India's largestHyperlocal short
news App
Get daily news updates that are tailored for you based on your preferred language & location.
download Way2News app now
Anantapur
News June 26, 2024
గుత్తి: 40 మంది విద్యార్థులకు ఫుడ్ పాయిజన్
గుత్తి మండలంలోని రజాపురంలో ఉన్న బీఆర్ అంబేడ్కర్ గురుకుల పాఠశాలలో ఆహార కల్తీ వల్ల సుమారు 40 మంది విద్యార్థులకు ఫుడ్ పాయిజన్ అయినట్లు స్థానికులు తెలిపారు. దీంతో విద్యార్థులు అస్వస్థతకు గురయ్యారు. గుంతకల్ ఆర్డీవో శ్రీనివాసులు రెడ్డి, తహశీల్దార్ భారతి ఎంపీడీవో శ్రీనివాసులు బుధవారం పాఠశాలను సందర్శించారు. ఫుడ్ పాయిజన్ కారణాలను అడిగి తెలుసుకున్నారు. విద్యార్థులు చికిత్స పొందుతున్నారు.
News June 26, 2024
మడకశిరలో ఐదు మంది వైసీపీ కౌన్సిలర్లు రాజీనామా
మడకశిర మున్సిపాలిటీలో వైసీపీకి బుధవారం గట్టి ఎదురుదెబ్బ తగిలింది. ఆ పార్టీకి చెందిన ఐదు మంది కౌన్సిలర్లు రాజీనామా చేసి టీడీపీలో చేరారు. ఎమ్మెల్యే ఎమ్మెస్ రాజు, నియోజవర్గ టీడీపీ సమన్వయకర్త గుండుమల తిప్పేస్వామి ఆధ్వర్యంలో వారు టీడీపీ తీర్థం పుచ్చుకున్నారు. పార్టీలో చేరిన వారికి ఎమ్మెల్యే రాజు కండువాలు కప్పి పార్టీలోకి ఆహ్వానించారు.
News June 26, 2024
వైసీపీ భవనాన్ని సర్కారు స్వాధీనం చేసుకుంటుంది: ఎమ్మెల్యే దగ్గుపాటి
అనంతపురం నగరంలో నూతనంగా నిర్మించిన జిల్లా వైసీపీ కార్యాలయాన్ని అర్బన్ టీడీపీ ఎమ్మెల్యే దగ్గుపాటి వెంకట ప్రసాద్ నాయకులతో కలిసి పరిశీలించారు. ఈ సందర్భంగా ఆయన మాట్లాడుతూ ప్రభుత్వ స్థలంలో ఎలాంటి మున్సిపల్, అహుడా అనుమతులు తీసుకోకుండా కార్యాలయాన్ని నిర్మించారని తెలిపారు. త్వరలోనే వైసీపీ భవనాన్ని ప్రభుత్వం స్వాధీనం చేసుకుంటుందని ఆయన తెలిపారు. ఆ భవనం ప్రజలకు ఉపయోగపడే విధంగా చూస్తామని తెలిపారు.
News June 26, 2024
బలవంతంగా రాజీనామా చేయించారు: గుత్తి వాలంటీర్లు
గుత్తి మున్సిపాలిటీ పరిధిలోని 47 మంది వార్డు వాలంటీర్లు బుధవారం మున్సిపల్ కమిషనర్ శ్రీనివాసులును కలిశారు. వైసీపీ నాయకులు తమను బలవంతంగా ఎన్నికల ముందు రాజీనామా చేయించారన్నారు. వెంటనే తిరిగి విధుల్లోకి తీసుకోవాలని మున్సిపల్ కమిషనర్‌కు వినతి పత్రం అందజేశారు. ఉన్నతాధికారుల దృష్టికి తీసుకెళ్లి న్యాయం చేస్తామని మున్సిపల్ కమిషనర్ వాలంటీర్లకు హామీ ఇచ్చారు.
News June 26, 2024
ఈ ఐక్యతతో హోదా సాధించండి: రఘువీరా రెడ్డి
రాష్ట్రంలోని ఎంపీలంతా ఎన్డీయే స్పీకర్ అభ్యర్థి ఓం బిర్లాకు మద్దతివ్వడంపై కాంగ్రెస్ నేత, మాజీ మంత్రి రఘువీరా రెడ్డి స్పందించారు. ‘మన రాష్ట్రానికి చెందిన 25 మంది ఎంపీలు ఎన్డీయే ప్రతిపాదించిన స్పీకర్ అభ్యర్థికి మద్దతిస్తున్నారు. అలాంటి ఐక్యతతోనే రాష్ట్రానికి ప్రత్యేక హోదా సాధిస్తారని, పునర్వ్యవస్థీకరణ చట్టంలోని సమస్యలను పరిష్కరించి రాష్ట్రాభివృద్ధికి కృషి చేస్తారని ఆశిస్తున్నా’ అని ఆయన ట్వీట్ చేశారు.
News June 26, 2024
నేడు ఓటేయనున్న అనంత, హిందూపురం ఎంపీలు
పార్లమెంట్‌లో నేడు లోక్ సభ స్పీకర్ ఎలక్షన్ జరగనుంది. అనంతపురం ఎంపీ అంబికా లక్ష్మినారాయణ, హిందూపురం ఎంపీ పార్థసారథి తమ ఓటు హక్కు వినియోగించుకోనున్నారు. ఉదయం 11 గంటలకు సీక్రెట్ బ్యాలెట్ ద్వారా ఓటింగ్ నిర్వహిస్తారు. ఉమ్మడి జిల్లాకు చెందిన ఇరువురు టీడీపీ ఎంపీలు ఎన్డీఏ అభ్యర్థి ఓం బిర్లాకు ఓటేయనున్నారు.
News June 26, 2024
డాక్టర్ కాదు కామాంధుడు
శ్రీసత్యసాయి జిల్లాలో కామాంధ వైద్యుడి అరాచకాలు వెలుగులోకి వచ్చాయి. చెన్నేకొత్తపల్లి మండల పరిధిలోని వైద్యుడు ఉదయ్‌ రోజూ రాత్రి 9 తర్వాత ఆసుపత్రి, సచివాలయాల్లో పనిచేస్తున్న ఏఎన్‌ఎంలకు సెల్‌ఫోన్లలో అసభ్యకర సందేశాలు పంపుతున్నాడు. ‘మీరు కాకపోతే మీ పిల్లలను పంపించండి’ అంటూ ఒత్తిడి చేస్తుండటతో ఐదుగురు ఏఎన్‌ఎంలు మంగళవారం జిల్లా వైద్యాధికారిణి మంజువాణికి ఫిర్యాదు చేశారు. ఆమె దీనిపై విచారణకు ఆదేశించారు.
News June 26, 2024
ATP: పెళ్లి కాలేదని యువకుడి ఆత్మహత్య
నత్తితో ఇబ్బంది పడుతున్న యువకుడు తనకు వివాహం కాలేదని మనస్తాపం చెంది ఆత్మహత్యకు పాల్పడ్డాడు. అనంతపురం జిల్లా పెనుకొండ నగర పంచాయతీ పరిధిలోని వెంకటరెడ్డిపల్లికి చెందిన లక్ష్మీనారాయణకు(28) నత్తి ఉంది. దీంతో పిల్లనిచ్చేందుకు ఎవరూ ముందుకు రాలేదు. మనస్తాపంతో మంగళవారం సాయంత్రం ఉరివేసుకొని ఆత్మహత్యకు పాల్పడ్డాడు. తల్లి తిమ్మక్క ఫిర్యాదు మేరకు పోలీసులు కేసు నమోదు చేశారు.
News June 26, 2024
నేడు తాడిపత్రి మున్సిపల్ అత్యవసర సమావేశం
తాడిపత్రి పురపాలక అత్యవసర సమావేశం నేడు నిర్వహిస్తున్నట్లు మున్సిపల్ కమిషనర్ రామ్ మోహన్ రావు ఒక ప్రకటనలో తెలిపారు. బుధవారం ఉదయం 10.30 గంటలకు మున్సిపల్ కార్యాలయంలో సమావేశం ఉంటుందని పట్టణంలోని అన్ని వార్డు కౌన్సిలర్లు, అధికారులు, సిబ్బంది హాజరుకావాలని ఆయన కోరారు. ఈ సమావేశంలో కీలక నిర్ణయాలు తీసుకునే అవకాశం ఉన్నట్లు తెలుస్తోంది.
News June 25, 2024
అనంత: విద్యుత్ షాక్‌తో యువకుడి మృతి
బుక్కరాయసముద్రం మండలం రోటరీ పురం గ్రామం వద్ద విద్యుత్ షాక్‌తో ఎస్.ఆర్.సి రోడ్డు నిర్మాణ సంస్థలో పనిచేస్తున్న బీహార్ కార్మికుడు ఎం.డి సాదిక్ మంగళవారం మృతి చెందారు. ఉదయం స్నానం చేసేందుకు హీటర్‌తో నీళ్లు వేడి చేసి తీసుకునే సమయంలో విద్యుత్ షాక్ తగిలి అక్కడికి అక్కడే మృతి చెందారు. పోలీసులు కేసు నమోదు చేసి దర్యాప్తు చేస్తున్నారు.
Featured News
Sorry, no posts matched your criteria.