India's largestHyperlocal short
news App
Get daily news updates that are tailored for you based on your preferred language & location.
download Way2News app now
Chittoor
News August 25, 2024
శ్రీకాళహస్తి: ఇలాంటి విషయాల్లో జాగ్రత్త..!
అతని వయస్సు పాతికేళ్లు. పెళ్లై ఇద్దరు పిల్లలు. పెడదారి పట్టి చివరకు చనిపోయాడు. శ్రీకాళహస్తి సీఐ గోపి వివరాల మేరకు.. తెలంగాణ(S) సిద్ధిపేట(D) గజ్వేల్‌‌కు చెందిన శివ(26) పెయింటర్‌. ఆరేళ్ల క్రితం వివాహమై ఇద్దరు పిల్లలు ఉన్నారు. శ్రీకాళహస్తి మహిళతో వివాహేతర సంబంధం ఉండటంతో 2 రోజుల క్రితం ఇక్కడకు వచ్చాడు. ఆమె మందలించగా.. బెదిరించేందుకు పురుగు మందు తాగాడు. చికిత్స పొందుతూ మృతిచెందాడు.
News August 25, 2024
CTR: ఆ మూడు చోట్ల నగరవనాల ఏర్పాటు
రాష్ట్రంలోని 11 నగరవనాల అభివృద్ధికి డిప్యూటీ సీఎం, అటవీ శాఖా మంత్రి పవన్ కళ్యాణ్ రూ.15.4 కోట్లు మంజూరు చేశారు. ఇందులో 3 నగరవనాలు మన ఉమ్మడి చిత్తూరు జిల్లాలో ఉన్నాయి. పవన్ విడుదల చేసిన నిధులతో చిత్తూరు డెయిరీ వద్ద, కలగిరికొండ, శ్రీకాళహస్తి కైలాసగిరి వద్ద నగరవనాలను అభివృద్ధి చేస్తారు. ఆయా ప్రాంతాల్లో పచ్చదనాన్ని పెంపొందించేలా పనులు చేస్తారు. ప్రజలకు ఆహ్లాదాన్ని పంచేందుకు ఇవి దోహదపడుతాయి.
News August 24, 2024
చిత్తూరు: విషాదం.. పెద్ద బండ పడి వ్యక్తి దుర్మరణం
చిత్తూరు జిల్లా గుడిపాల మండలం చీలాపల్లి ఈస్టర్ మలై వద్ద జరుగుతున్న చెన్నై జాతీయ రహదారి పనుల్లో ఓ బండరాయి మీద పడి కార్మికుడు మృతి చెందాడు. పైన ఉన్న బండ జారి కార్మికుడి పైన పడటంతో అతడు మట్టి దిబ్బలోకి కూరుకుపోయాడు. జేసీబీ సాయంతో మృతదేహాన్ని బయటకు తీశారు. ఈ ఘటనకు సంబంధించిన పూర్తి వివరాలు తెలియాల్సి ఉంది.
News August 24, 2024
తిరుపతి: ఫైనల్ మెరిట్ లిస్ట్ విడుదల
తిరుపతిలోని శ్రీ వెంకటేశ్వర మెడికల్ కళాశాలలో 2024-25 విద్యా సంవత్సరానికి పారామెడికల్ DP/DLMT కోర్సులలో ప్రవేశాలకు నోటిఫికేషన్ విడుదల చేశారు. దరఖాస్తు చేసుకున్న అభ్యర్థుల ఫైనల్ మెరిట్ లిస్ట్ విడుదల చేసినట్లు ప్రిన్సిపల్ చంద్రశేఖరన్ పేర్కొన్నారు. ఫైనల్ మెరిట్ లిస్ట్‌ను https://tirupati.ap.gov.in/ వెబ్‌సైట్‌లో పొందవచ్చని సూచించారు.
News August 24, 2024
CTR: అక్రమాల ఫిర్యాదుకు టోల్ ఫ్రీ నెంబర్
ఉచిత ఇసుక సరఫరాలో అక్రమాలు, ఇబ్బందులు ఏర్పడితే తమకు ఫిర్యాదు చేయాలని చిత్తూరు కలెక్టర్ సుమిత్ కుమార్ సూచించారు. ఇందుకోసం టోల్ ఫ్రీ నంబర్ 08572-299509 ఏర్పాటు చేశామని చెప్పారు. అలాగే chittoorsand75@gmail.comకు మెయిల్ చేయవచ్చన్నారు. ఇసుక రవాణా చేస్తున్న ట్రాక్టర్, టిప్పర్ యజమానులు, వినియోగదారులు ఎవరైనా ఫిర్యాదు చేయవచ్చని పేర్కొన్నారు.
News August 24, 2024
రిపోర్టర్‌కు శ్రీకాళహస్తి MLA బెదిరింపులు..?
ఏర్పేడు మండలంలో ట్రాక్టర్ ఇసుకకు రూ.500 అక్రమంగా వసూళ్లు చేస్తున్నట్లు ఆరోపణలు ఉన్నాయి. దీనిపై ఓ ప్రముఖ పత్రికలో వార్త రాగా సదరు రిపోర్టర్‌కు శ్రీకాళహస్తి ఎమ్మెల్యే బొజ్జల సుధీర్ రెడ్డి తన పీఏలతో ఫోన్ చేయించారు. ‘నా గురించి వ్యతిరేకంగా వార్తలు రాస్తే తాట తీస్తా. వైసీపీ పాలనలో ఇవి కనపడలేదా? ఇకపై వ్యతిరేక వార్త వస్తే నీ కథ ముగిసినట్లే’ అని వార్నింగ్ ఇచ్చినట్లు తెలుస్తోంది.
News August 24, 2024
తిరుపతిలో బాలికపై అత్యాచారం
తిరుపతిలో మైనర్ బాలికపై అత్యాచారం చేసిన ఘటన ఆలస్యంగా వెలుగులోకి వచ్చింది. తిరుపతి వెస్ట్ ఎస్ఐ బాలకృష్ణ వివరాల మేరకు.. బాలిక హాస్టల్లో ఉంటూ తిరుపతిలోని ఓ మునిసిపల్ స్కూల్లో 9వ తరగతి చదువుతోంది. ఆమెను రుషి అనే యువకుడు బుధవారం పాఠశాల నుంచి తీసుకెళ్లి అత్యాచారం చేశాడు. బాధితురాలి ఫిర్యాదుతో పోలీసులు కేసు నమోదు చేశారు.
News August 24, 2024
చిత్తూరు: 1407 పనులకు ఆమోదం
జిల్లావ్యాప్తంగా శుక్రవారం 700 గ్రామ సభలు నిర్వహించినట్లు కలెక్టర్ సుమిత్ కుమార్ తెలిపారు. వీటిలో రూ. 91.30 కోట్లతో 1407 పనులకు ఆమోదం తెలిపినట్టు ఆయన వెల్లడించారు. దీనితోపాటు ఉపాధి హామీ పనులకు ఆమోదం తెలిపినట్టు చెప్పారు. ఉపాధి పనుల పట్ల గ్రామీణులకు అవగాహన కల్పించామన్నారు. సభలలో ఎమ్మెల్యేలు, ప్రజా ప్రతినిధులు, అధికారులు పాల్గొన్నారని తెలియజేశారు.
News August 23, 2024
మదనపల్లె: రైతుపై ప్రత్యర్థి కొడవలితో దాడి
రైతుపై ప్రత్యర్థి కొడవలితో దాడిచేసి తీవ్రంగా గాయపరిచిన ఘటన శుక్రవారం సాయంత్రం మదనపల్లె మండలం, పొన్నెటి పాలెం గ్రామంలో జరిగింది. బాదితుడి వివరాల ప్రకారం.. పనసమాకులపల్లెకు చెందిన రైతు శంకర(48) తన వ్యవసాయ బోరు వద్ద పొలంలో దుక్కి దున్నుతున్నాడు. పక్కనే ఉన్న వ్యవసాయ భూమికి చెందిన ప్రత్యర్థి మల్లికార్జున నాయుడు భాగం పంచి దుక్కి దున్నాలని శంకర్‌పై కొడవలితో దాడి చేశాడు.
News August 23, 2024
చిత్తూరు: అపరిచిత వ్యక్తులను నమ్మవద్దు : ఎస్.పి
ఆరోగ్య సమస్యలను పూజలతో నయం చేస్తామని ఎవరైనా మీ ఇంటికి అపరిచిత వ్యక్తులు వస్తే వారిని నమ్మకండి అని అటువంటి వారిపై పోలీసులకు సమాచారం ఇవ్వాలని జిల్లా ఎస్.పి మణికంఠ చందోలు అన్నారు. ఎస్.పి మాట్లాడుతూ.. అపరిచిత వ్యక్తుల పట్ల సందేహం ఉంటే 100/112 కు లేదా చిత్తూరు జిల్లా పోలీస్ వాట్స్ యాప్ నెంబర్ 9440900005 కు సమాచారం ఇవ్వాలని కోరారు.
Featured News
Sorry, no posts matched your criteria.