News November 15, 2024
కులగణన సర్వే 30% పూర్తి: మంత్రి పొన్నం
TG: కులగణన సర్వే 30% పూర్తయినట్లు మంత్రి పొన్నం ప్రభాకర్ వెల్లడించారు. సికింద్రాబాద్ కంటోన్మెంట్‌లో స్పోర్ట్స్ కాంప్లెక్స్ ఏర్పాటు కోసం స్థలాన్ని పరిశీలించిన అనంతరం ఆయన మాట్లాడారు. కులగణన సర్వే ఎవరికీ వ్యతిరేకం కాదని, సర్వేలో బ్యాంక్ అకౌంట్ డీటెయిల్స్ అడగట్లేదని చెప్పారు. కులం వివరాలు చెప్పడం ఇష్టం లేకపోతే 999 ఆప్షన్ ఉంటుందని తెలిపారు. ఎన్యూమరేటర్లను ఇబ్బంది పెడితే కఠిన చర్యలు తీసుకుంటామన్నారు.
Similar News
News November 15, 2024
యజమాని సగం ముఖాన్ని పీకేసిన కుక్క!
పెంపుడు శునకాల్లో పిట్ బుల్ కుక్కల్ని అత్యంత ప్రమాదకరమైనవిగా చెబుతుంటారు. అది మరోసారి నిరూపితమైంది. బరేలీకి చెందిన ఆదిత్య శంకర్ అనే వ్యక్తి పిట్‌బుల్‌ను పెంచుకుంటున్నారు. తాజాగా ఆ కుక్క అతడిపై దాడికి పాల్పడింది. పెదాలు, సగానికి పైగా ముఖాన్ని పీకేసింది. కుటుంబీకులు వెంటనే అతడిని ఆస్పత్రికి తరలించగా వైద్యులు సర్జరీ చేశారు. కుక్కను జంతు సంరక్షణ కేంద్రానికి తరలించినట్లు మునిసిపల్ అధికారులు తెలిపారు.
News November 15, 2024
కూటమి నేతలు అసభ్యకర పోస్టులు పెట్టినా చర్యలు: సీఎం
AP: ఆడబిడ్డల రక్షణ బాధ్యత తాము తీసుకుంటామని సీఎం చంద్రబాబు అసెంబ్లీలో తెలిపారు. వైసీపీ ప్రభుత్వం సోషల్ మీడియాలో వ్యవస్థీకృత నేరాలకు పాల్పడిందని ఆరోపించారు. ‘కన్నతల్లులను కూడా దూషించేలా పోస్టులు పెట్టారు. వీళ్లు మనుషులేనా? ఎన్డీఏలో కూడా ఏ లీడర్ ఇలాంటి అసభ్యకరపోస్టులు పెట్టినా కఠిన చర్యలు తీసుకుంటాం. చట్టాలకు పదును పెడతాం. నిందితులను ఉక్కుపాదంతో అణచివేస్తాం’ అని హెచ్చరించారు.
News November 15, 2024
అసలు సంగతి పక్కనపెట్టి అదానీ వెంట పడ్డారా?
అదానీ ఇంట్లో BJP, NCP <<14596038>>మీటింగ్<<>> అనగానే మహారాష్ట్రలో 80గంటల ప్రభుత్వంలో అదానీ పాత్రపైనే అంతా ఫోకస్ పెట్టారు. పూర్వ NCP అధినేత శరద్ పవార్ ఇందులో పాల్గొన్నారనే సంగతిపై శీతకన్నేశారు. శివసేనతో పేచీ వచ్చాక రాత్రికి రాత్రే ఫడ్నవీస్ CM, అజిత్ పవార్ DCMగా ప్రమాణం చేశారు. దీనికి ముందు జరిగిందే ఆ మీటింగ్. అందులో Sr పవార్ ఏం మాట్లాడారు? ముందు మోదీనెందుకు కలిశారు? కాకాకు అంతా తెలుసన్న అజిత్ ప్రశ్నలకు బదులేది?