• Download our app

Chittoor

News August 19, 2024

శ్రీసిటీలో సీఎం చంద్రబాబుకు స్వాగతం పలికిన ఎమ్మెల్యే ఆదిమూలం

image

సత్యవేడు నియోజకవర్గం శ్రీసిటీకి ముఖ్యమంత్రి నారా చంద్రబాబు నాయుడు చేరుకున్నారు. శ్రీ సిటీలో ఆయన పలు కంపెనీలకు భూమి పూజ, పలు కంపెనీల ప్రారంభోత్సవాలు చేయనున్నారు. ఈ కార్యక్రమానికి ప్రముఖులు మినహా ఇతరులకు ప్రవేశం కల్పించలేదు. సత్యవేడు ఎమ్మెల్యే కోనేటి ఆదిమూలం ముఖ్యమంత్రి నారా చంద్రబాబు నాయుడుకు శ్రీ సిటీలో స్వాగతం పలికారు.

News August 19, 2024

తిరుపతి : రేపు జాబ్ మేళా

image

పద్మావతిపురంలోని ప్రభుత్వ ఐటీఐ కళాశాలలో మంగళవారం ఉదయం 9 గంటలకు జాబ్ మేళా నిర్వహిస్తున్నట్లు తిరుపతి జిల్లా నైపుణ్యభివృద్ధి శాఖ అధికారి లోకనాథం పేర్కొన్నారు. డిక్సన్ కంపెనీ ప్రతినిధుల హాజరవుతారని తెలియజేశారు. పదో తరగతి, ఐటీఐ, ఇంటర్మీడియట్, డిప్లమా, డిగ్రీ, 18-30 సంవత్సరాల్లోపు అభ్యర్థులు అర్హులన్నారు. ఆసక్తి కలిగిన వారు https://rb.gy/6son88 గూగుల్ ఫాం లో పేర్లు రిజిస్టర్ చేసుకోవాలి సూచించారు.

News August 19, 2024

రక్షా బంధన్ శుభాకాంక్షలు: ఆర్‌కే రోజా

image

మాజీ మంత్రి ఆర్‌కే రోజా రక్షా బంధన్ శుభాకాంక్షలు తెలిపారు. ‘ప్రపంచంలోని నా బెస్ట్ బ్రదర్స్‌కి, రక్షా బంధన్ శుభాకాంక్షలు. నా కోసం ఎల్లప్పుడూ ఉన్నందుకు ధన్యవాదాలు’ అంటూ మాజీ సీఎం జగన్‌తోపాటు ఆమె అన్నలతో ఉన్న ఫొటోను ట్విట్టర్‌లో పోస్ట్ చేశారు.

News August 19, 2024

పుంగనూరు: ఆస్పత్రిలో డెంగ్యూ బాధితులు

image

ఇద్దరు విద్యార్థులకు డెంగ్యూ జ్వరం సోకి పుంగనూరు ప్రభుత్వ ఆసుపత్రిలో చికిత్స పొందుతున్నారు. మండలంలోని రాంపల్లెకు చెందిన బార్గవ్(13) 10వ తరగతి చదువుతున్నారు. జ్వరం రావడంతో ఆస్పత్రిలో పరీక్షలు నిర్వహించగా డెంగ్యూ అని నిర్ధారణ అయింది. అలాగే, పలమనేరు మండిపేటకోటూరుకు చెందిన మూడో తరగతి విద్యార్థిని మోక్షిత(9) కూడా డెంగ్యూ జ్వరంతో పుంగనూరు ప్రభుత్వ ఆసుపత్రిలో చికిత్స పొందుతోంది.

News August 19, 2024

శ్రీసిటీలో 15 కంపెనీలను ప్రారంభించనున్న చంద్రబాబు

image

శ్రీసిటీలో 15 పరిశ్రమలను సీఎం చంద్రబాబు సోమవారం ప్రారంభించనున్నారు. శ్రీసిటీలో రూ.1570 కోట్ల పెట్టుబడితో ఏర్పాటవుతున్న ఈ పరిశ్రమల ద్వారా సుమారు 8480 మందికి ఉపాధి లభిస్తుంది. మరో ఆరు పరిశ్రమల ఏర్పాటుకు ఆయన శంకుస్థాపన చేస్తారు. మరో ఐదు పరిశ్రమల ఏర్పాటుకు వీలుగా ఒప్పందాలు కుదుర్చుకోనున్నారు. వీటి ద్వారా 4060 మందికి ఉపాధి లభిస్తుంది.

News August 19, 2024

తిరుపతి: నేడు సీఎం చంద్రబాబు పర్యటన వివరాలు

image

సీఎం చంద్రబాబు సోమవారం ఉదయం 10 గంటలకు ఉండవల్లిలోని తన నివాసం నుంచి బయలు దేరి తిరుపతి విమానాశ్రయం చేరుకుంటారు. అక్కడి నుంచి హెలికాప్టర్‌లో శ్రీసిటీకి వెళ్లతారు. శ్రీసిటీలోని బిజినెస్ సెంటర్‌లో పలు పరిశ్రమలకు భూమి పూజ, ప్రారంభోత్సవాలు చేస్తారు. అక్కడ కార్యక్రమాలు ముగిసిన తర్వాత నెల్లూరు జిల్లాలోని సోమశిల ప్రాజెక్టును సందర్శిస్తారు. అక్కడ నుంచి సాయంత్రానికి విజయవాడ చేరుకుంటారని ప్రభుత్వం తెలిపింది.

News August 19, 2024

పుంగనూరు: నీట మునిగి తల్లీబిడ్డ మృతి

image

పుంగనూరు నియోజకవర్గంలో తీవ్ర విషాదం నెలకొంది. చౌడేపల్లె మండలం కాటిపేరికి చెందిన మౌనిక మదనపల్లెలో ఎక్సైజ్ కానిస్టేబుల్‌గా పనిచేస్తున్నారు. నిన్న సెలవు కావడంతో తన బిడ్డలు అనీషా రెడ్డి, తనీష్ రెడ్డితో కలిసి ఆవులను మేపేందుకు వెళ్లారు. ఆవు తాడును అనీషా రెడ్డి పట్టుకోగా.. అది బెదిరి నీటి గుంతల్లోకి లాక్కెళ్లింది. బిడ్డను కాపాడే క్రమంలో తల్లి కూడా నీటిలో మునిగిపోయింది. ఈత రాక ఇద్దరూ చనిపోయారు. 

News August 19, 2024

అభివృద్ధి పనులపై ఎమ్మెల్యే బొజ్జల సమావేశం

image

శ్రీకాళహస్తీశ్వర ఆలయానికి సంబంధించిన మాస్టర్ ప్లాన్ అభివృద్ధి పనులపై ఎమ్మెల్యే బొజ్జల సుధీర్ రెడ్డి ఆదివారం ఈఓ మూర్తి, దేవాదాయ శాఖ అధికారులతో సమావేశమయ్యారు. ఈ సందర్భంగా ఎమ్మెల్యే మాట్లాడుతూ.. తన తండ్రి బొజ్జల గోపాల కృష్ణారెడ్డి ప్రారంభించిన మాస్టర్ ప్లాన్‌ను ప్రాధాన్యతగా స్వీకరిస్తానని చెప్పారు. భక్తులకు మెరుగైన సౌకర్యాలు కల్పించేందుకు కృషి చేస్తానని చెప్పారు.

News August 18, 2024

బియ్యపు మధుసూదన్ రెడ్డి కుమార్తె వివాహానికి హాజరైన జగన్‌

image

శ్రీకాళహస్తి మాజీ ఎమ్మెల్యే బియ్యపు మధుసూదన్ రెడ్డి కుమార్తె పవిత్ర రెడ్డి వివాహానికి మాజీ సీఎం జగన్ దంపతులు హాజరయ్యారు. బెంగళూరు మారియట్ హోటల్‌లో జరిగిన వివాహ వేడుకలో నూతన వధూవరులు పవిత్ర రెడ్డి, డాక్టర్ కౌశిక్ రెడ్డిలకు జగన్, భారతి వివాహ శుభాకాంక్షలు తెలిపారు. నూతన వధూవరులను ఆశీర్వదించారు.

News August 18, 2024

కార్యకర్త పాడె మోసిన శ్రీకాళహస్తి ఎమ్మెల్యే

image

రేణిగుంట మండల టీడీపీ సీనియర్ కార్యకర్త, యూనిట్ ఇన్‌ఛార్జ్ మునెయ్య అంత్యక్రియలకు ఎమ్మెల్యే బొజ్జల సుధీర్ రెడ్డి హాజరయ్యారు. అంతియ యాత్రలో ఆయన పాడె మోసి కడసారి వీడ్కోలు పలికారు. శ్మశాన వాటిక వరకు మోసి సానుభూతి తెలిపారు. మంచి కార్యకర్తను కోల్పోయామని ఆవేదన వ్యక్తం చేశారు. ఈ కార్యక్రమంలో టీడీపీ నాయకులు, కార్యకర్తలు పాల్గొన్నారు.

Featured News

Sorry, no posts matched your criteria.

↑