India's largestHyperlocal short
news App
Get daily news updates that are tailored for you based on your preferred language & location.
download Way2News app now
Anantapur
News December 7, 2024
అనంతపురాన్ని రెండో రాజధానిగా ప్రకటించాలి: పోతుల నాగరాజు
రాయలసీమ అభివృద్ధి జరగాలంటే అనంతపురాన్ని రాష్ట్రానికి రెండో రాజధానిగా ప్రకటించాలని ఆర్‌పీఎస్ వ్యవస్థాపకుడు డా.పోతుల నాగరాజు డిమాండ్ చేశారు. శనివారం అనంతపురంలో ఆయన మాట్లాడారు. వెనుక బడిన ప్రాంతాలను అభివృద్ధి చేయాలనే చిత్తశుద్ధి కేంద్ర, రాష్ట్ర ప్రభుత్వాలకు ఉంటే వెంటనే ప్రత్యేక చర్యలు చేపట్టాలని అన్నారు. అందులో భాగంగా ఆంధ్రప్రదేశ్‌కు రెండో రాజధానిగా అనంతపురాన్ని ప్రకటించాలని సంచలన డిమాండ్ చేశారు.
News December 7, 2024
ATP: కాసేపట్లో పెళ్లి.. వధువు బంగారు దొంగిలించిన బ్యూటీషియన్!
వధువుకు చెందిన 28 తులాల బంగారు నగలను బ్యూటీషియనే మాయం చేసింది. ఈ ఘటన పామిడిలో జరిగింది. స్థానికుల వివరాల మేరకు.. రామరాజుపల్లికి చెందిన యువతి వివాహ రిసెప్షన్ గురువారం ఘనంగా జరిగింది. శుక్రవారం ఉదయం తలంబ్రాలు. ఈ క్రమంలో ఆమెకు చెందిన బంగారు మాయమైంది. దిక్కుతోచని స్థితిలో వేరే నగలతో పెళ్లి కార్యక్రమం పూర్తి చేశారు. తర్వాత పోలీసులకు ఫిర్యాదు చేయడంతో మేకప్ చేయడానికి వచ్చిన బ్యూటీషియనే దొంగ అని తేలింది.
News December 7, 2024
ఫ్రాన్స్ యువతిని పెళ్లాడిన గొల్లపల్లి యువకుడు
శ్రీ సత్యసాయి జిల్లా యువకుడు ఫ్రాన్స్ యువతిని పెళ్లాడారు. గోరంట్ల మం. గొల్లపల్లికి చెందిన సందీప్ యాదవ్ ఫ్రాన్స్‌లోని సీఎన్ఆర్ యూనివర్సిటీలో సైంటిస్ట్‌గా పనిచేస్తున్నారు. అదే నగరంలో గూగుల్‌లో పనిచేస్తున్న అడ్‌సవిన్‌ అనే యువతితో పరిచయం ఏర్పడింది. అది కాస్తా ప్రేమగా మారడంతో పెళ్లి చేసుకోవాలని నిర్ణయించుకున్నారు. కుటుంబ సభ్యులు ఒప్పుకోవడంతో హిందూపురం పరిధిలోని ఓ ఫంక్షన్ హాల్‌లో పెళ్లి చేసుకున్నారు.
News December 7, 2024
ATP: 30 మంది ఏఎస్సైలు, 79 మంది హెడ్ కానిస్టేబుళ్ల బదిలీ
అనంతపురం జిల్లాలో 30 మంది ఏఎస్సైలు, 79 మంది హెడ్ కానిస్టేబుళ్ల బదిలీ చేశారు. శుక్రవారం పోలీసు కాన్ఫరెన్స్ హాలులో వారికి కౌన్సెలింగ్ ప్రక్రియ నిర్వహించి బదిలీ చేశారు. ఒకే పోలీసు స్టేషన్లో ఐదు సంవత్సరాలు పూర్తి చేసుకున్న సిబ్బంది జాబితాను సిద్ధం చేసి కౌన్సెలింగ్‌కు పిలిచారు. బదిలీల ప్రక్రియకు కొలమానమైన నిబంధనలను సిబ్బందికి ఎస్పీ వివరించారు.
News December 7, 2024
ATP: 30 మంది ఏఎస్సైలు, 79 మంది హెడ్ కానిస్టేబుళ్ల బదిలీ
అనంతపురంలోని పోలీసు కాన్ఫరెన్స్ హాలులో 30 మంది ఏఎస్సైలు, 79 మంది హెడ్ కానిస్టేబుళ్లకు శుక్రవారం కౌన్సెలింగ్ ప్రక్రియ నిర్వహించి బదిలీ చేశారు. ఒకే పోలీసు స్టేషన్లో ఐదు సంవత్సరాలు పూర్తి చేసుకున్న సిబ్బంది జాబితాను సిద్ధం చేసి కౌన్సెలింగ్‌కు పిలిచారు. బదిలీల ప్రక్రియకు కొలమానమైన నిబంధనలను సిబ్బందికి ఎస్పీ వివరించారు.
News December 7, 2024
గతంలో చెత్త మీదా పన్ను వేశారు: మంత్రి సవిత
పెనుకొండలో శుక్రవారం చెత్తలో నుంచి ప్లాస్టిక్ వస్తువులను ‘రీ సైక్లింగ్’ చేసే స్క్రీనింగ్ వాహనాన్ని మంత్రి సవిత ప్రారంభించారు. ఆమె మాట్లాడుతూ.. గత ప్రభుత్వంలో చెత్త మీద కూడా పన్ను వేసిన వ్యక్తి మాజీ సీఎం జగన్ అని విమర్శించారు. పట్టణ ప్రజలు చెత్తను మున్సిపల్ వాహనాల్లోనే వేయాలని సూచించారు. కార్యక్రమంలో మంత్రితో పాటు పలువురు మున్సిపల్ అధికారులు, టీడీపీ నాయకులు పాల్గొన్నారు.
News December 6, 2024
పరిటాల సునీత సెల్ఫీ ఛాలెంజ్
అభివృద్ధి అంటే ఎంటో తమ ప్రభుత్వం చేసి చూపిస్తుందని రాప్తాడు ఎమ్మెల్యే పరిటాల సునీత పేర్కొన్నారు. రాప్తాడు నియోజకవర్గం చెన్నేకొత్తపల్లిలోని కురుబ వీధి, పరిటాల రవీంద్ర కాలనీల్లో రూ.56 లక్షల నిధులతో నూతనంగా సిమెంట్ రోడ్లు నిర్మించారు. పనులు పూర్తయి రోడ్డు ప్రజలకు అందుబాటులోకి రావడంతో ఆమె సెల్ఫీ తీసుకున్నారు. టీడీపీ ప్రభుత్వంలోని అభివృద్ధిని ఇలా వివరించాలని శ్రేణులకు పిలుపునిచ్చారు.
News December 6, 2024
‘పోలీసుశాఖ ప్రతిష్ట పెంచేలా సమిష్టి విధులు నిర్వర్తిద్దాం’
అనంతపురం జిల్లా పోలీసు పరేడ్ మైదానంలో శుక్రవారం 62వ హోంగార్డుల ఆవిర్భావ దినోత్సవం ఘనంగా నిర్వహించారు. ఎస్పీ పీ.జగదీశ్ ముఖ్యఅతిథిగా పాల్గొన్నారు. ముందుగా సాయుధ హోంగార్డుల ప్లటూన్ల నుంచి గౌరవ వందనం స్వీకరించారు. అనంతరం పరేడ్ పరిశీలన వాహనంపై వెళ్లి ప్లటూన్లను పరిశీలించారు. 1940 దశకంలో వలంటీర్ వ్యవస్థగా ఏర్పాటైన హోంగార్డు వ్యవస్థ ప్రస్తుతం పోలీసుశాఖలో కీలకంగా ఉందన్నారు.
News December 6, 2024
పుట్టపర్తి: బాలిక పట్ల అసభ్య ప్రవర్తన.. పరారీలో నిందితుడు
పుట్టపర్తి రూరల్ మండలం బత్తలపల్లిలో ఓ బాలిక పట్ల అసభ్యకంగా ప్రవర్తించిన వ్యక్తిపై రూరల్ పోలీసులు కేసు నమోదు చేశారు. గ్రామానికి చెందిన సూరి అనే వ్యక్తి గురువారం ఓ బాలిక పట్ల అసభ్యంగా ప్రవర్తించాడని ఫిర్యాదు అందిందని పోలీసులు తెలిపారు. నిందితుడు పరారీలో ఉన్నాడని, అతని కోసం గాలిస్తున్నామని పేర్కొన్నారు.
News December 6, 2024
తాడిపత్రిలో రైలు కిందపడి వ్యక్తి ఆత్మహత్య
తాడిపత్రి రైల్వే స్టేషన్ పరిధిలోని కోమలి-జూటూరు మధ్య షేక్ బాషా రైలు కిందపడి గురువారం అర్ధరాత్రి ఆత్మహత్య చేసుకున్నాడు. గుంతకల్లుకు చెందిన షేక్ బాషా పుదిచ్చేరి నుంచి కాచిగూడకు వెళ్లే ఎక్స్‌ప్రెస్ రైలు కిందపడి ఆత్మహత్య చేసుకున్నట్లు తాడిపత్రి రైల్వే ఎస్ఐ నాగప్ప చెప్పారు. ఈ ఘటనపై పోలీసులు దర్యాప్తు చేపట్టారు.
Featured News
Sorry, no posts matched your criteria.