India's largestHyperlocal short
news App
Get daily news updates that are tailored for you based on your preferred language & location.
download Way2News app now
Anantapur
News September 14, 2024
ATP: సీఎం ఎస్కార్ట్ వాహన కానిస్టేబుల్ హఠాన్మరణం
సీఎం చంద్రబాబు ఎస్కార్ట్ వాహన డ్యూటీ నిమిత్తం విజయవాడకు వెళ్లిన ఏఆర్ కానిస్టేబుల్ చంద్రనాయక్ గుండెపోటుతో మృతి చెందారు. పుట్టపర్తి నియోజకవర్గం బుక్కపట్నం మం. గరుగుతండాకు చెందిన చంద్రనాయక్ అనంతపురం జిల్లా సాయుధ పోలీసు విభాగంలో పనిచేస్తున్నారు. శుక్రవారం సాయంత్రం సీఎం ఢిల్లీ పర్యటనలో భాగంగా విమానాశ్రయానికి వెళ్లేందుకు ఎస్కార్ట్ వాహనం సిద్ధం చేశారు. ఈ క్రమంలో చంద్రనాయక్ ఒక్కసారిగా కుప్పకూలి మరణించారు.
News September 14, 2024
అనంతపురంలో కిలో టమాటా రూ.30
★ అనంతపురంలోని కక్కలపల్లి మార్కెట్లో శుక్రవారం కిలో టమాటా రూ.30 పలికింది. కనిష్ఠ ధర రూ.16, సరాసరి ధర రూ.24 ప్రకారం మార్కెట్లో అమ్మకాలు జరిగాయి.
★ అనంతపురం వ్యవసాయ మార్కెట్ యార్డులో శుక్రవారం చీనీ కాయలు టన్ను గరిష్ఠ ధర రూ.18 వేలు, కనిష్ఠ ధర రూ.10వేలు, సరాసరి రూ.15 వేలు పలుకాయి.
News September 14, 2024
గుంతకల్‌కు ఆ పేరు ఎలా వచ్చిందో తెలుసా?
ముంబై-చెన్నై మధ్య ప్రధాన జంక్షన్‌గా గుంతకల్లుకు పేరుంది. దక్షిణ మధ్య రైల్వేలోని 5 ప్రధాన డివిజన్‌లలో గుంతకల్ డివిజన్ 3వది. బ్రిటిష్ ఈస్టిండియా, బ్రిటిష్ ఇండియా పరిపాలన కాలంలోనూ రైలు ప్రయాణాల్లో గుంతకల్ ప్రాభవం పొందింది. అయితే పాత గుంతకల్లులో వెలసిన గుంతకల్లప్ప స్వామి పేరు మీద గుంతకల్లుకు ఆ పేరు వచ్చినట్లు చరిత్ర చెబుతోంది. ఈ నియోజకవర్గంలో కసాపురం, హజారత్ వలి మస్తాన్ దర్గా ప్రముఖ దర్శనీయ ప్రదేశాలు.
News September 13, 2024
అనంత: నూరుల్లా దారుణ హత్యకు వివాహేతర సంబంధమే కారణం
తాడిపత్రిలో గురువారం రాత్రి నూరుల్లా(34) అనే వ్యక్తి దారుణ హత్యకు గురైన సంగతి తెలిసిందే. ఈ ఘటనకు సంబంధించి వివరాలను సీఐ సాయిప్రసాద్ వెళ్లడించారు. ‘నూరుల్లా ఆర్జాస్ ఉక్కు పరిశ్రమలో ఉద్యోగం చేసేవారు. కొన్నేళ్ల నుంచి చిన్న బజార్‌కు చెందిన మహిళతో సన్నిహితంగా ఉన్నారు. నిన్న రాత్రి విధులు ముగించుకొని సదరు మహిళ ఇంటి వద్దకు వెళ్లడం ఆమె బంధువులు చూశారు. ఆవేశంతో బండరాళ్లతో కొట్టి హత్య చేశారు’ అని తెలిపారు.
News September 13, 2024
శ్రీ సత్యసాయి: జాతీయ రహదారిపై రోడ్డు ప్రమాదం.. ఒకరు దుర్మరణం
శ్రీ సత్యసాయి జిల్లా బత్తలపల్లి మండలం నల్లబోయినపల్లి వద్ద అనంతపురం-చెన్నై జాతీయ రహదారిపై జరిగిన రోడ్డు ప్రమాదంలో ఒకరు మృతిచెందారు. మరొకరు తీవ్రంగా గాయపడ్డారు. అనంతపురం వైపు నుంచి కదిరి వైపునకు బైక్‌పై వెళ్తుండగా పక్కనున్న ట్రాక్టర్‌ను ఢీకొనడంతో అక్కడికక్కడే మృతిచెందాడు. మరిన్ని వివరాలు తెలియాల్సి ఉంది.
News September 13, 2024
ఈ పంట నమోదులో అధికారులకు నిర్లక్ష్యం తగదు: కలెక్టర్
అనంత: ఖరీఫ్లో చేపడుతున్న ఈ పంట నమోదులో వ్యవసాయ అధికారులు ఎట్టి పరిస్థితుల్లోనూ నిర్లక్ష్యంతో వ్యవహరించి రాదనీ, ఈ నెల 15 నాటికీ వంద శాతం పంట నమోదు పూర్తి చేయాలనీ జిల్లా కలెక్టర్ వినోద్ కుమార్ నిర్దేశించారు. ఆయన మాట్లాడుతూ.. ఈ పంట నమోదులో భాగంగా బ్రహ్మసముద్రం, నార్పల, హీరేహాళ్ మండలాలు వెనుకబడ్డాయని, కలెక్టర్ అసంతృప్తి వ్యక్తం చేశారు. వజ్రకరూరులో మాత్రమే 100 శాతం పూర్తి చేసినట్లు తెలిపారు.
News September 13, 2024
శ్రీ సత్యసాయి: బుల్లెట్ వాహనానికి నిప్పు
లేపాక్షి మండలం బిసలమానేపల్లిలో మధుసూదన్ తన ఇంటి వద్ద నిలిపిన బుల్లెట్ వాహనానికి గుర్తుతెలియని వ్యక్తులు నిప్పు పెట్టారు. దీంతో బైక్ పూర్తిగా కాలిపోయి దాదాపు రూ.2 లక్షల నష్టం వాటిల్లినట్లు బాధితుడు వాపోయారు. సమాచారం తెలుసుకున్న పోలీసులు అక్కడి చేరుకుని పరిశీలించారు. ఉద్దేశపూర్వకంగా చేశారా? లేక లేక ప్రమాదవశాత్తూ జరిగిందా? అనే కోణంలో దర్యాప్తు చేపట్టారు.
News September 13, 2024
అనంత: రోడ్డు ప్రమాదంలో వ్యక్తి దుర్మరణం
కంబదూరు మండలంలోని అండేపల్లి శివార్లలో ఉన్న దేవరమాన్ల వద్ద గురువారం రాత్రి జరిగిన రోడ్డు ప్రమాదంలో కంసాలి బాలాజీ(24) అనే యువకుడు మృతిచెందాడు. మృతిడు కదిరిదేవరపల్లికి చెందిన వ్యక్తిగా పోలీసులు గుర్తించారు. మృతుడికి భార్య, కుమారుడు ఉన్నారని గ్రామస్థులు తెలిపారు. కుటుంబ పెద్దదిక్కును కోల్పోవడంతో భార్య, పిల్లలు కన్నీరుమున్నీరయ్యారు.
News September 13, 2024
ఈనెల 16న జాబ్ మేళా: మడకశిర ఎమ్మెల్యే
మడకశిరలోని యాదవ కళ్యాణ్ మండపంలో ఈ నెల 16న ఉదయం 10 గంటలకు జాబ్ మేళా నిర్వహిస్తున్నట్లు ఎమ్మెల్యే ఎమ్మెస్ రాజు తెలిపారు. అమర్ రాజా కంపెనీ యాజమాన్యం ఇంటర్వ్యూలు నిర్వహిస్తున్నట్లు పేర్కొన్నారు. 10వ తరగతి, ఇంటర్, ఐటీఐ చేసినవారు అర్హులన్నారు. శిక్షణ సమయంలో రూ.11,875 నుంచి రూ.12,642 స్టైఫండ్ ఇస్తారన్నారు. ఈ అవకాశాన్ని నిరుద్యోగులు సద్వినియోగం చేసుకోవాలని కోరారు.
News September 13, 2024
హిందూపురంలో మద్యం దుకాణాలకు సీలు
శ్రీ సత్య సాయి జిల్లా హిందూపురంలో శుక్రవారం వినాయక నిమజ్జనం సందర్భంగా పట్టణంలోని అన్ని మద్యం దుకాణాలకు అధికారులు సీలు వేశారు. వినాయక విగ్రహాల ఊరేగింపు, నిమజ్జనం సందర్భంగా హిందూపురం మున్సిపాలిటీలో ఉన్న అన్ని మద్యం షాపులు, బార్లు మూసివేయాలని కలెక్టర్ ఆదేశాల మేరకు అధికారులు ముందస్తుగా మూసివేశారు.
Featured News
Sorry, no posts matched your criteria.