India's largestHyperlocal short
news App
Get daily news updates that are tailored for you based on your preferred language & location.
download Way2News app now
Chittoor
News May 12, 2024
ఒకే కాన్పులో ఐదు మేక పిల్లలు జననం
రొంపిచర్ల మండలం, మోటు మల్లెల నగరి హరిజనవాడలో గాలి శ్రీనివాసులు అనే వ్యక్తికి చెందిన మేక ఐదు మేక పిల్లలకు ఆదివారం రాత్రి జన్మనిచ్చింది. ఈ మేక మొదటి కాన్పులో రెండు, రెండవ కాన్పులో మూడు, మూడవ కాన్పులో ఐదు మేక పిల్లలకు జన్మనిచ్చిందని రైతు తెలిపారు. ఐదు మేక పిల్లలను సంరక్షించేందుకు వైద్యుల సలహాలు సూచనలు కావాలని రైతు కోరారు.
News May 12, 2024
రోడ్డు ప్రమాదంలో ముగ్గురికి తీవ్ర గాయాలు
కురబలకోట మండలంలో ఆదివారం రాత్రి జరిగిన రోడ్డు ప్రమాదంలో ముగ్గురు యువకులు తీవ్రంగా గాయపడ్డారు. ముదివేడు ఎస్ఐ మల్లికార్జునరెడ్డి వివరాల మేరకు.. మదనపల్లె మండలం, సిటిఎం గ్రామం, కోనంగివారిపల్లెకు చెందిన ప్రసాద్ (26), కురబలకోట మండలంలోని ముదివేడు గ్రామం, చామంచివారిపల్లెకు చెందిన ధరన్(25), కిరణ్ (25)లు సొంత పని మీద బైకులో అంగళ్లుకు బయలుదేరారు. స్కూటర్ అంగళ్లు ఏసి గోడౌన్ వద్ద బొలెరో తప్పించి పడ్డారు.
News May 12, 2024
తిరుపతిలో రాజకీయం వర్సెస్ జర్నలిజం
ఎన్నికలు చివరి దశకు చేరుకున్న తరుణంలో తిరుపతి రాజకీయం కొత్త మలుపు తిరిగింది. ఎన్నికల ప్రచారం చివరి రోజు టీటీడీ ఛైర్మన్ కరుణాకర్ రెడ్డి తిరుపతికి చెందిన ఓ పత్రిక విలేకరులపై చేసిన వ్యాఖ్యలు జర్నలిస్టుల నుంచి తీవ్ర వ్యతిరేకతకు దారి తీశాయి. రాజకీయ నాయకులు చేసిన వ్యాఖ్యలను అన్ని జర్నలిస్టు సంఘాలు ఖండించాయి. మరో వైపు తిరుపతి జర్నలిస్టులు ఎస్పీకి, కలెక్టర్ కు ఫిర్యాదు చేశారు.
News May 12, 2024
చిత్తూరు: 3000 మంది సిబ్బందితో భారీ బందోబస్తు
చిత్తూరు జిల్లాలో ఎన్నికల నిర్వహణకు 3000 పోలీస్ సిబ్బందితో ఎన్నికల నిర్వహణకు ప్రతిష్ట బందోబస్తు ఏర్పాటు చేసినట్లు జిల్లా ఎస్పీ మణికంఠ చందోలు అన్నారు. ఆయన మాట్లాడుతూ.. జిల్లాలో ఉన్న గ్రామ, పట్టణ ప్రజలు తమ ఓటు హక్కును వినియోగంచుకునే విధంగా అన్ని రకాల భద్రత ఏర్పాట్లు పూర్తి చేశామని తెలిపారు. NCC, NSS, పదవి వివరణ చేసిన పోలీసులు, మాజీ సైనికులతో బందోబస్తు ఏర్పాటు చేశామని అన్నారు.
News May 12, 2024
చిత్తూరు: ఏనుగు దాడిలో ఒకరు మృతి
జిల్లాలోని తవణంపల్లె మండలం వెంగంపల్లె ST కాలనీలో విషాదం నెలకొంది. గ్రామానికి చెందిన పి.చిన్నయ్య(50) ఆదివారం ఉదయం కాలనీకి సమీపంలోని మామిడి తోటలో బహిర్భూమికి వెళ్లాడు. ఏనుగును చూసిన కుక్కలు మొరిగాయి. దీంతో చిన్నయ్య అటుగా వెళ్లగా.. ఆయనను ఏనుగు వెంబడించి చంపేసింది. స్థానికులు స్థానిక అటవీ శాఖ, పోలీసు అధికారులకు సమాచారం అందించారు. మృతదేహాన్ని చిత్తూరు ప్రభుత్వ ఆసుపత్రికి తరలించారు.
News May 12, 2024
మంగళగిరిలో బాబు.. పుంగనూరులో పెద్దిరెడ్డి
ఈసారి ఎన్నికల్లో పలువురు అభ్యర్థులు వాళ్లకి వాళ్లే ఓటు వేసుకునే అవకాశం లేదు. కుప్పంలో పోటీ చేస్తున్న చంద్రబాబు మంగళగిరిలో ఓటు వేస్తారు. వైసీపీ తంబళ్లపల్లె అభ్యర్థి పెద్దిరెడ్డి ద్వారకనాథ రెడ్డి పుంగనూరు నియోజకవర్గంలోని తన స్వగ్రామం ఎర్రాతివారిపాలెంలో, నగరి అభ్యర్థి భానుప్రకాశ్ రామచంద్రాపురం మండలంలో, పూతలపట్టు కాంగ్రెస్ అభ్యర్థి ఎంఎస్ బాబు చిత్తూరు మండలం వెంకటాపురం హరిజనవాడలో ఓటు వేస్తారు.
News May 12, 2024
పెద్దిరెడ్డి తోక కత్తిరిస్తా: చంద్రబాబు
చిత్తూరు జిల్లాను పాపాల పెద్దిరెడ్డి కుటుంబం లూటీ చేసిందని TDP అధినేత చంద్రబాబు మండిపడ్డారు. ‘పెద్దిరెడ్డి మంత్రి, ఆయన కొడుకు MP, తమ్ముడు MLA. అన్ని కాంట్రాక్టులు, రాజకీయ పదవులన్నీ పెద్దిరెడ్డి కుటుంబానివే. ఈ రాష్ట్రం ఏమైనా వాళ్లబ్బ సొత్తా? ఇంకెవరూ అవసరం లేదా? మేము అధికారంలోకి రాగానే పెద్దిరెడ్డి ఫ్యామిలీ తిన్నదంతా కక్కిస్తా. పెద్దిరెడ్డి తోక కత్తిరిస్తా’ అని చిత్తూరు సభలో చంద్రబాబు అన్నారు.
News May 12, 2024
తిరుపతి: రాజకీయ పార్టీలు సహకరించాలి
ఓటర్లు ప్రశాంతంగా స్వేచ్చగా ఓటు హక్కు వినియోగించుకునేలా అన్ని రాజకీయ పార్టీలు సహకరించాలని, ఎన్నికల కమిషన్ నిబంధనల మేరకు నడుచుకోవాలని కలెక్టర్ జిల్లా ఎన్నికల అధికారి ప్రవీణ్ కుమార్ కోరారు. శనివారం స్థానిక కలెక్టరేట్ వీడియో కాన్ఫరెన్స్ మందిరంలో రాజకీయ పార్టీల ప్రతినిధులతో, అభ్యర్థులతో కలెక్టర్ సమావేశం నిర్వహించారు. పోలింగ్ కు ఎలాంటి అవాంఛనీయ ఘటనలు చోటు చేసుకోకుండా సహకరించాలని కోరారు.
News May 11, 2024
మదనపల్లె: బస్సు ఢీకొని గుర్తుతెలియని వ్యక్తి దుర్మరణం
మదనపల్లె పట్టణం వారపు సంతలో బస్సు ఢీకొని గుత్తిని వ్యక్తి అక్కడికక్కడే దుర్మరణం చెందాడు. చనిపోయిన వ్యక్తి వయసు సుమారు 45 ఏళ్లు ఉంటుందని స్థానికులు పేర్కొంటున్నారు. సమాచారాన్ని తెలుసుకున్న రెండో పట్టణ ఎస్సై వెంకటసుబ్బయ్య మృతదేహాన్ని పరిశీలించి పంచనామా నిర్వహించారు.
News May 11, 2024
మదనపల్లె టమోటా మార్కెట్‌కు రెండు రోజులు సెలవు
సార్వత్రిక ఎన్నికల సందర్భంగా మదనపల్లె టమోటా మార్కెట్‌కు ఆర్‌ఓ హరిప్రసాద్ 2రోజులు సెలవు ప్రకటించారు. మదనపల్లెలో ఎన్నికలు 13న జరగనున్న నేపథ్యంలో ఐదు పోలింగ్ కేంద్రాలు నీరుగట్టువారిపల్లెలో ఉన్నాయి. దీంతో మదనపల్లె టమోటా మార్కెట్ యాడ్‌ను ఆదివారం ఉదయం 6గంటల నుంచి సోమవారం సాయంత్రం 7గంటల వరకు ఎలక్షన్ ఆఫీసర్ల అధీనంలో ఉంటుంది. ఆది, సోమవారాలు టమోటా రైతులు మార్కెట్‌కు టమోటాలు తీసుకురావద్దని కోరారు.
Featured News
Sorry, no posts matched your criteria.