India's largestHyperlocal short
news App
Get daily news updates that are tailored for you based on your preferred language & location.
శెట్టూరు మండలం కంబాలపల్లి గ్రామ శివారులో పొలం పనులకు వెళుతున్న హనుమంతరాయుడు అనే రైతుపై ఓ ఎలుగుబంటి దాడి చేసింది. ఈ ఘటన గురువారం ఉదయం చోటు చేసుకుంది. హనుమంతరాయుడు పొలంలోకి వెళుతున్న సమయంలో ఓ ఎలుగుబంటి అతడిపై దాడి చేసి కరిచింది. ఎలుగుబంటి దాడిలో తీవ్రంగా గాయపడిన హనుమంతరాయుడును కళ్యాణదుర్గం ఆసుపత్రికి తరలించారు.
అనంతపురం జిల్లాలో వేరుసెనగ విత్తనం కావాల్సిన రైతులు రైతు భరోసా కేంద్రాల్లో రిజిస్ట్రేషన్ ప్రక్రియ బుధవారం నాలుగో రోజుకు చేరుకుంది. ఇప్పటివరకు మొత్తం 27,868 క్వింటాళ్లకు 31,555 మంది రైతులు పేర్లు నమోదు చేసుకున్నారని డీఏవో ఉమామహేశ్వరమ్మ, ఏపీసీడ్స్ జిల్లా మేనేజర్ సుబ్బయ్య తెలిపారు. ఇప్పటివరకు మొత్తం 24, 520 క్వింటాళ్ల వేరుసెనగ విత్తనకాయలు ప్రాసెసింగ్ చేసినట్లు అధికారులు తెలిపారు.
ఈనెల 24 నుంచి జూన్ 3వ తేది వరకు 10వ తరగతి సప్లిమెంటరీ పరీక్షలను నిర్వహిస్తున్నట్లు డిఈఓ బి.వరలక్ష్మి ఒక ప్రకటనలో తెలిపారు. ఈ పరీక్షలకు జిల్లా వ్యాప్తంగా 45 సెంటర్లు ఏర్పాటు చేశామని, ఉదయం 9: 30 గంటల నుంచి 12:45 గంటల వరకు జరిగే పరీక్షలకు 13,332మంది విద్యార్థులు హాజరవుతున్నట్లు తెలిపారు. ఈ అవకాశాన్ని ఫెయిల్ అయిన విద్యార్థులు సద్వినియోగం చేసుకోవాలని కోరారు.
అనంత జిల్లాలో ఇంటర్ అడ్వాన్స్డ్ సప్లిమెంటరీ పరీక్షలు ఈ నెల 24 నుంచి జూన్ 1 వరకూ నిర్వహిస్తున్నట్లు డీవీఈఓ వెంకటరమణనాయక్ తెలిపారు. అనంతపురం జిల్లాలో 34 కేంద్రాల్లో ఏర్పాటు చేశామన్నారు. జనరల్ కోర్సుల మొదటి ఏడాది విద్యా ర్థులు 15,921మంది, ద్వితీయ సంవత్సరం విద్యార్థులు 5017మంది, వృత్తిపరమైన ప్రథమ సంవత్సరం 980, ద్వితీయ సంవత్సరం విద్యార్థులు 592మంది పరీక్షలకు హాజరవుతున్నట్లు ఆయన తెలిపారు.
ఇంటర్ అడ్వాన్స్డ్ సప్లిమెంటరీ పరీక్షల ఫీజు తత్కాల్ కింద గురువారం కూడా చెల్లించవచ్చు. ఉదయం 10 గంటల నుంచి మధ్యాహ్నం 12 గంటల వరకు మాత్రమే సమయం ఇస్తూ ఇంటర్ బోర్డు కమిషనర్ బుధవారం సాయంత్రం ఉత్తర్వులు జారీ చేశారు. జిల్లాలో ఫీజు చెల్లించని విద్యార్థులు ఈ అవకాశాన్ని సద్వినియోగం చేసుకోవాలని ఇంటర్ పరీక్షల జిల్లా కన్వీనర్ వెంకటరమణనాయక్ కోరారు. తత్కాల్ కింద రూ.3వేలు అదనంగా చెల్లించాల్సి ఉంటుందన్నారు
తాడిపత్రి మండలంలో రైలు కింద పడి తాడిపత్రి టౌన్ బ్యాంక్ మాజీ మేనేజర్ ఆత్మహత్య చేసుకున్న ఘటన బుధవారం రాత్రి జరిగింది. పట్టణ పరిధిలోని రైల్వే ఫ్లైఓవర్ బ్రిడ్జ్ సమీపంలో రైలు పట్టాలపై మృతదేహం ఉన్నట్లు గుర్తించిన స్థానికులు రైల్వే పోలీసులకు సమాచారం అందించారు. విషయం తెలుసుకున్న పోలీసులు ఘటనా స్థలాన్ని పరిశీలించగా తాడిపత్రికి చెందిన శ్రీనివాసరావుగా గుర్తించారు. ఆత్మహత్యకు గల కారణాలు తెలియాల్సి ఉంది.
అనంతపురం జిల్లాకు ముగ్గురు ఐఏఎస్ అధికారులను పరిశీలకులుగా నియమించినట్లు కలెక్టర్ వినోద్ కుమార్ తెలిపారు. ఎన్నికల ఫలితాల కౌంటింగ్ సందర్భంగా ప్రత్యేక అధికారులుగా అనంతపురం అర్బన్, రాప్తాడు నియోజకవర్గాలకు మనీష్ సింగ్, ఉరవకొండ, కళ్యాణదుర్గం, శింగనమలకు అజయ్ నాథ్, రాయదుర్గం, తాడిపత్రి, గుంతకల్లు నియోజకవర్గాలకు అజయ్ కుమార్ పరిశీలకులుగా వ్యవహరించనున్నారు.
తాడిపత్రి ఘటనకు సంబంధించి నిఘా వైఫల్యంపై పోలీసు ఉన్నతాధికారులు చర్యలు తీసుకున్నారు. అలజడులని ముందస్తుగా పసిగట్టడంలో విఫలం, ముందస్తుగా అప్రమత్తం చేయకపోవడం, ప్రమాదాన్ని గుర్తించడంలో అలసత్వం వహించిన స్పెషల్ బ్రాంచ్ పోలీసులపై చర్యలు తీసుకున్నారు. ఆరుగురు కానిస్టేబుల్స్ను స్పెషల్ బ్రాంచ్ పరిధి నుంచి తప్పించారు. ఒక హెడ్ కానిస్టేబుల్ను సస్పెండ్ చేస్తూ ఉత్తర్వులు జారీ చేశారు.
గోరంట్ల, పెనుకొండ రూరల్, అర్బన్ మండలాల నాయకులు, కార్యకర్తలతో మంత్రి ఉషశ్రీ చరణ్ బుధవారం సమీక్ష సమావేశం నిర్వహించారు. ఆమె మాట్లాడుతూ.. ఈ సార్వత్రిక ఎన్నికల్లో అన్ని గ్రామాల్లో ప్రతి ఒక్కరూ సమన్వయంతో పని చేయడంతో వైసీపీ భారీ మెజారిటీతో గెలవడం తథ్యం అన్నారు. పెనుకొండ కోటపై మరోసారి వైసీపీ జెండా కచ్చితంగా ఎగరవేస్తామని తెలిపారు. వైసీపీ పార్టీ విజయోత్సవానికి అందరూ సిద్ధం కావాలని పిలుపునిచ్చారు.
పుట్లూరు మండలంలో యువతి బుధవారం ఉరివేసుకుని ఆత్మహత్య చేసుకుంది. మండల పరిధిలోని మడ్డిపల్లిలో ఇందు అనే యువతి అనారోగ్యంతో బాధపడుతూ ఉరివేసుకొని ఆత్మహత్యకు పాల్పడినట్లు తెలుస్తోంది. విషయాన్ని గమనించిన స్థానికులు వెంటనే పోలీసులకు సమాచారం అందించారు. ఘటనపై కేసు నమోదు చేసుకుని దర్యాప్తు చేస్తున్నట్లు ఎస్ఐ హేమాద్రి తెలిపారు.
Sorry, no posts matched your criteria.