India's largestHyperlocal short
news App
Get daily news updates that are tailored for you based on your preferred language & location.
download Way2News app now
Anantapur
News July 3, 2024
అనంత: రానున్న 5 రోజుల్లో తేలికపాటి వర్షాలు
ఉమ్మడి అనంతపురం జిల్లాలో రానున్న ఐదు రోజుల్లో తేలికపాటి వర్షాలు కురిసే అవకాశం ఉందని రేకులకుంట వాతావరణ కేంద్రం శాస్త్రవేత్తలు విజయ్ శంకర్, నారాయణ స్వామి తెలిపారు. వచ్చే ఐదు రోజులు ఉష్ణోగ్రతలు పగటి వేళ 35.5 డిగ్రీల నుంచి 36.6 డిగ్రీలుగా, రాత్రి వేళ 25.6 డిగ్రీల నుంచి 26.2 డిగ్రీలుగా నమోదయ్యే సూచనలు ఉన్నాయన్నారు. నైరుతి దిశగా గాలులు గంటకు 6 కిలోమీటర్ల వేగంతో వీస్తాయని శాస్త్రవేత్తలు తెలిపారు.
News July 3, 2024
హెల్మెట్ లేకుంటే కేసు నమోదు చేయండి: ఎస్పీ మాధవరెడ్డి
ద్విచక్ర వాహన ప్రయాణికులు హెల్మెట్ కచ్చితంగా ధరించాలని, హెల్మెట్ లేకుండా డ్రైవింగ్ చేసే వారిపై కేసులు నమోదు చేయాలని సత్యసాయి జిల్లా ఎస్పీ మాధవరెడ్డి ఆదేశించారు. మంగళవారం కలెక్టర్ కార్యాలయంలో రహదారి ప్రమాదాల నివారణపై అధికారులతో ఎస్పీ సమీక్ష నిర్వహించారు. ఈ సందర్భంగా ఎస్పీ మాట్లాడుతూ.. మద్యం తాగి వాహనాలు నడిపే వారిపై కేసులు నమోదు చేసి వారికి జైలు శిక్ష పడేటట్లు చేయాలన్నారు.
News July 2, 2024
పుట్లూరు మండలంలో పోక్సో కేసు నమోదు
అనంతపురం జిల్లా పుట్లూరు మండలంలో మైనర్ బాలికపై అత్యాచారం ఫిర్యాదు మేరకు పోలీసులు పోక్సో కేసు నమోదు చేశారు. మండలంలోని ఓ గ్రామానికి చెందిన మైనర్ బాలికను అదే గ్రామానికి చెందిన ఇద్దరు యువకులు బలవంతంగా ద్విచక్ర వాహనంపై తాడిపత్రికి తీసుకెళ్లారు. అక్కడ ఓ యువకుడు బాలికపై అత్యాచారం చేసినట్లు ఫిర్యాదు చేశారు. కేసు నమోదు చేసినట్లు ఎస్సై హేమాద్రి తెలిపారు.
News July 2, 2024
అనంత: వాటర్ ట్యాంక్‌లో విషప్రయోగం.. నలుగురి అరెస్ట్
కణేకల్లు మండలం తుంబిగనూరులో గత నెల 14న సంచలనం రేపిన వాటర్ ట్యాంక్‌లో విషప్రయోగం కేసును పోలీసులు ఛేదించారు. ఈ ఘటనలో నలుగురిని అరెస్టు చేశారు. సీఐ ప్రసాద్ బాబు వివరాల మేరకు.. సర్పంచ్ ఫణీంద్ర ఆధీనంలోని పంచాయతీ వాటర్ ఫిల్టర్ ప్లాంట్ తమకు అప్పగించాలని టీడీపీ నేతలు కోరారు. అందుకు సమ్మతించని ఫణీంద్ర టీడీపీ నేతలపై కేసు బనాయించాలనే కుట్రతో మరో నలుగురు వ్యక్తులతో ట్యాంకులో విషయం కలిపించినట్లు తెలిపారు.
News July 2, 2024
అనంతపురం జిల్లా మహిళలకు గుడ్‌న్యూస్
జిల్లాలోని మహిళా నిరుద్యోగులకు రూడ్ సెట్ సంస్థ శుభవార్త చెప్పింది. ఆకుతోటపల్లిలోని ఎస్కే యూనివర్సిటీ పక్కనున్న రూడ్ సెట్ కార్యాలయంలో మహిళలకు ఉచిత కుట్టు మిషన్, బ్యూటీ పార్లర్, జర్దోసి మగ్గంలపై ఉచితంగా శిక్షణ ఇవ్వనున్నట్లు డైరెక్టర్ విజయలక్ష్మి తెలిపారు. ఈ నెల 26 నుంచి నెల రోజులపాటు ఉచిత శిక్షణతో పాటు వసతి భోజనం సౌకర్యం కల్పిస్తామన్నారు. 9618876060కు ఫోన్ చేసి రిజిస్ట్రేషన్ చేసుకోవాలన్నారు.
News July 2, 2024
సత్యసాయి జిల్లా కలెక్టర్‌గా చేతన్
సత్యసాయి జిల్లా కలెక్టర్‌గా చేతన్ టీఎస్ నియమితులయ్యారు. ఈ మేరకు సీఎస్ నీరభ్ కుమార్ ప్రసాద్ ఉత్తర్వులు జారీ చేశారు. ఆయన ప్రస్తుతం ఏపీ బేవరేజెస్ కార్పొరేషన్ ఎండీ ఉన్నారు. మరోవైపు ప్రస్తుతం జిల్లా కలెక్టర్‌గా ఉన్న అరుణ్ బాబును పల్నాడు జిల్లా కలెక్టర్‌గా నియమించారు.
News July 2, 2024
పింఛన్ పంపిణీ.. అనంత @98.95, సత్యసాయి @98.6%
అనంతపురం, సత్యసాయి జిల్లాల్లో పింఛన్ పంపిణీ దాదాపు పూర్తైంది. ఇవాళ సాయంత్రం 4 గంటలకు అనంతపురం జిల్లాలో 98.95, సత్యసాయి జిల్లాలో 98.6 శాతం మంది లబ్ధిదారులకు పింఛన్ పంపిణీ చేశారు. అనంతపురం జిల్లాలో 2,87,032 మందికి గానూ 2,84,005 మందికి అందజేశారు. సత్యసాయి జిల్లాలో 2,70,973 మందికి గానూ 2,67,169 మందికి పింఛన్ నగదు పంపిణీ చేశారు.
News July 2, 2024
క్రికెట్ ఆడిన అనంత ఎమ్మెల్యే దగ్గుపాటి
అనంతపురం నగరంలోని పిటిసి క్రీడా మైదానంలో మంగళవారం వికసిత్ భారత్ స్పోర్ట్స్ ఫెస్ట్ 2024 క్రికెట్ టోర్నీని ప్రారంభించారు. ఈ కార్యక్రమానికి అనంతపురం అర్బన్ ఎమ్మెల్యే దగ్గుపాటి ప్రసాద్ ముఖ్య అతిథిగా హాజరయ్యారు. అనంతరం వైద్యులతో కలిసి సరదాగా క్రికెట్ ఆడారు. వైద్యులు కూడా క్రీడలు ఆడడం అవసరమని పేర్కొన్నారు. క్రీడలు ఆడటం వల్ల మానసిక ఒత్తిడి తగ్గుతుందని తెలిపారు.
News July 2, 2024
కలెక్టర్ కార్యాలయంలో జిల్లా రహదారి భద్రతా కమిటీ సమావేశం
శ్రీ సత్యసాయి జిల్లా కలెక్టర్ కార్యాలయంలో జిల్లా రహదారి భద్రత కమిటీ సమీక్ష సమావేశం ప్రారంభమైంది. జిల్లా కలెక్టర్ అరుణ్ బాబు అధ్యక్షతన కలెక్టర్ కార్యాలయంలోని మినీ కాన్ఫరెన్స్ హాలులో ప్రారంభమైన జిల్లా రహదారి భద్రత కమిటీ సమావేశంలో ఎస్పీ మాధవరెడ్డితో పాటు పలువురు జిల్లాస్థాయి అధికారులు పాల్గొన్నారు. జిల్లాలో చేపట్టాల్సిన భద్రత అంశాలపై చర్చించారు.
News July 2, 2024
గుంతకల్లు: అనుమానాస్పద స్థితిలో విద్యుత్ ఉద్యోగి మృతి
గుంతకల్లు పట్టణంలోని కాలువ గడ్డ ఏరియా రామిరెడ్డి కాలనీలో నివాసం ఉంటున్న విద్యుత్ శాఖ ఉద్యోగి ఆంజనేయులు ఆదివారం తన ఇంట్లో అనుమానాస్పద స్థితిలో మృతి చెందినట్లు కుటుంబీకులు పోలీసులకు ఫిర్యాదు చేశారు. ఘటనా స్థలానికి చేరుకున్న పోలీసులు మృతదేహాన్ని పోస్టుమార్టం నిమిత్తం గుంతకల్లు ప్రభుత్వ ఆసుపత్రికి తరలించారు. మృతుడి బంధువుల ఫిర్యాదుతో ఈ ఘటనపై పోలీసులు విచారణ చేపట్టారు.
Featured News
Sorry, no posts matched your criteria.