India's largestHyperlocal short
news App
Get daily news updates that are tailored for you based on your preferred language & location.
download Way2News app now
Anantapur
News September 22, 2024
వైసీపీ నాయకుడి ఇంటికి వెళ్లిన సూర్య కుమార్
అనంతపురం జిల్లా కేంద్రంలో ఇండియా స్టార్ క్రికెటర్ సూర్య కుమార్ యాదవ్ ఆదివారం సందడి చేశారు. దులీప్ ట్రోఫీ క్రికెట్ మ్యాచ్‌లో పాల్గొనేందుకు వచ్చిన క్రికెటర్ సూర్యకుమార్ యాదవ్ ట్రోపీ మ్యాచ్ అనంతరం నగరంలోని వైసీపీ రాష్ట్ర నాయకుడు హరీష్ కుమార్ యాదవ్ ఇంటికి వెళ్ళారు. ఈ సందర్భంగా సూర్యకుమార్ యాదవ్ హరీష్ కుమార్ యాదవ్ ఇంటిలో అందరితో మమేకమై సందడిగా గడిపారు. అభిమానులకు సైతం సెల్ఫీలు, ఆటో గ్రాఫ్‌లు ఇచ్చారు.
News September 22, 2024
జిల్లాలో ప్రతి ప్రోజెక్టుకు నీటిని అందిస్తాం: మంత్రి
బెలుగుప్ప మండలం జీడిపల్లి వద్ద ఉన్న హంద్రీనీవా పంప్ హౌస్‌ను జలవనరుల శాఖ మంత్రి నిమ్మల రామానాయుడు, ఎమ్మెల్యేలు కాలువ శ్రీనివాసులు, అమిలేనేని సురేంద్ర బాబు పరిశీలించారు. సీఎం చంద్రబాబు ప్రభుత్వంలో హంద్రీనీవా కాలువలను మరింత అభివృద్ధి చేస్తామని అన్నారు. జిల్లాలో ఉన్న ప్రతి ప్రోజెక్టుకు నీటిని అందిస్తామని మంత్రి హామీ ఇచ్చారు. జీడిపల్లి ముంపు బాధితులకు నష్టపరిహారం చెల్లిస్తామని హామీ ఇచ్చారు.
News September 22, 2024
అనంతపురం జిల్లాలో 33 మంది బదిలీ
అనంతపురం జిల్లా వ్యాప్తంగా 33 మంది రెవెన్యూ ఇన్‌స్పెక్టర్లు, సీనియర్ అసిస్టెంట్లను బదిలీ చేస్తూ కలెక్టర్ వినోద్ కుమార్ ఉత్తర్వులు జారీ చేశారు. సాధారణ బదిలీల్లో భాగంగా జిల్లా వ్యాప్తంగా 33 మందిని బదిలీ చేశారు. వారికి కేటాయించిన తహశీల్దార్ కార్యాలయాల్లో రిపోర్ట్ చేసుకోవాలని సూచించారు.
News September 22, 2024
73 మంది డిప్యూటీ తహశీల్దార్ల బదిలీ
అనంతపురం జిల్లాలో 73 మంది డిప్యూటీ తహశీల్దార్లను బదిలీ చేస్తూ కలెక్టర్ వినోద్ కుమార్ ఆదేశాలు జారీచేశారు. ప్రభుత్వ నిబంధనల మేరకు వారిని బదిలీ చేసినట్లు ఉత్తర్వుల్లో పేర్కొన్నారు. బదిలీ అయిన అధికారులు వెంటనే కలెక్టర్ కార్యాలయంలో సంప్రదించి ట్రాన్స్‌ఫర్ ఆర్డర్స్ పొంది సంబంధిత కార్యాలయంలో రిపోర్టు చేసుకోవాలని సూచించారు.
News September 22, 2024
మృతులు అనంతపురం వాసులుగా గుర్తింపు
బుక్కరాయసముద్రం మండలం రేకులకుంట గ్రామ సమీపంలో జరిగిన రోడ్డు ప్రమాదంలో నలుగురు చనిపోయిన విషయం తెలిసిందే. మృతులు అనంతపురంలోని స్టాలిన్‌ నగర్‌కు చెందిన వారిగా గుర్తించారు. పవన్, చాకలి పవన్‌గా ఇద్దరిని గుర్తించగా.. మరో ఇద్దరి వివరాలు తెలియాల్సి ఉంది. వీరు అనంతపురం నుంచి నార్పలకు పుట్టిన రోజు వేడుకలకు వెళ్తుండగా ఈ ప్రమాదం జరిగినట్లు తెలుస్తోంది.
News September 21, 2024
ప్రభుత్వ తీరు హాస్యాస్పదంగా ఉంది: ఉషశ్రీ చరణ్
100 రోజుల పాలన విఫలం కావడంతోనే సీఎం చంద్రబాబు నాయుడు తిరుమల లడ్డూల విషయం తెరపైకి తెచ్చి ప్రజల దృష్టిని మళ్లిస్తున్నారని వైసీపీ సత్యసాయి జిల్లా అధ్యక్షురాలు ఉషశ్రీ చరణ్ తెలిపారు. శనివారం పెనుకొండలో ఆమె మాట్లాడుతూ.. కూటమి మంచి ప్రభుత్వమా? కాదా అన్నది? ప్రజలు చెప్పాలన్నారు. కానీ కూటమి నేతలే తమది మంచి ప్రభుత్వం అని ప్రచారం చేసుకోవడం హాస్యాస్పదంగా ఉందని విమర్శించారు.
News September 21, 2024
పాట్నాలో అనంతపురం విద్యార్థి ఆత్మహత్య
అనంతపురం జిల్లాకు చెందిన ఇంజినీరింగ్ స్టూడెంట్ పాట్నాలో ఆత్మహత్య చేసుకున్నారు. అందిన వివరాల మేరకు.. బుక్కరాయసముద్రం మండల పరిధిలోని కొట్టాలపల్లి గ్రామానికి చెందిన పల్లవీరెడ్డి పాట్నాలోని ఎన్ఐటీలో బీటెక్ ద్వితీయ సంవత్సరం చదువుతున్నారు. ఈ క్రమంలో కళాశాల హాస్టల్ భవనంలో ఉరేసుకొని ఆత్మహత్యకు పాల్పడ్డారు. ఆత్మహత్యకు గల కారణాలు తెలియాల్సి ఉంది.
News September 21, 2024
ఇన్‌స్టాలో ప్రేమ.. సోమందేపల్లిలో పెళ్లి
సత్యసాయి జిల్లా సోమందేపల్లి మండలం మాగేచెరువుకు చెందిన గంగాధర్‌కు మూడు నెలల క్రితం ఇన్‌స్టాలో తెలంగాణలోని జగిత్యాలకు చెందిన అనూష పరిచయమైంది. తరచూ ఇన్‌స్టాలో మాట్లాడుకునే వారి మధ్య ప్రేమ చిగురించింది. శుక్రవారం ఆమె సోమందేపల్లికి చేరుకుని తాను ఇష్టపడిన గంగాధర్‌ను పెళ్లి చేసుకుంది. తొలుత వీరి పెళ్లికి ఇద్దరి తరఫున పెద్దలు అంగీకరించలేదు. గ్రామస్థులు అండగా ఉంటామని భరోసానివ్వడంతో వివాదం సద్దుమణిగింది.
News September 21, 2024
అనంత ఎస్పీ గ్రీవెన్స్‌కు 8 పిటిషన్లు
జిల్లా ఎస్పీ పి.జగదీశ్ జిల్లాలోని పోలీస్ సిబ్బంది సమస్యల పరిష్కారానికి శుక్రవారం గ్రీవెన్స్ నిర్వహించారు. బదిలీలు, సస్పెన్సన్ రీఓక్, ఇతర సమస్యలపై సిబ్బంది 8 పిటిషన్లు అందజేశారు. అర్జీలకు సర్వీస్ రూల్స్ ప్రకారం పరిష్కారం చూపాలని ఎస్పీ అధికారులకు ఆదేశాలు జారీ చేశారు. ఈ కార్యక్రమంలో అదనపు ఎస్పీ రమణమూర్తి, ఎస్పీ సీసీ ఆంజనేయ ప్రసాద్, తదితరులు పాల్గొన్నారు.
News September 20, 2024
కూటమి పాలనలో సంక్షేమ పథకాలన్నీ రద్దు: అనంత వెంకటరామిరెడ్డి
కూటమి పాలనలో సంక్షేమ పథకాలన్నీ రద్దయ్యాయని అనంతపురం మాజీ ఎమ్మెల్యే అనంత వెంకటరామిరెడ్డి ధ్వజమెత్తారు. సోమవారం ఆయన మాట్లాడుతూ.. 100 రోజుల పాలనలో రాష్ట్రం అభివృద్ధిలో వెనక్కు.. అవినీతిలో ముందుకు వెళ్లిందని విమర్శించారు. ఖరీఫ్ ముగిసి రబీ ప్రారంభమవుతున్నా పెట్టుబడి సాయం అందలేదని అన్నారు. జిల్లాలో ఎక్కడ చూసినా మట్టి, ఇసుక దోపిడీ జరుగుతోందని ఆరోపించారు.
Featured News
Sorry, no posts matched your criteria.