India's largestHyperlocal short
news App
Get daily news updates that are tailored for you based on your preferred language & location.
download Way2News app now
Anantapur
News January 31, 2025
పింఛన్లకు రూ.124.94 కోట్లు మంజూరు
అనంతపురం జిల్లాలో పింఛన్లకు రూ.124.94కోట్ల నిధులు మంజూరయ్యాయి. ఇవాళ సాయంత్రంలోగా ఈ మొత్తాన్ని ఆయా మండలాల్లోని అధికారులు విత్ డ్రా చేయనున్నారు. రేపు ఉదయం 6 గంటల నుంచి పింఛన్ల పంపిణీ ప్రక్రియ మొదలు కానుంది. అనంతపురం జిల్లాలో 2,85,754 మందికి పింఛన్ నగదును అందజేస్తారు. మధ్యాహ్నంలోగా పూర్తి చేసేందుకు అధికారులు ఏర్పాట్లు చేశారు.
News January 31, 2025
బైక్-ఆర్టీసీ బస్సు ఢీ.. ఒకరి మృతి
అనంతపురం జిల్లా బుక్కరాయసముద్రం మండలం బొమ్మలాటపల్లి వద్ద రోడ్డు ప్రమాదం జరిగింది. బైక్-ఆర్టీసీ బస్సు ఢీకొన్నాయి. ఈ ప్రమాదంలో ద్విచక్ర వాహనంపై ప్రయాణిస్తున్న ఒకరు అక్కడికక్కడే మృతి చెందారు. మృతుడు మండలంలోని కె కె.అగ్రహారం గ్రామానికి చెందిన శ్రీనివాస్ మూర్తిగా తెలుస్తోంది. పోలీసులు సంఘటనా స్థలానికి చేరుకుని విచారణ చేపట్టారు.
News January 31, 2025
ప్రజలకు నాణ్యమైన వైద్య సేవలు అందించాలి:కలెక్టర్
ప్రజలకు నాణ్యమైన వైద్య సేవలు జిజిహెచ్ ద్వారా అందించాలని అనంతపురం జిల్లా కలెక్టర్ డాక్టర్ వినోద్ కుమార్ అధికారులను ఆదేశించారు. సూపర్ స్పెషాలిటీ ఆసుపత్రిలో జరిగిన అభివృద్ధి సలహా మండలి సమావేశం జరిగింది. సమావేశానికి పార్లమెంటు సభ్యులు సభ్యులు అంబికా లక్ష్మీనారాయణ, ఎమ్మెల్యే దగ్గుపాటి వెంకట ప్రసాద్ హాజరయ్యారు. వారు మాట్లాడుతూ.. ప్రైవేట్ ఆస్పత్రులకు ధీటుగా ప్రభుత్వ సేవలు అందించాలన్నారు.
News January 30, 2025
అనంతపురం JNTU.. M.Sc పరీక్షా ఫలితాలు విడుదల
అనంతపురం JNTU పరిధిలో గత సంవత్సరం నవంబర్, డిసెంబర్‌లో నిర్వహించిన M.Sc 3, 4 సెమిస్టర్ల రెగ్యులర్, సప్లిమెంటరీ (R21) పరీక్షల ఫలితాలను విడుదల చేసినట్లు డైరెక్టర్ ఆఫ్ ఎవాల్యూయేషన్ నాగప్రసాద్ నాయుడు, కంట్రోలర్ ఆఫ్ ఎగ్జామినేషన్స్ శివ కుమార్ తెలిపారు. విద్యార్థులు తమ ఫలితాల కోసం https://jntuaresults.ac.in/ వెబ్‌సైట్‌ను సందర్శించాలని సూచించారు.
News January 30, 2025
పబ్లిసిటీ చేసుకోవడంలో జగన్ ఫెయిల్ అయ్యారు: కేతిరెడ్డి
వైసీపీ ప్రభుత్వంలో చేసిన డెవలప్‌మెంట్‌ను పబ్లిసిటీ చేసుకోవడంలో జగన్మోహన్ రెడ్డి విఫలం అయ్యారని మాజీ ఎమ్మెల్యే కేతిరెడ్డి వెంకటరామి రెడ్డి అన్నారు. ఓ ఇంటర్వ్యూలో ఆయన మాట్లాడుతూ.. ‘చంద్రబాబు చెప్పేది అబద్ధమే అయినా ప్రజలు నమ్మే విధంగా చెబుతారు. అలా 4 సార్లు అబద్ధాలు చెప్పి గెలిచారు. డెవలప్‌మెంట్‌పై జగన్ దృష్టి పెట్టలేదనేది ఆరోపణ. వెల్ఫేర్‌కు అయినంత పబ్లిసిటీ డెవలప్‌మెంట్‌కు కాలేదు.’ అని అన్నారు.
News January 30, 2025
పకడ్బందీగా ఇంటర్మీడియట్ పబ్లిక్ పరీక్షలు: కలెక్టర్
జిల్లాలో ఇంటర్మీడియట్ పబ్లిక్ పరీక్షలను పకడ్బందీగా నిర్వహించాలని జిల్లా కలెక్టర్ వినోద్ కుమార్ సంబంధిత అధికారులను ఆదేశించారు. బుధవారం అనంతపురం కలెక్టరేట్‌లోని మినీ కాన్ఫరెన్స్ హాల్లో ఇంటర్మీడియట్ పబ్లిక్ పరీక్షలు, మార్చి- 2025పై సమీక్ష సమావేశం నిర్వహించారు. ఇంటర్మీడియట్ పబ్లిక్ పరీక్షలు, మార్చి – 2025ను ప్రతిష్ఠాత్మకంగా నిర్వహించాలన్నారు. పరీక్షలకు ఎలాంటి ఇబ్బందులు లేకుండా ఏర్పాట్లు చేయాలన్నారు.
News January 29, 2025
పకడ్బందీగా ఇంటర్మీడియట్ పబ్లిక్ పరీక్షలు: కలెక్టర్
జిల్లాలో ఇంటర్మీడియట్ పబ్లిక్ పరీక్షలను పకడ్బందీగా నిర్వహించాలని జిల్లా కలెక్టర్ వినోద్ కుమార్ సంబంధిత అధికారులను ఆదేశించారు. బుధవారం అనంతపురం కలెక్టరేట్‌లోని మినీ కాన్ఫరెన్స్ హాల్లో ఇంటర్మీడియట్ పబ్లిక్ పరీక్షలు, మార్చి- 2025పై సమీక్ష సమావేశం నిర్వహించారు. ఇంటర్మీడియట్ పబ్లిక్ పరీక్షలు, మార్చి – 2025ను ప్రతిష్ఠాత్మకంగా నిర్వహించాలన్నారు. పరీక్షలకు ఎలాంటి ఇబ్బందులు లేకుండా ఏర్పాట్లు చేయాలన్నారు.
News January 29, 2025
ఉరవకొండ: అప్పుల బాధతో రైతు ఆత్మహత్య
ఉరవకొండ మండలం అమిద్యాల గ్రామంలో విషాదం చోటుచేసుకుంది. గ్రామానికి చెందిన రామాంజనేయులు (42) ఉరేసుకుని ఆత్మహత్య చేసుకున్నాడు. అప్పుల బాధ తాళలేక ఆత్మహత్య చేసుకున్నట్లు కుటుంబ సభ్యులు తెలిపారు. అతడిని వెంటనే కుటుంబసభ్యులు గమనించి ఆటోలో ఉరవకొండ ప్రభుత్వ ఆసుపత్రికి తరలించారు. అక్కడ పరీక్షించిన వైద్యులు అప్పటికే మృతి చెందినట్లు ధ్రువీకరించారు.
News January 29, 2025
ఉరవకొండ: ‘అభివృద్ధిపై ప్రత్యేక దృష్టి పెట్టాలి’
ఉరవకొండ నియోజకవర్గంలో గ్రామీణ రహదారుల అభివృద్ధిపై ప్రత్యేక దృష్టి పెట్టాలని రాష్ట్ర ఆర్థికశాఖ మంత్రి పయ్యావుల కేశవ్ సంబంధిత అధికారులను ఆదేశించారు. మంగళవారం అనంతపురం నగరంలోని ఆర్.అండ్.బి అతిథి గృహంలో ఉరవకొండ నియోజకవర్గంలో పంచాయతీరాజ్ ఆధ్వర్యంలోని గ్రామీణ రహదారుల అభివృద్ధిపై సంబంధిత అధికారులతో మంత్రి పయ్యావుల కేశవ్ సమీక్ష సమావేశం నిర్వహించారు. నియోజకవర్గంలో రోడ్ల పరిస్థితిని అడిగి తెలుసుకున్నారు.
News January 29, 2025
అనంతపురం జిల్లాలో 3,572 కేసులు
అనంతపురం జిల్లా ప్రజలు రోడ్డు ప్రమాదాల నియంత్రణకు కృషి చేయాలని ఎస్పీ జగదీశ్ కోరారు. వారం రోజుల నుంచి పోలీసులు వాహనాల తనిఖీలు నిర్వహిస్తున్నారన్నారు. 3,572 కేసులు నమోదు చేసి, రూ.7,24,905 జరిమానా విధించినట్లు తెలిపారు. అదేవిధంగా బహిరంగ ప్రదేశాల్లో మద్యం తాగుతున్న 319 మందిపై కేసులు నమోదు చేసినట్లు వెల్లడించారు.
Featured News
Sorry, no posts matched your criteria.