News June 24, 2024
ఉప్పల్-ఘట్‌కేసర్ ఫ్లైఓవర్ కాంట్రాక్ట్ రద్దు: కోమటిరెడ్డి
TG: ఉప్పల్-ఘట్‌కేసర్ మధ్య ఫ్లైఓవర్ నిర్మిస్తున్న కాంట్రాక్టర్‌పై కేంద్రమంత్రి నితిన్ గడ్కరీ చర్యలకు ఆదేశించారని రాష్ట్ర మంత్రి కోమటిరెడ్డి తెలిపారు. కొత్త టెండర్లు పిలవాలని చెప్పినట్లు వివరించారు. ఢిల్లీ పర్యటనలో ఉన్న కోమటిరెడ్డి.. ఫ్లైఓవర్ నిర్మాణంలో కాంట్రాక్టర్ తీవ్ర జాప్యం చేస్తున్నారని గడ్కరీ దృష్టికి తీసుకెళ్లినట్లు సమాచారం. దీంతో కాంట్రాక్ట్ రద్దు చేస్తున్నట్లు కేంద్రమంత్రి ప్రకటించారు.
Similar News
News November 23, 2025
ఆస్ట్రేలియన్‌ ఓపెన్‌లో దుమ్మురేపిన లక్ష్యసేన్
భారత బ్యాడ్మింటన్‌ ప్లేయర్ లక్ష్యసేన్ ఆస్ట్రేలియన్‌ ఓపెన్‌ 2025లో అద్భుత విజయం సాధించారు. జపాన్‌ ఆటగాడు యూషీ తనాకాపై 21-15, 21-11 తేడాతో జయకేతనం ఎగరవేశారు. దీంతో సైనా నెహ్వాల్‌, కిదాంబి శ్రీకాంత్‌ తర్వాత ఆస్ట్రేలియన్‌ ఓపెన్‌ గెలిచిన మూడో భారత ఆటగాడిగా లక్ష్య నిలిచారు. ఈ సీజన్‌లో అతనికి ఇదే తొలి BWF టైటిల్. అలాగే తన కెరీర్‌లో మూడో సూపర్‌ 500 టైటిల్.
News November 23, 2025
స్పీకర్ నోటీసులపై స్పందించిన దానం
TG: పార్టీ ఫిరాయింపు ఆరోపణలపై విచారణకు హాజరుకావాలన్న స్పీకర్ నోటీసులపై ఎమ్మెల్యే దానం నాగేందర్ స్పందించారు. వివరణ ఇచ్చేందుకు నేటితో గడువు ముగియనుండటంతో మరి కొంత సమయం కావాలని కోరుతూ స్పీకర్‌కు లేఖ రాశారు. కాగా పార్టీ ఫిరాయింపు ఆరోపణలు, తాజా పరిస్థితులపై కాంగ్రెస్ నేతలను ఆయన కలిసి చర్చించినట్లు సమాచారం.
News November 23, 2025
URDIPలో ప్రాజెక్ట్ అసోసియేట్ పోస్టులు
CSIR-యూనిట్ ఫర్ రీసెర్చ్ అండ్ డెవలప్‌మెంట్ ఆఫ్ ఇన్ఫర్మేషన్ ప్రొడక్ట్స్(URDIP) 3ప్రాజెక్ట్ అసోసియేట్ పోస్టులను భర్తీ చేస్తోంది. కెమికల్/ఫార్మాస్యూటికల్ సైన్సెస్‌లో పీజీ లేదా బ్యాచిలర్ ఆఫ్ కెమికల్ ఇంజినీరింగ్ ఉత్తీర్ణత గల వారు డిసెంబర్ 16న ఇంటర్వ్యూకు హాజరుకావొచ్చు. అభ్యర్థుల గరిష్ఠ వయసు 35ఏళ్లు. వెబ్‌సైట్: https://urdip.res.in/