India's largestHyperlocal short
news App
Get daily news updates that are tailored for you based on your preferred language & location.
download Way2News app now
Anantapur
News November 27, 2024
నేమకల్లులో పింఛన్ పంపిణీ చేయనున్న సీఎం
అనంతపురం జిల్లా బొమ్మనహాల్ మండలం నేమకల్లు గ్రామంలో బుధవారం జిల్లా కలెక్టర్ డాక్టర్ వినోద్ కుమార్, రాయదుర్గం ఎమ్మెల్యే కాలువ శ్రీనివాసులు పర్యటించారు. ఈ నెల 30న సీఎం చంద్రబాబు నేమకల్లు గ్రామంలో నిర్వహించే ఎన్టీఆర్ భరోసా సామాజిక పెన్షన్ల పంపిణీలో పాల్గొంటారు. ఈ నేపథ్యంలో కలెక్టర్, ఎమ్మెల్యే, అధికారులు సీఎం పర్యటన ఏర్పాట్లను పరిశీలించారు. హెలీ ప్యాడ్, సభా ప్రాంగణం ఏర్పాట్లను పరిశీలించారు.
News November 27, 2024
ఆదినారాయణరెడ్డి, జేసీ తీరుపై సీఎం ఆగ్రహం!
జమ్మలమడుగు ఎమ్మెల్యే ఆదినారాయణరెడ్డి, తాడిపత్రి మున్సిపల్ ఛైర్మన్ జేసీ ప్రభాకర్ రెడ్డిల తీరుపై <<14720394>>సీఎం<<>> చంద్రబాబు అసంతృప్తి వ్యక్తం చేశారు. ఫ్లైయాష్ తరలింపు విషయంలో ఇరువురి మధ్య వివాదం నెలకొనడంతో జిల్లా అధికారుల నుంచి సీఎం వివరాలను తెలుసుకున్నారు. ప్రభుత్వానికి చెడ్డ పేరు తెచ్చేలా నేతల వ్యవహారం ఉందని ఆగ్రహం వ్యక్తం చేశారు. శాంతిభద్రతల సమస్య సృష్టించేలా వ్యవహరిస్తే సహించేది లేదని స్పష్టం చేశారు.
News November 27, 2024
ప్రతి ఇంటి నుంచి ఓ పారిశ్రామికవేత్త: మంత్రి సవిత
ప్రతి ఇంటి నుంచి ఒక పారిశ్రామికవేత్తను తయారు చేయడమే లక్ష్యంగా తమ ప్రభుత్వం పనిచేస్తోందని మంత్రి సవిత పేర్కొన్నారు. ఇందుకోసం ఎంఎస్ఎంఈ, ఖాదీ గ్రామీణ బోర్డు ద్వారా యూనిట్ల ఏర్పాటుకు ప్రోత్సాహకాలు, సబ్సిడీ రుణాలు అందజేయనున్నామని తెలిపారు. రాష్ట్రంలో రాబోయే 5 ఐదేళ్లలో 20 లక్షల మంది యువతకు ఉద్యోగ, ఉపాధి అవకాశాలు కల్పించాలన్న లక్ష్యంతో తమ ప్రభుత్వం ప్రణాళికలు సిద్ధం చేసిందని ఆమె స్పష్టం చేశారు.
News November 27, 2024
తాడిపత్రిలో రైలు కిందపడి తల్లీకొడుకు ఆత్మహత్య
తాడిపత్రి రైల్వే స్టేషన్-చల్లవారిపల్లి మధ్య తల్లీకొడుకు నారాయణమ్మ, శ్రీనివాసులు రైలు కిందపడి ఆత్మహత్య చేసుకున్నారు. ఈ ఘటన మంగళవారం అర్ధరాత్రి చోటు చేసుకున్నట్లు జీఆర్‌పీ ఎస్సై నాగప్ప చెప్పారు. పెద్దపప్పూరు మండలం తబ్జూల గ్రామానికి చెందిన నారాయణమ్మ, శ్రీనివాసులు కుటుంబ కలహాల కారణంగా రైలు కిందపడి ఆత్మహత్య చేసుకున్నట్లు తెలుస్తోంది. ఈ ఘటనపై పోలీసులు కేసు నమోదు చేసి దర్యాప్తు చేపట్టారు.
News November 27, 2024
తాడిపత్రిలో రైలు కిందపడి తల్లీకొడుకు ఆత్మహత్య
తాడిపత్రి రైల్వే స్టేషన్-చల్లవారిపల్లి మధ్య తల్లీకొడుకు నారాయణమ్మ, శ్రీనివాసులు రైలు కిందపడి ఆత్మహత్య చేసుకున్నారు. ఈ ఘటన మంగళవారం అర్ధరాత్రి చోటు చేసుకున్నట్లు జీఆర్‌పీ ఎస్సై నాగప్ప చెప్పారు. పెద్దపప్పూరు మండలం తబ్జూల గ్రామానికి చెందిన నారాయణమ్మ, శ్రీనివాసులు కుటుంబ కలహాల కారణంగా రైలు కిందపడి ఆత్మహత్య చేసుకున్నట్లు తెలుస్తోంది. ఈ ఘటనపై పోలీసులు కేసు నమోదు చేసి దర్యాప్తు చేపట్టారు.
News November 27, 2024
కడప ఎస్పీకి జేసీ లేఖ.. నేడు ఏం జరగనుంది?
జమ్మలమడుగు ఎమ్మెల్యే ఆదినారాయణ రెడ్డి సోదరుడి కుమారుడు భూపేశ్ రెడ్డిని JC ప్రభాకర్ రెడ్డి హెచ్చరించారు. ఆర్టీపీపీ నుంచి ఫ్లైయాష్ తరలింపు విషయంలో అడ్డంకులు సృష్టిస్తే సహించేది లేదని తెలిపారు. ఈమేరకు కడప ఎస్పీకి లేఖ రాశారు. నేటి నుంచి తమ వాహనాలు లోడింగ్‌కు వెళ్తాయని, ఆపితే తేలిగ్గా తీసుకోమని అన్నారు. 1932నుంచి రాజకీయాల్లో ఉన్నామని, తమ ప్రతిష్ఠకు భంగం కలిగిస్తే దేనికైనా సిద్ధమేనని లేఖలో పేర్కొన్నారు.
News November 27, 2024
కంబదూరు మల్లేశ్వర స్వామి ఆలయం.. 100ఏళ్ల క్రితం ఫొటో?
కంబదూరు మల్లేశ్వర స్వామి ఆలయం 100ఏళ్ల నాటి చిత్రాన్ని చూశారా? ఒకప్పుడు ఈ ఆలయం గ్రామానికి దూరంగా చెట్ల మధ్య ఉండటంతో భక్తులు ఉదయం మాత్రమే దర్శించుకునే వారట. సాయంత్రం వేళ ఆలయం మూసి ఉండేదని చరిత్ర చెబుతోంది. ఈ ఆలయం కేంద్ర ప్రభుత్వం ఆధీనంలో ఉంది. సా.శ 11వ శతాబ్దంలో చోళ రాజు నిర్మించారు. ప్రస్తుతం నిత్య పూజలు అందుకుంటున్న మల్లేశ్వర స్వామి ఆలయ పూర్వ చిత్రం తాజాగా వెలుగులోకి రాగా భక్తులను ఆకట్టుకుంటోంది.
News November 26, 2024
అసాంఘిక కార్యకలాపాల పై ఉక్కుపాదం: ఎస్పీ
అనంతపురం జిల్లాలో అసాంఘిక కార్యకలాపాలపై ఉక్కుపాదం మోపినట్లు ఎస్పీ జగదీశ్ తెలిపారు. జిల్లాలో వారం రోజుల్లో 15 పేకాట శిబిరాలపై దాడులు చేసి, 104 మందిని అరెస్ట్ చేసి, రూ.15.52 లక్షలు స్వాధీనం చేసుకున్నట్లు తెలిపారు. 4 మట్కా కేసులు నమోదు చేసి, రూ.80,400 సీజ్ చేసినట్లు వెల్లడించారు. కార్యక్రమం యథావిధిగా కొనసాగుతుందని తెలిపారు.
News November 26, 2024
హిందూపురం: బైక్‌ను ఢీకొన్న లారీ.. యువకుడి మృతి
హిందూపురం మండల పరిధిలోని కిరికెర మిట్టమీద పల్లి గేటు వద్ద సోమవారం రాత్రి ఘోర ప్రమాదం జరిగింది. స్థానికుల వివరాల మేరకు.. ద్విచక్ర వాహనాన్ని లారీ ఢీకొట్టడంతో యువకుడు అక్కడికక్కడే మృతి చెందాడు. కొటిపి దళితవాడకు చెందిన రమేశ్ శివాలయానికి వచ్చి ద్విచక్ర వాహనంలో తిరిగి వెళ్తుండగా లారీ ఢీకొంది. ఘటనపై పోలీసులు దర్యాప్తు చేపట్టారు.
News November 26, 2024
IPL వేలంలో కదిరి కుర్రాడికి నిరాశ
శ్రీ సత్యసాయి జిల్లా కదిరికి చెందిన యంగ్ క్రికెటర్ గిరినాథ్ రెడ్డి ఐపీఎల్ వేలంలో అన్ సోల్డ్ అయ్యారు. జెడ్డాలో రెండ్రోజుల పాటు జరిగిన వేలంలో గిరినాథ్‌ను దక్కించుకునేందుకు ఏ జట్టూ ఆసక్తి చూపలేదు. రూ.30లక్షల బేస్ ప్రైస్‌తో వేలంలో తన అదృష్టాన్ని పరీక్షించుకోగా నిరాశే ఎదురైంది. 26 ఏళ్ల ఈ ఆల్ రౌండర్ ఆంధ్ర, ఏపీఎల్‌లో రాయలసీమ జట్ల తరఫున సత్తా చాటుతున్నారు.
Featured News
Sorry, no posts matched your criteria.