India's largestHyperlocal short
news App
Get daily news updates that are tailored for you based on your preferred language & location.
download Way2News app now
Anantapur
News October 13, 2024
మద్యం షాపుల ఎంపిక ప్రక్రియ జేఎన్టీయూకు మార్పు
అనంతపురం జిల్లా మద్యం షాపులకు ఎంపిక ప్రక్రియ కలెక్టర్ కార్యాలయంలోని రెవెన్యూ భవన్ నుంచి జేఎన్టీయూకు మార్చామని అనంతపురం జిల్లా కలెక్టర్ వినోద్ కుమార్ పేర్కొన్నారు. జేఎన్టీయూలోని ఎన్టీఆర్ ఆడిటోరియంలో సోమవారం ఉదయం 7 గంటలకు లాటరీ ద్వారా మద్యం షాపుల ఎంపిక ప్రక్రియ నిర్వహించనున్నమని తెలిపారు. ఈ ప్రక్రియ పారదర్శకంగా జరుగుతుందన్నారు.
News October 12, 2024
భారీ వర్షాల నేపథ్యంలో రేపు కలెక్టరేట్‌లో సమీక్ష
ఈనెల 14 నుంచి 16వ తేదీ వరకు శ్రీ సత్యసాయి జిల్లాలో భారీ వర్షాలు కురిసే అవకాశం ఉందని వాతావరణ శాఖ పేర్కొన్న నేపథ్యంలో ఆదివారం కలెక్టరేట్‌లో సమీక్ష నిర్వహిస్తున్నట్టు కలెక్టర్ టీఎస్ చేతన్ పేర్కొన్నారు. ఆదివారం ఉదయం 10.30 గంటలకు స్పందన గ్రీవెన్స్ హాలులో ముఖ్య శాఖల అధికారులతో సమీక్ష ఉంటుందని, సంబంధిత అధికారులు తప్పకుండా హాజరు కావాలని ఓ ప్రకటనలో తెలిపారు.
News October 12, 2024
అనంత: విద్యుత్ షాక్‌కు గురై బాలుడి మృతి
విద్యుత్ షాక్‌కు గురై బాలుడు మృతిచెందిన ఘటన డీ.హీరేహల్ మండల కేంద్రంలో చోటుచేసుకుంది. హీరేహల్‌కు చెందిన ఎర్రిస్వామి అనే బాలుడు గొర్రెలు మేపడానికి ఇంటి నుంచి వెళ్లారు. అయితే విద్యుత్ ట్రాన్స్‌ఫారం వద్ద స్టే వైరు తగిలి విద్యుత్ షాక్‌కు గురయ్యారు. వెంటనే బళ్లారి విమ్స్ ఆస్పత్రికి తరలించగా అప్పటికే మృతి చెందినట్లు వైద్యులు ధ్రువీకరించారు. ఘటనపై పోలీసులు దర్యాప్తు చేస్తున్నారు.
News October 12, 2024
శ్రీ సాయి ఆరామంలో మద్యం షాపుల ఎంపిక ప్రక్రియ..
శ్రీ సత్యసాయి జిల్లాలో మద్యం షాపుల ఎంపిక ప్రక్రియ జిల్లా కేంద్రంలోని శ్రీ సాయి ఆరామంలో జరుగుతుందని కలెక్టర్ టీఎస్ చేతన్ పేర్కొన్నారు. సోమవారం ఉదయం 7 గంటలకు మద్యం షాపుల ఎంపిక ప్రక్రియ జరుగుతుందని, మద్యం షాపులకు డిపాజిట్లు చెల్లించిన వారు ఎంపిక ప్రక్రియలో పాల్గొనవచ్చునన్నారు. అధికారుల సమక్షంలో ఎంపిక ప్రక్రియ పారదర్శకంగా జరుగుతుందన్నారు.
News October 12, 2024
శ్రీ సత్యసాయి జిల్లా కలెక్టరేట్‌లో కంట్రోల్ రూమ్ ఏర్పాటు
బంగాళాఖాతంలో ఏర్పడిన అల్పపీడన ప్రభావంతో రానున్న మూడు రోజులలో భారీ వర్షాలు కురుస్తాయని వాతావరణ శాఖ హెచ్చరిక నేపథ్యంలో జిల్లా కలెక్టరేట్‌లో కంట్రోల్ రూమ్ ఏర్పాటు చేసినట్లు కలెక్టర్ టీఎస్ చేతన్ పేర్కొన్నారు. శ్రీ సత్యసాయి జిల్లా కలెక్టరేట్‌లో 24 గంటలు అందుబాటులో ఉండే విధంగా కంట్రోల్ రూమ్ ఏర్పాటు చేశామన్నారు. ఏదైనా సమస్య తలెత్తితే 88852 89039కు సమాచారం ఇవ్వాలన్నారు.
News October 12, 2024
గ్యాంగ్ రేప్ చేసిన వారిని వెంటనే అరెస్ట్ చేయాలి: సీపీఐ
చిలమత్తూరు మండలం నల్లబొమ్మినిపల్లిలో బళ్లారి నుంచి ఉపాధి కోసం వచ్చిన కుటుంబంలోని వాచ్‌మెన్, అతని కొడుకును కత్తులతో బెదిరించి అత్త, కోడలిపై అత్యాచారానికి పాల్పడిన దుండగులను వెంటనే పట్టుకుని శిక్షించాలని సీపీఐ రాష్ట్ర కార్యదర్శివర్గ సభ్యుడు జగదీశ్ డిమాండ్ చేశారు. పొట్టకూటి కోసం వచ్చిన అత్త, కోడలిపై గ్యాంప్‌ రేప్‌నకు పాల్పడిన ఘటన తీవ్రంగా కలచివేసిందన్నారు. ఇది అత్యంత బాధాకరమన్నారు.
News October 12, 2024
నిందితులను వెంటనే అరెస్ట్ చేయండి: మంత్రి సవిత
చిలమత్తూరు మండలం నల్లబొమ్మినిపల్లి గ్రామంలో అత్తా-కోడలిపై దుండగులు అత్యాచారానికి పాల్పడిన విషయం తెలిసిందే. దీనిపై మంత్రి నవిత స్పందించారు. ఘటనకు పాల్పడిన వారిపై కఠిన చర్యలు తీసుకోవాలని పోలీసులకు ఆదేశించారు. రాష్ట్రంలో ఇలాంటి ఘటనలకు చోటు లేదని, వీలయినంత త్వరగా నిందితులను పట్టుకోవాలన్నారు. మహిళల భద్రతకు ప్రభుత్వం కఠిన చర్యలు తీసుకుంటుందన్నారు.
News October 12, 2024
అనంతపురం జిల్లాలో 136 దుకాణాలకు 3144 దరఖాస్తులు
అనంతపురం జిల్లా వ్యాప్తంగా 136 నూతన ప్రైవేటు మద్యం దుకాణాలకు 3144 దరఖాస్తులు వచ్చినట్లు అధికారులు తెలిపారు. జిల్లాలో అత్యధికంగా విడపనకల్లులో 111వ దుకాణానికి 51 దరఖాస్తులు వచ్చాయి. అత్యల్పంగా తాడిపత్రి పరిధిలో 16 దుకాణాలకు కేవలం 97 దరఖాస్తు మాత్రమే వచ్చినట్లు తెలిపారు. అయితే అనంతపురం నగరంలో 30 దుకాణాలకు 1056 దరఖాస్తులు వచ్చాయి.
News October 12, 2024
విద్యార్థులందరికీ విజయాలు చేకూరాలి: మాజీ రిజిస్ట్రార్
జేఎన్టీయూ విశ్వవిద్యాలయ పరిధిలోని విద్యార్థులకు జేఎన్టీయూ విశ్వవిద్యాలయ మాజీ రిజిస్ట్రార్ సీ.శశిధర్ విజయదశమి శుభాకంక్షాలు తెలిపారు. దుర్గామాత ఆశీస్సులతో విద్యార్థులందరికీ విజయాలు చేకూరాలని ఆయన అభిలషించారు. ప్రతి ఇంట సుఖ సంతోషాలు, శాంతి సౌభాగ్యాలు వెల్లివిరిసేలా జగన్మాత దీవెనలు లభించాలని ఆకాంక్షించారు.
News October 11, 2024
రాబోయే 3 రోజులలో భారీ వర్షాలు: కలెక్టర్
శ్రీ సత్యసాయి జిల్లాలో రాబోయే మూడు రోజులలో భారీ వర్షాలు పడే అవకాశాలు ఉన్నాయని వాతావరణ శాఖ హెచ్చరికలు జారీ చేసిందని ప్రజలు అప్రమత్తంగా ఉండాలని కలెక్టర్ టీఎస్ చేతను పేర్కొన్నారు. తుఫాన్ ప్రభావం వల్ల 14 నుంచి 16వ తేదీ వరకు రాయలసీమలో భారీ నుంచి అతి భారీ వర్షాలు కురిసే అవకాశం ఉందన్నారు. ప్రజలు ముందు జాగ్రత్తలు పాటించాలని సూచించారు.
Featured News
Sorry, no posts matched your criteria.