Chittoor

News August 5, 2024

శ్రీవారి దర్శనానికి 6 గంటల సమయం

తిరుమలలో భక్తులు రద్దీ సాధారణంగా ఉన్నట్లు అధికారులు తెలిపారు. శ్రీవారి దర్శనానికి 6 గంటల సమయం పడుతుంది. భక్తులు డైరెక్ట్ క్యూ లైన్‌లో వెళ్లి స్వామి వారిని దర్శించుకుంటున్నారు. కాగా ఆదివారం 75,356 మంది భక్తులు శ్రీవారిని దర్శించుకున్నారు.

News August 5, 2024

మలేషియాలో సత్తాచాటిన మదనపల్లె విద్యార్థులు

మలేషియాలో జరిగిన కరాటే పోటీల్లో మదనపల్లె విద్యార్థులు సత్తా చాటి బ్లాక్ బెల్ట్ సాధించినట్లు మాస్టర్ డాక్టర్ ఏఆర్ సురేశ్ తెలిపారు. విద్యార్థులు మహేశ్వర్, షేక్ మిస్బా, జోషితారెడ్డి , మహమ్మద్ ఐమాన్ , మోహిబుల్ రెహమాన్, విశిష్టసాయి , కాలేషామస్తాన్ , చారుకేశరాయల్ , ప్రజ్వల్ రాయల్ బ్లాక్ బెల్ట్ సాధించారన్నారు. వారంతా ఆదివారం మదనపల్లెకు రావడంతో స్థానికులు అభినందనలు తెలిపారు.

News August 4, 2024

తిరుమలకు వచ్చే వృద్ధులకు అలర్ట్

టోకెన్లు లేకున్నా రోజూ వయోవృద్ధులను శ్రీవారి దర్శనానికి నేరుగా అనుమతిస్తున్నారని కొందరు ప్రచారం చేశారు. దీనిని టీటీడీ ఖండించింది. ‘రోజుకు 1000 మంది చొప్పున వయోవృద్ధులు, దివ్యాంగుల కోసం ప్రతి నెలా 23వ తేదీ మధ్యాహ్నం 3 గంటలకు మూడు నెలల ముందుగానే ఆన్‌లైన్ కోటా విడుదల చేస్తాం. అలా బుక్ చేసుకున్న టోకెన్లతో వచ్చిన వారినే దర్శనానికి అనుమతిస్తాం. టోకెన్లు లేని వారికి అనుమతి లేదు’ అని TTD స్పష్టం చేసింది.

News August 4, 2024

త్వరలో తిరుపతి జిల్లాలో సీఎం పర్యటన

సీఎం చంద్రబాబు నాయుడు త్వరలో శ్రీసిటీలో పర్యటిస్తారని తెలుస్తోంది. శ్రీసిటీ ఎండీ రవీంద్ర సన్నారెడ్డి ముఖ్యమంత్రిని కలిసి శ్రీసిటీలో జరుగుతున్న పారిశ్రామిక ప్రగతిని వివరించారు. అలాగే శ్రీసిటీని సందర్శించాలని సీఎంను ఆహ్వానించారు. ఈ నేపథ్యంలో ఆగస్టు 3వ వారంలో సీఎం పర్యటన ఉండే అవకాశం ఉన్నట్లు తెలుస్తోంది.

News August 4, 2024

విద్యార్థిపై దాడి.. లోకేశ్‌కు లేఖ

తన బిడ్డపై కరస్పాండెంట్ దాడి చేశాడని ఓ తండ్రి నారా లోకేశ్‌కు లేఖ రాశారు. ‘ నా బిడ్డ ములకలచెరువులోని SPVB పాఠశాలలో 6వ తరగతి చదువుతున్నాడు. బిడ్డపై ఆ స్కూల్ కరస్పాండెంట్ పైశాచికంగా దాడి చేశాడు. పాఠశాలలో బంధించడంతో తప్పించుకుని నా వద్దకు వచ్చాడు. ములకలచెరువు పోలీసులకు ఫిర్యాదు చేసినా పట్టించుకోలేదు’ అని శ్రీసత్యసాయి జిల్లా కుక్కంటి క్రాస్‌కు చెందిన విద్యార్థి తండ్రి ఇక్బాల్ ఆరోపించారు.

News August 4, 2024

రెండు సార్లు గరుడ వాహన సేవ

తిరుమల శ్రీవేంకటేశ్వర స్వామివారికి ఆగస్టులో రెండు సార్లు గరుడ వాహన సేవ జరగనుంది. 9వ తేదీ గరుడ పంచమి, ఆగస్టు 19వ తేదీ శ్రావణ పౌర్ణమి పర్వదినాల సందర్భంగా శ్రీమలయప్ప స్వామివారు గరుడవాహనం పై నాలుగు మాడ వీధుల్లో విహరించి భక్తులను కటాక్షించనున్నారు.

News August 4, 2024

పుంగనూరు ఈవోపీఆర్డీపై వేటు

పుంగనూరు MPDO ఆఫీసులో రూ.1.37 కోట్ల నిధుల దుర్వినియోగం ఉదంతంలో ఈవోపీఆర్డీ నారాయణను విధుల నుంచి తాత్కాలికంగా తొలగిస్తూ డీపీవో లక్ష్మి ఉత్తర్వులు ఇచ్చారు. ఈ కేసులో ఇప్పటికే డేటా ఎంట్రీ ఆపరేటర్ సునీల్, ప్రస్తుత ఏవో రాజేశ్వరి, సీనియర్ అసిస్టెంట్ రాజశేఖర్ రెడ్డిని సస్పెండ్ చేసిన విషయం తెలిసిందే. నారాయణపై విచారణ చేపట్టి నివేదిక సమర్పించాలని కలెక్టర్‌ను ఉన్నతాధికారులు ఆదేశించారు.

News August 4, 2024

చిత్తూరు: బాలికపై బాలుడు అత్యాచారం

ఉమ్మడి చిత్తూరు జిల్లాలో అత్యాచార ఘటన వెలుగులోకి వచ్చింది. బాలిక తల్లిదండ్రుల వివరాల మేరకు.. కలికిరి మండలంలో బాలిక ఒకటో తరగతి చదువుతోంది. స్థానికంగా ఉంటున్న 14 ఏళ్ల బాలుడు పదో తరగతి చదువుతున్నాడు. అతను బాలికపై అత్యాచారానికి పాల్పడినట్లు ఆమె తల్లిదండ్రులు పోలీసులకు ఫిర్యాదు చేయగా.. పోక్సో కేసు నమోదు చేసినట్లు సీఐ మోహన్ తెలిపారు. బాలికను వైద్య పరీక్షల నిమిత్తం ప్రభుత్వాసుపత్రికి తరలించారు.

News August 4, 2024

మదనపల్లె: నలుగురిపై నాన్ బెయిల్‌బుల్ కేసులు

మదనపల్లె ఫైళ్ల దగ్ధం ఘటనలో మొత్తం 8 కేసులు నమోదయ్యాయి. ఇందులో నలుగురు నిందితులపై నాన్ బెయిల్‌బుల్‌తో వన్ టౌన్ పోలీసులు FIR నమోదు చేశారు. ఇందులో మాజీ ఎమ్మెల్యే నవాజ్ బాషా, మదనపల్లె మున్సిపల్ వైస్ ఛైర్మన్ జింకా చలపతి, పెద్దిరెడ్డి అనుచరులు మాధవ రెడ్డి, కె.రామకృష్ణారెడ్డి ఉన్నారు. కేసు వివరాలను మదనపల్లె ఏడీజే కోర్టులో సమర్పించారు. మాజీ ఎమ్మెల్యే ఇంట్లో 8 ఉండరాని ఫైల్స్ దొరకడంతోనే కేసు నమోదు చేశారు.

News August 4, 2024

ఎస్వీ అన్నప్రసాదం ట్రస్టుకు కోటి రూపాయలు విరాళం

ఎస్వీ అన్నప్రసాదం ట్రస్టుకు సుమధుర గ్రూప్‌ సీఎండీ మధుసూధన్‌ కోటి రూపాయలను విరాళంగా అందించారు. ఈ మేరకు డీడీని తిరుమలలోని గోకులం రెస్ట్‌ హౌస్‌లో టీటీడీ అడిషనల్‌ ఈవో సీహెచ్‌ వెంకయ్య చౌదరికి అందజేశారు. ఈ కార్యక్రమంలో డైరెక్టర్లు భరత్ కుమార్,నవీన్‌కుమార్‌, శ్రీనివాస్‌ తదితరులు పాల్గొన్నారు.

…

169

…

Featured News

Sorry, no posts matched your criteria.

↑