India's largestHyperlocal short
news App
Get daily news updates that are tailored for you based on your preferred language & location.
download Way2News app now
Anantapur
News May 14, 2024
శ్రీ సత్యసాయి జిల్లాలో 79.25 శాతం పోలింగ్
శ్రీ సత్యసాయి జిల్లాలో దాదాపు రాత్రి 11.30 గంటల వరకు పోలింగ్ జరిగింది. జిల్లాలో అత్యధికంగా ధర్మవరం నియోజకవర్గంలో 88.61 శాతం, హిందూపురం నియోజకవర్గంలో 77.82 శాతం నమోదైంది. కదిరి 81.37, మడకశిర 79.20, పెనుకొండ 85.40, పుట్టపర్తి నియోజకవర్గంలో 84.11 శాతం ఓటింగ్ నమోదైనట్లు అధికారులు వెల్లడించారు. కొన్నిచోట్ల పోలింగ్ ఆలస్యమైన నేపథ్యంలో ఓటింగ్ శాతం పెరిగే అవకాశం ఉందని తెలిపారు.
News May 14, 2024
అనంత జిల్లాలో 79.25 శాతం నమోదు..
అనంతపురం జిల్లాలో అక్కడక్కడ చెదురుమదురు ఘటనలు మినహా ప్రశాంతంగా ముగిసింది. జిల్లాలో అత్యధికంగా ఉరవకొండ నియోజకవర్గంలో 87.67శాతం, అనంతపురం అర్బన్‌లో 65.08 శాతం నమోదైంది. గుంతకల్లు 76.84, కళ్యాణదుర్గం 84.48, రాప్తాడు 84.50, రాయదుర్గం 78.98, శింగనమల 81.21, తాడిపత్రి 80.60 శాతం నమోదైంది. కొన్నిచోట్ల పోలింగ్ ఆలస్యమైన నేపథ్యంలో ఓటింగ్ శాతం పెరిగే అవకాశం ఉందని అధికారులు తెలిపారు.
News May 13, 2024
స్ట్రాంగ్ రూములకు ఈవీఎంలు చేరేవరకు సమర్థవంతంగా పనిచేయాలి: కలెక్టర్
అనంతపురంలోని జేఎన్టీయూలో ఏర్పాటు చేసిన స్ట్రాంగ్ రూములకు ఈవీఎంలు చేరేవరకు అధికారులంతా సమర్థవంతంగా పనిచేయాలని జిల్లా ఎన్నికల అధికారి డాక్టర్ వినోద్ కుమార్. వి ఆదేశించారు. సోమవారం రాత్రి నగరంలోని జేఎన్టీయూలో అనంతపురం అర్బన్, శింగనమల, రాప్తాడు, తాడిపత్రి, కళ్యాణదుర్గం, రాయదుర్గం, గుంతకల్లు, ఉరవకొండ నియోజకవర్గాలకు సంబంధించి ఏర్పాటు చేసిన రిసెప్షన్ కేంద్రాలను కలెక్టర్ తనిఖీ చేశారు.
News May 13, 2024
అనంతపురం జిల్లాలో పలుచోట్ల ముగిసిన ఓటింగ్ ప్రక్రియ
అనంతపురం జిల్లాలో 9 గంటల సమయానికి పలుచోట్ల పోలింగ్ ముగియగా మరో పలుచోట్ల ఓటింగ్ కొనసాగుతోంది. పలుచోట్ల పోలింగ్ జరుగుతున్నట్లు అధికారులు తెలిపారు. ఓటింగ్ శాతం నియోజకవర్గాల వారిగా చూసుకుంటే రాయదుర్గం 77.6%, ఉరవకొండ 80.4%, గుంతకల్లు 71.56%, తాడిపత్రి 77.58%, శింగనమల 80.13%, అనంతపురం 64.5%, కళ్యాణదుర్గం 79.4%, రాప్తాడు 81.41 శాతంగా నమోదు అయినట్లు జిల్లా ఎన్నికల అధికారి వినోద్ కుమార్ తెలిపారు.
News May 13, 2024
శ్రీసత్యసాయి: పోలింగ్ కేంద్రం వద్ద కత్తితో దాడి
ఓబులదేవరచెరువు మండలంలోని కుసుమ వారి పల్లిలో డీలర్ ఇంద్రప్పపై కత్తితో దాడి జరిగింది. సోమవారం గ్రామంలోని పోలింగ్ కేంద్రం వద్ద వైసీపీకి చెందిన డీలర్ ఇంద్రప్పపై ఈశ్వరయ్య అనే వ్యక్తి కత్తితో దాడి చేశాడు. తీవ్రంగా గాయపడిన అతడిని చికిత్స నిమిత్తం కదిరి ప్రభుత్వ ఆసుపత్రికి తరలించారు. పాత కక్షల కారణంగా దాడి జరిగినట్టు సమాచారం.
News May 13, 2024
అనంత: ఎన్నికలకు బస్సులు.. ప్రయాణికుల ఇబ్బందులు
సార్వత్రిక ఎన్నికల నేపథ్యంలో జిల్లాల్లోని ఆయా పోలింగ్ కేంద్రాలకు అధికారులు ఏపీఎస్ఆర్టీసీ బస్సులను వినియోగించారు. దీంతో సాధారణ ప్రయాణికులకు తీవ్ర ఇబ్బందులు పడ్డారు. ఉరవకొండ నుంచి అనంతపురం, బళ్లారి, గుంతకల్లు, కళ్యాణదుర్గం, రాయదుర్గం వెళ్లాల్సిన ప్రయాణికులు బస్సుల కోసం గంటల తరబడి ఎదురు చూడాల్సిన పరిస్థితి ఏర్పడింది.
News May 13, 2024
అనంతపురం: ప్లాట్‌ఫారం-4లో రైలు సేవలు రద్దు
అనంతపురం రైల్వేస్టేషన్‌లోని ప్లాట్‌ఫాం నం-4లో రైళ్ల రాకపోకలను తాత్కాలికంగా రద్దు చేసినట్లు స్టేషన్ మేనేజర్ మాసినేని అశోక్ కుమార్ ప్రకటనలో తెలిపారు. శ్రీనివాసనగర్ వైపు నూతన భవన నిర్మాణాన్ని చేపట్టారు. నాలుగో నంబరు ప్లాట్‌ఫాం షెడ్డు ఏర్పాటు చేయనున్నారు. డిస్‌ప్లే బోర్డులు, ఫ్యాను ఇతర సౌకర్యాలను తొలగించారు. కొంతకాలం పాటు ఇందులో నడవాల్సిన రైళ్లను రద్దు చేశారు.
News May 13, 2024
అనంతపురం జిల్లాలో మొదలైన మాక్ పోలింగ్
అనంతపురం జిల్లాలో మాక్ పోలింగ్ మొదలైంది. పోలింగ్ ఏజెంట్ల సమక్షంలో అధికారులు ఈ కార్యక్రమాన్ని చేపట్టారు. పోలింగ్ సమయానికి 90 నిమిషాల ముందు మాక్ పోలింగ్ నిర్వహిస్తారు. కొన్ని చోట్ల ఏజెంట్లు రాకపోవడంతో మాక్ పోలింగ్ ఆలస్యమైంది. ఈ ఉదయం 7 గంటల నుంచి సాయంత్రం 6 గంటల వరకు ఓటర్లు ఓటు హక్కు వినియోగించుకోనున్నారు.
News May 13, 2024
సమస్యాత్మకమైన కేంద్రాల వద్ద పటిష్ట భద్రత: సత్యసాయి ఎస్పీ
సార్వత్రిక ఎన్నికలు ప్రశాంతంగా జరిగే విధంగా ఏర్పాట్లు సిద్ధం చేశామని సత్యసాయి జిల్లా ఎస్పీ మాధవ్ రెడ్డి పేర్కొన్నారు. జిల్లాలోని అన్ని నియోజకవర్గాలలో పోలింగ్ కేంద్రాల వద్ద పటిష్ట భద్రతా ఏర్పాట్లు చేసినట్లు ఆయన పేర్కొన్నారు. పోలింగ్ కేంద్రాలపై నిరంతరం కమాండ్ కంట్రోల్ ద్వారా పర్యవేక్షణ ఉంటుదన్నారు.
News May 12, 2024
రాయదుర్గంలో ఉరుములు, మెరుపులతో కూడిన భారీ వర్షం
రాయదుర్గం పట్టణంలో ఆదివారం రాత్రి 9:30 గంటల సమయంలో ఉరుములు, మెరుపులతో కూడిన భారీ వర్షం కురిసింది. ఒక్కసారిగా వాతావరణంలో మార్పులు చోటు చేసుకున్నాయి. ఉరుములు, మెరుపులతో కూడిన వర్షం కురవడంతో విద్యుత్ సరఫరా ఆగిపోయింది. మరో మూడు రోజుల పాటు ఇలాంటి వర్షాలు నమోదయ్యే అవకాశం ఉన్నట్లు అధికారులు సూచిస్తున్నారు.
Featured News
Sorry, no posts matched your criteria.