India's largestHyperlocal short
news App
Get daily news updates that are tailored for you based on your preferred language & location.
download Way2News app now
Anantapur
News December 6, 2024
సచివాలయ సిబ్బంది బయోమెట్రిక్ నమోదు తప్పనిసరి: కలెక్టర్ చేతన్
గ్రామ సచివాలయ సిబ్బంది బయోమెట్రిక్ నమోదును తప్పనిసరిగా చేయాలని శ్రీ సత్యసాయి జిల్లా కలెక్టర్ చేతన్ ఆదేశించారు. కలెక్టర్ కార్యాలయం నుంచి ఎంపీడీవోలు, తహశీల్దార్లు, మున్సిపల్ కమిషనర్లతో ఆయన వీడియో కాన్ఫరెన్స్ నిర్వహించారు. వివిధ పనులపై సమీక్ష నిర్వహించారు. పనుల్లో వెనుకబడిన ఎంపీడీవోలకు నోటీసులు జారీ చేయాలని ఆదేశాలు జారీచేశారు.
News December 6, 2024
శ్రీ సత్యసాయి: ‘నిర్లక్ష్యంగా ఉండే అధికారులపై కఠిన చర్యలు తీసుకోండి’
నిర్లక్ష్యంగా ఉండే అధికారులపై కఠిన చర్యలు తీసుకోవాలని ముఖ్యమంత్రి చంద్రబాబును శ్రీ సత్యసాయి జిల్లా కలెక్టర్ టీఎస్ చేతన్‌ను ఆదేశించారు. గురువారం పౌర సరఫరాల శాఖ అంశంపై ముఖ్యమంత్రి వీడియో కాన్ఫరెన్స్ ద్వారా మాట్లాడారు. ధాన్యం కొనుగోలులో ఒక్క రైతు కూడా ఇబ్బంది పడకూడదని సూచించారు. అధికారులు, రైస్ మిల్లర్ల సహాయ నిరాకరణ వల్ల రైతుల ఇబ్బంది పడితే కఠిన చర్యలు తప్పవని హెచ్చరించారు.
News December 6, 2024
ప్రతిష్ఠాత్మకంగా రెవెన్యూ సదస్సులు నిర్వహించాలి: జేసీ
ప్రభుత్వం అత్యంత ప్రతిష్ఠాత్మకంగా రెవెన్యూ సదస్సులను ఏర్పాటు చేస్తోందని, జిల్లాలో కూడా సజావుగా నిర్వహించేందుకు అన్ని చర్యలు తీసుకోవాలని జాయింట్ కలెక్టర్ శివ నారాయణ శర్మ పేర్కొన్నారు. గురువారం అనంతపురం కలెక్టరేట్లోని రెవెన్యూ భవనంలో రెవెన్యూ సదస్సులపై ప్రజాప్రతినిధులు, జిల్లా అధికారులు, నోడల్ అధికారులు, రైతు సంఘం నేతలతో జిల్లా స్థాయి సమావేశం నిర్వహించారు.
News December 5, 2024
మహారాష్ట్ర సీఎం ప్రమాణ స్వీకారంలో బీజేపీ విష్ణువర్ధన్ రెడ్డి
మహారాష్ట్ర నూతన సీఎంగా బాధ్యతలు చేపట్టిన దేవేంద్ర పడ్నివిస్ ప్రమాణ స్వీకారం కార్యక్రమంలో బీజేపీ రాష్ట్ర ఉపాధ్యక్షులు విష్ణువర్ధన్ రెడ్డి పాల్గొన్నారు. ఈ సందర్భంగా విష్ణువర్ధన్ రెడ్డి ముఖ్యమంత్రి దేవేంద్ర పడ్నవీస్‌ను కలిసి శుభాకాంక్షలు తెలిపారు. ఈ విజయం మహా అభివృద్ధికి ఎంతో దోహద పడుతుందని ఆశాభావం వ్యక్తం చేశారు.
News December 5, 2024
గృహ నిర్మాణ శాఖ అధికారులు బాధ్యతగా పని చేయాలి: కలెక్టర్
గృహ నిర్మాణ రంగంలో పనిచేసే అధికారులు బాధ్యతగా పనిచేసి నిర్దేశించిన లక్ష్యాలను అధిగమించాలని సత్యసాయి జిల్లా కలెక్టర్ చేతన్ పేర్కొన్నారు. జిల్లా కలెక్టరేట్‌లో గృహ నిర్మాణ శాఖ అధికారులతో సమీక్ష సమావేశం నిర్వహించారు. సమావేశంలో ఆయన మాట్లాడుతూ.. జిల్లాలో 72,353 ఇల్లు మంజూరు కాగా కేవలం 22,500 పూర్తి చేశారని తెలిపారు. మిగిలిన వారిని మార్చి చివరకు పూర్తి చేసే విధంగా పని చేయాలని ఆదేశించారు.
News December 5, 2024
కియా కార్ల పరిశ్రమను సందర్శించిన మంత్రులు
పెనుకొండ మండల పరిధిలోని అమ్మవారుపల్లి వద్ద ఉన్న కియా కార్ల పరిశ్రమను రాష్ట్ర కార్మిక శాఖ మంత్రి సుభాశ్, బీసీ సంక్షేమ శాఖ మంత్రి సవిత గురువారం సందర్శించారు. కియా కార్ల తయారీ, పరిశ్రమ చిరిత్రపై తెలుసుకున్నారు. అనంతరం కియా కార్మికులతో ఫొటోలు దిగారు. ఈ కార్యక్రమంలో టీడీపీ నాయకులు, కార్యకర్తలు పాల్గొన్నారు. 650 ఎకరాల్లో ఏర్పాటైన కియా కార్ల ప్లాంట్‌ను 2019లో సీఎం చంద్రబాబు ప్రారంభించిన విషయం తెలిసిందే.
News December 5, 2024
రైలు నుంచి దూకేసిన యువతి.. మెడిసిన్‌ సీటు దక్కలేదనే!
రాయదుర్గం శివారులో రైలు నుంచి దూకి తనూజ (20) అనే <<14787731>>యువతి<<>> ఆత్మహత్య చేసుకున్న విషయం తెలిసిందే. మెడికల్ సీటు రాలేదనే మనస్తాపంతోనే యువతి ఈ ఘాతుకానికి పాల్పడినట్లు పోలీసులు తెలిపారు. కర్ణాటకలోని సేడంకు చెందిన ఆమె చిత్రదుర్గలో చదువుతున్నారు. మెడికల్ సీటు రాకపోవడంతో ఇక తాను బతకలేనని తల్లిదండ్రులకు చెప్పారు. నిన్న సొంతూరికి వెళ్తూ రాయదుర్గం వద్ద రైలు నుంచి దూకి చనిపోయారు. ఘటనపై పోలీసులు కేసు నమోదు చేశారు.
News December 5, 2024
విషాద ఘటన.. అవ్వ, మనవడే మిగిలారు!
అనంతపురం జిల్లా కందుర్పి మండలం రుద్రంపల్లి గ్రామంలో నిన్న మిద్దె <<14784951>>కూలి<<>> గంగన్న, శ్రీదేవి దంపతులు, కూతురు సంధ్య మృతి చెందిన విషయం తెలిసిందే. ఈ విషాద ఘటనతో ఆ ఇంట్లో అవ్వ ముత్యాలమ్మ, మనవడు ఈశ్వర్ మాత్రమే మిగిలారు. ఘటన సమయంలో అవ్వ లోపలి గదిలో నిద్రించడం, మనవడు పనిపై అనంతపురం వెళ్లడంతో ప్రాణాలతో బయటపడ్డారు. ఈశ్వర్‌కు ప్రభుత్వ ఉద్యోగం ఇప్పించేందుకు కృషి చేస్తానని స్థానిక ఎమ్మెల్యే హామీ ఇచ్చారు.
News December 5, 2024
విపత్తుపై అప్రమత్తంగా ఉండాలి: కలెక్టర్ చేతన్
సహజంగా జరుగుతున్న విపత్తును ఎదుర్కొనేందుకు ప్రభుత్వ యంత్రాంగం అప్రమత్తంగా ఉండాలని శ్రీ సత్యసాయి జిల్లా కలెక్టర్ టీఎస్ చేతన్ ఆదేశించారు. బుధవారం సాయంత్రం హోం మంత్రి వంగలపూడి అనిత వీడియో కాన్ఫరెన్స్ నిర్వహించి విపత్తు నిర్వహణపై పలు సూచనలు చేశారని కలెక్టర్ తెలిపారు. వాతావరణ శాఖ సూచనలపై ప్రత్యేక దృష్టిని సారించాలని, విపత్తు నిర్వహణలో భాగంగా సమావేశ సహకారాలతో ప్రజలను కాపాడాలన్నారు.
News December 4, 2024
26 జిల్లాల్లో డీఎస్పీ ఉచిత కోచింగ్ కేంద్రాలు ప్రారంభమం: మంత్రి సవిత
రాష్ట్రంలోని వివిధ బిసి వర్గాల అభ్యర్ధులకు 26 జిల్లాల్లో ఉచిత డీఎస్సీ కోచింగ్ కేంద్రాలను ఇప్పటికే ప్రారంభించామని మంత్రి సవిత పేర్కొన్నారు. బుధవారం రాష్ట్ర సచివాలయంలో మంత్రి సవిత మాట్లాడారు. త్వరలో సవిల్ సర్వీస్ ఉచిత కోచింగ్ కేంద్రాలను ప్రారంభించనున్నట్టు తెలిపారు. రాష్ట్రంలో ఆర్ధికంగా వెనుకబడిన(EWS) వర్గాల వారి అభ్యున్నతికి ప్రభుత్వం అన్ని విధాలా కట్టుబడి ఉందని స్పష్టం చేశారు.
Featured News
Sorry, no posts matched your criteria.