India's largestHyperlocal short
news App
Get daily news updates that are tailored for you based on your preferred language & location.
download Way2News app now
Anantapur
News April 24, 2024
అనంత: పోలింగ్ రోజు కార్మికులకు వేతనంతో కూడిన సెలవు
ఆనంతపురం జిల్లాలో వ్యాపార, పరిశ్రమల్లో పనిచేస్తున్న కార్మికులకు మే13న పోలింగ్ రోజున వేతనంతో కూడిన సెలవు మంజూరు చేసినట్లు డిప్యూటీ లేబర్ కమిషనర్ లక్ష్మినరసయ్య తెలిపారు. యాజమాన్యాలు ఆ రోజు సెలవు పాటించాలని తెలిపారు. కార్మికులు ఓటు హక్కు వినియోగించుకోవాలని నిర్ణయం తీసుకున్నట్లు తెలిపారు. సెలవు మంజూరు చెయ్యని యాజమాన్యాలపై చర్యలు తీసుకుంటామని తెలిపారు.
News April 24, 2024
అనంతపురం: ఎన్నికల మస్కట్‌గా వేరుశనగ
అనంతపురం జిల్లా ఎన్నికల మస్కట్‌గా ఆర్ట్స్‌ కాలేజీ విద్యార్థి ప్రశాంత కుమార్ రూపొందించిన ‘వేరుశనగ’ ఆకృతి ఎంపిక చేశారు. రాష్ట్రంలోనే మొట్టమొదట ఎన్నికల మస్కట్‌ను రూపొందించిన జిల్లాగా అనంతకు ఖ్యాతి దక్కిందని కలెక్టర్ వినోద్‌కుమార్‌ తెలిపారు. ఎన్నికల మస్కట్‌ ఎంపిక పోటీలకు జిల్లాలోని వివిధ ప్రాంతాల నుంచి 62 మస్కట్‌లు రాగా న్యాయ నిర్ణేతలు వేరుశనగ మస్కట్‌ను ఎంపిక చేశారు.
News April 24, 2024
గుమ్మనూరు జయరాం ఆస్తుల విలువ రూ.78.93 లక్షలు
గుంతకల్ టీడీపీ ఎమ్మెల్యే అభ్యర్థిగా గుమ్మనూరు జయరాం నామినేషన్ దాఖలు చేశారు. ఎన్నికల అఫిడవిట్‌లో నమోదు చేసిన వివరాలు.. ఆయన ఎస్‌ఎస్ఎల్‌సీ విద్యార్హతగా పేర్కొన్నారు. ఆయనపై ఒక్క కేసు ఉంది. అదేవిధంగా చరాస్తులు రూ.18.93 లక్షలు, స్థిరాస్తులు రూ.60లక్షలు, బంగారం 173 గ్రాములు, అప్పులు లేవని అఫిడవిట్‌లో పేర్కొన్నారు.
News April 24, 2024
అనంత: నేటి నుంచి డిగ్రీ పరీక్షలు
అనంతపురం శ్రీకృష్ణదేవరాయ విశ్వవిద్యాలయం పరిధిలోని డిగ్రీ కళాశాలల్లో మంగళవారం నుంచి డిగ్రీ పరీక్షలు నిర్వహిస్తున్నట్లు పరీక్షల విభాగం సంచాలకులు ఆచార్య జీవీ రమణ తెలిపారు. ఇవాళ నుంచి ఈ నెల 29వ తేదీ వరకు యూజీ 2, 4, 6 సెమిస్టర్‌ పరీక్షలు నిర్వహిస్తున్నట్లు పరీక్షల విభాగం సంచాలకులు ఆచార్య జీవీ రమణ ఓ ప్రకటనలో తెలిపారు.
News April 24, 2024
జిల్లాలో నాల్గో రోజు 23 నామినేషన్ల దాఖలు: కలెక్టర్ అరుణ్
ఎన్నికలకు సంబంధించి శ్రీ సత్యసాయి జిల్లాలో సోమవారం మొత్తం 23 నామినేషన్లు దాఖలు అయినట్లు కలెక్టర్ అరుణ్ బాబు పేర్కొన్నారు. హిందూపురం పార్లమెంట్ స్థానానికి ముగ్గురు, రాప్తాడు అసెంబ్లీ స్థానానికి ముగ్గురు, మడకశిర నుంచి నలుగురు, హిందూపురం నుంచి ఐదు, పెనుకొండ నుంచి ఒకటి, పుట్టపర్తి నుంచి ముగ్గురు, ధర్మవరం నుంచి ఒకరు, కదిరి నుంచి ఐదుగురు నామినేషన్లు వేశారన్నారు.
News April 24, 2024
అనంత : 598 మార్కులతో సత్తా చాటిన టి.ప్రణతి
అనంతపురం నగరానికి చెందిన టి.ప్రణతి సోమవారం విడుదలైన పదో తరగతి పరీక్షల ఫలితాలలో 598 మార్కులతో సత్తా చాటి రాష్ట్ర టాపర్లలో ఒకరిగా నిలిచింది. ఆమె మాట్లాడుతూ.. భవిష్యత్తులో మరింత కష్టపడి చదివి సమాజానికి ఉపయోగపడే విధంగా ఎదగడమే తన లక్ష్యమన్నారు. ఆమెను ఉపాధ్యాయులు, తల్లిదండ్రులు, చుట్టాలు అభినందించారు.
News April 24, 2024
26లోగా దరఖాస్తులను సమర్పించాలి: కలెక్టర్ అరుణ్
26వ తేదీలోగా ఉద్యోగులు పోస్టల్ బ్యాలెట్ దరఖాస్తులను అందజేయాలని శ్రీ సత్యసాయి కలెక్టర్ అరుణ్ బాబు పేర్కొన్నారు. ఉద్యోగులు ఎక్కడ ఉన్నా పని చేసే చోట ఫామ్-12ను సమర్పించే అవకాశం ఎన్నికల కమిషన్ కల్పించిందన్నారు. ఎన్నికల విధులలో పాల్గొనే ఉద్యోగులు పోస్టల్ బ్యాలెట్ ఓటును వినియోగించుకోవచ్చన్నారు.
News April 24, 2024
అనంత: 594 మార్కులతో సత్తా చాటిన బైనేని జాష్ణవి
అనంతపురం నగరానికి చెందిన బైనేని జాష్ణవి సోమవారం విడుదలైన పదో తరగతి పరీక్షల ఫలితాలలో 594 మార్కులతో సత్తా చాటింది. ఆమె మాట్లాడుతూ.. భవిష్యత్తులో మరింత కష్టపడి చదివి సమాజానికి ఉపయోగపడే విధంగా ఎదగడమే తన లక్ష్యమన్నారు. ఆమెను ఉపాధ్యాయులు, తల్లిదండ్రులు అభినందించారు.
News April 24, 2024
రేపు సత్యకుమార్ నామినేషన్‌కు కేంద్ర మంత్రి రాక
ధర్మవరం కూటమి ఎమ్మెల్యే అభ్యర్థి సత్య కుమార్ యాదవ్ మంగళవారం నామినేషన్ వేస్తున్న సందర్భంగా కేంద్ర మంత్రి విజయ్ కుమార్ సింగ్ ధర్మవరానికి రానున్నారని ఆయన కార్యాలయం వెల్లడించింది. ఈ సందర్భంగా పార్టీ కార్యకర్తలు, అభిమానులు భారీగా తరలి రావాలని వారు వెల్లడించారు.
News April 24, 2024
ధర్మవరం: రైలు కిందపడి గుర్తు తెలియని వ్యక్తి మృతి
ధర్మవరం పట్టణం కేతిరెడ్డి కాలనీ వద్ద రైలు కిందపడి గుర్తు తెలియని వ్యక్తి చనిపోయినట్లు పోలీసులు తెలిపారు. సోమవారం మధ్యాహ్నం ఈ సంఘటన జరిగినట్లు తెలిపారు. మృతుడికి సుమారు 30 లేదా 35 సంవత్సరాలు ఉండచ్చని, నలుపు రంగు టీ షర్టు, ఆరెంజ్ కలర్ డ్రాయర్ ధరించి ఉన్నాడని హిందూపురం రైల్వే పోలీసులు తెలిపారు. మృతుడి బంధువులు ధర్మవరం రైల్వే పోలీస్ స్టేషన్‌కు వచ్చి కలవాలని వారు తెలిపారు.
Featured News
Sorry, no posts matched your criteria.