India's largestHyperlocal short
news App
Get daily news updates that are tailored for you based on your preferred language & location.
download Way2News app now
Chittoor
News May 23, 2024
KVB పురం: కుటుంబ కలహాలతో యువకుడి ఆత్మహత్య
మండలంలోని వగత్తూరు గిరిజన కాలనీకి చెందిన చెంచయ్య (36) కుటుంబ కలహాలతో బుధవారం రాత్రి ఆత్మహత్యకు పాల్పడ్డాడు. వగత్తూరు గిరిజన కాలనీకి చెందిన చెంచయ్య గత కొద్ది రోజులుగా కుటుంబ కలహాలతో ఇబ్బంది పడుతున్నారు. దీంతో ఇంట్లో ఎవరూ లేని సమయంలో ఉరి వేసుకొని ఆత్మహత్యకు పాల్పడ్డాడు. అపస్మారక స్థితిలో ఉన్న యువకుడిని చూసిన స్థానికులు ఆసుపత్రికి తరలించేలోపే మృతి చెందినట్లు తెలిపారు.
News May 23, 2024
TPT: హోటల్ మేనేజ్మెంట్ కోర్సులలో ప్రవేశాలకు దరఖాస్తులు
తిరుపతి జూ పార్క్ సమీపంలోని స్టేట్ ఇన్‌స్టిట్యూట్ ఆఫ్ హోటల్ మేనేజ్మెంట్ అండ్ క్యాటరింగ్ టెక్నాలజీ (SIHMCT) 2024-25 విద్యా సంవత్సరానికి వివిధ కోర్సుల్లో ప్రవేశాలకు దరఖాస్తు ఆహ్వానిస్తున్నట్లు కార్యాలయం తెలిపింది. హోటల్ మేనేజ్మెంట్, క్రాఫ్ట్ కోర్స్ ఇన్ ఫుడ్ ప్రొడక్షన్, సర్టిఫికెట్ కోర్సులు అందుబాటులో ఉన్నాయి. పూర్తి వివరాలకు https://sihmtpt.org/ వెబ్‌సైట్ లో చూసుకోవచ్చన్నారు.
News May 22, 2024
పాకాల: కనిపించకుండా పోయిన యువకుడి మృతదేహం లభ్యం
పాకాలలోని రైలు పట్టాలపై బుధవారం ఓ యువకుడి మృతదేహం లభ్యమైనట్లు పోలీసులు తెలిపారు. మృతుడు తలారివారిపల్లెకు చెందిన మురళీగా వారు గుర్తించారు. కాగా శుక్రవారం ఫకీరుపేటకు చెందిన ఓ యువతిని మురళీ కులాంతర వివాహం చేసుకున్నాడు. ఈ నేపథ్యంలో ఆదివారం నుంచి మురళీ కనిపించకుండా పోగా.. నేడు రైలు పట్టాలపై శవమై కనిపించాడు. యువతి కుటుంబ సభ్యులే మురళీని హత్య చేశారని మృతుడి కుటుంబీకులు ఆరోపించారు.
News May 22, 2024
పీటీఎం: నిద్ర మాత్రలు మింగిన యువకుడు
పీటీఎం మండలంలో ఓ యువకుడు నిద్ర మాత్రలు మింగి ఆత్మహత్యాయత్నంకు పాల్పడినట్లు పోలీసులు తెలిపారు. ఒడ్డిపల్లెకి చెందిన మురళి (38) కుటుంబ సమస్యల కారణంగా జీవితంపై విరక్తి చెందాడు. దీంతో నిద్ర మాత్రలు మింగి ఆత్మహత్యాయత్నానికి పాల్పడగా, కుటుంబీకులు గమనించి బి.కొత్తకోటకు తరలించారు. ప్రథమ చికిత్స అనంతరం మదనపల్లె జిల్లా ఆస్పత్రికి తరలించగా, డాక్టర్లు అతనికి మెరుగైన వైద్యం అందించారు.
News May 22, 2024
తిరుపతి: ఆన్‌లైన్‌లో హాల్ టికెట్లు
డాక్టర్ బీఆర్ అంబేడ్కర్ ఓపెన్ యూనివర్సిటీ డిగ్రీ మొదటి సంవత్సరం ఫస్ట్ సెమిస్టర్ పరీక్షలు ఈనెల 28 నుంచి ప్రారంభమవుతాయని తిరుపతి రీజనల్ కోఆర్డినేటర్ మల్లికార్జునరావు తెలిపారు. అభ్యర్థులు వర్సిటీ అధికార వెబ్‌సైట్ నుంచి హాల్ టికెట్లు డౌన్లోడ్ చేసుకోవాలని సూచించారు. ఇప్పటికే అన్ని గ్రూపులకు సంబంధించిన డిగ్రీ హాల్ టికెట్లు వెబ్‌సైట్లో అందుబాటులో ఉన్నాయన్నారు.
News May 22, 2024
చిత్తూరు: ల్యాప్‌టాప్‌ల దొంగ అరెస్టు
అతని టార్గెట్ ఇళ్లు, ఉద్యోగుల గెస్ట్ హౌస్, స్టూడెంట్ హాస్టళ్లే. ఆయా ప్రాంతాల్లో రాత్రి వేళ ల్యాప్‌టాప్ దొంగలించడమే అతగాడి పని. పక్కా సమాచారంతో బెంగళూరు పోలీసులు మంగళవారం నిందితుడిని పట్టుకున్నారు. అతను చిత్తూరుకు చెందిన కుమార్‌గా గుర్తించారు. నిందితుడి నుంచి 25 ల్యాప్‌టాప్‌లు స్వాధీనం చేసుకున్నామని బెంగళూరు నగర పోలీసు కమిషనర్ దయానంద్ వెల్లడించారు.
News May 21, 2024
పుంగనూరులో ఓట్లు లెక్కింపు ఇలా..!
పుంగనూరులో 2,38,868 ఓట్లు ఉన్నాయి. ఇందులో 2,06, 916 ఓట్లు పోలయ్యాయి. వచ్చే నెల 4వ తేదీన వీటిని లెక్కిస్తారు. ముందుగా పుంగనూరు మండలం ఎర్రగుంట్లపల్లి పోలింగ్ కేంద్రంలోని ఈవీఎంను ఓపెన్ చేసి ఓట్ల లెక్కింపు ప్రారంభిస్తారు. తర్వాత చౌడేపల్లె, సదుం, సోమల, రొంపిచెర్ల మండలాల ఈవీఎంలు తెరుస్తారు. చివరగా పులిచెర్ల మండలం కావేటిగారిపల్లి ఓట్లతో పుంగనూరు నియోజకవర్గ కౌంటింగ్ ముగుస్తుంది.
News May 21, 2024
స్ట్రాంగ్ రూములను జాగ్రత్తగా చూసుకోండి: SP
వర్షాల నేపథ్యంలో చిత్తూరు జిల్లా కేంద్రంలోని ఈవీఎంల స్ట్రాంగ్ రూములను ఎస్పీ మణికంఠ మంగళవారం పరిశీలించారు. ఈవీఎంలు ఉంచిన గదుల్లోకి వర్షపు నీరు వెళ్లకుండా జాగ్రత్తలు తీసుకోవాలని సిబ్బందిని ఆదేశించారు. కౌంటింగ్ పూర్తి అయ్యేవరకు అప్రమత్తంగా ఉండాలని సూచించారు. అడిషనల్ ఎస్పీ(అడ్మిన్) ఆరిపుల్లా, ఏఆర్‌ డీఎస్పీ మహబూబ్ బాషా, ఆర్ఐ నీలకంఠేశ్వర రెడ్డి పాల్గొన్నారు.
News May 21, 2024
తిరుమలలో వ్యక్తి ఆత్మహత్య
తిరుమలలో ఓ వ్యక్తి ఆత్మహత్య చేసుకోవడం కలకలం రేపింది. కొండపై ఉన్న B-టైప్ క్వార్టర్స్ వెనుక ఓ గుర్తు తెలియని వ్యక్తి ఉరివేసుకున్నాడు. స్థానికుల సమాచారంతో టూటౌన్ పోలీసులు ఘటనా స్థలానికి చేరుకుని మృతదేహాన్ని పరిశీలించారు. వివిధ కోణాల్లో దర్యాప్తు చేస్తున్నారు. దీనిపై మరిన్ని వివరాలు తెలియాల్సి ఉంది.
News May 21, 2024
TPT: ప్రవేశాలకు దరఖాస్తులు ఆహ్వానం
జాతీయ సంస్కృత యూనివర్సిటీ (NSU) లో ఫుల్ టైం రెగ్యులర్ పద్ధతిలో శిక్ష ఆచార్య (ఎంఈడి), శిక్ష శాస్త్రి (బీఈడీ) ప్రవేశాలకు దరఖాస్తు ఆహ్వానిస్తున్నట్లు కార్యాలయం ప్రకటనలో పేర్కొంది. CUET – PG 2024 ప్రవేశపరీక్ష పాసైన అభ్యర్థులు అర్హులన్నారు. పూర్తి వివరాలకు https://nsktu.ac.in/ వెబ్ సైట్ లో చూడాలన్నారు. దరఖాస్తులకు చివరి తేదీ జూన్ 14.
Featured News
Sorry, no posts matched your criteria.