనా క్లారిటీ రాలేదు. మరోవైపు సీనియర్లు సోమిరెడ్డి, కోళ్ల లలిత, వనమాడి వెంకటేశ్వర్లు టికెట్లు కన్ఫార్మ్ చేసుకున్నారు.
Similar News
News November 30, 2025
ఎస్పీని సన్మానించిన బాధిత కుటుంబీకులు
మెదక్ పట్టణంలో పెళ్లిరోజు జరిగిన బంగారం చోరీని ఛేదించిన పోలీసులను అభినందిస్తూ జిల్లా ఎస్పీ డీవీ శ్రీనివాసరావును బాధితులు సన్మానించారు. పెళ్లిరోజు పది తులాల బంగారం చోరీకి గురికాగా, సీఐ మహేష్ ఆధ్వర్యంలో ప్రత్యేక బృందాలను ఏర్పాటు చేసి సాంకేతికత ఆధారంగా నిందితులను అరెస్టు చేశారు. బాధిత కుటుంబానికి కోర్టు ద్వారా బంగారు ఆభరణాలు అందజేశారు. బాధిత కుటుంబం ఎస్పీని కలిసి శాలువాతో సన్మానించింది.
News November 30, 2025
‘ఎల్లమ్మ’పై వచ్చే నెలలో అనౌన్స్‌మెంట్: దిల్ రాజు
బలగం ఫేమ్ వేణు తెరకెక్కించనున్న ‘ఎల్లమ్మ’ మూవీ వివరాలను వచ్చే నెల అనౌన్స్ చేస్తామని నిర్మాత దిల్ రాజు తెలిపారు. ప్రతి స్క్రిప్ట్‌పై ఆచితూచి నిర్ణయం తీసుకుంటున్నామన్నారు. అలాగే తమ బ్యానర్ నుంచి వచ్చే ఏడాది 6 సినిమాలు రానున్నట్లు వెల్లడించారు. అటు ఎల్లమ్మలో హీరోగా DSP చేస్తారని, హీరోయిన్ ఎవరనే దానిపై Tటౌన్‌లో చర్చ జరుగుతోంది. కీర్తీ సురేశ్ అని ప్రచారం జరగ్గా, తాను నటించట్లేదని ఇటీవల ఆమె తేల్చేశారు.
News November 30, 2025
యుద్ధం.. 70,100 మంది మృతి
ఇజ్రాయెల్-హమాస్ యుద్ధంతో ఇప్పటివరకు 70,100 మంది పాలస్తీనా ప్రజలు మరణించినట్లు గాజా ఆరోగ్య శాఖ వెల్లడించింది. OCT 10న కాల్పుల విరమణ ఒప్పందం అమల్లోకి వచ్చిన తర్వాత కూడా ఇజ్రాయెల్ దాడుల్లో 352 మంది చనిపోయినట్లు తెలిపింది. 2023 OCT 7న హమాస్ మిలిటెంట్లు ఇజ్రాయెల్‌పై దాడి చేసి 1200 మంది పౌరులను చంపి, 250 మందిని బందీలుగా తీసుకెళ్లారు. అప్పటి నుంచి హమాస్ అంతమే లక్ష్యంగా ఇజ్రాయెల్ యుద్ధం చేస్తోంది.