India's largestHyperlocal short
news App
Get daily news updates that are tailored for you based on your preferred language & location.
download Way2News app now
Chittoor
News June 12, 2024
అనుమానాస్పద స్థితిలో వ్యక్తి మృతి
తిరుపతి జిల్లా పాకాల మండలం దామలచెరువు వద్ద గుర్తుతెలియని వ్యక్తి మృతదేహం లభ్యమైనట్లు పోలీసులు తెలిపారు. అతని తలపై రాయితో కొట్టి చంపినట్లు అనుమానం వ్యక్తం చేస్తున్నారు. మృతుడికి సంబంధించి ఎలాంటి ఆధారాలు లభించలేదని తెలిపారు. మృతదేహాన్ని 108 ద్వారా చిత్తూరు ప్రభుత్వ ఆసుపత్రిలోని మార్చురీకి తరలించారు. పాకాల పోలీసులు కేసు నమోదు చేసి దర్యాప్తు చేపట్టారు.
News June 12, 2024
మరికాసేపట్లో చంద్రబాబు రాక.. భారీ భద్రత
సీఎంగా బాధ్యతలు స్వీకరించాక తొలిసారి చంద్రబాబు తిరుపతి, తిరుమల పర్యటన చేయనున్నారు. ఇవాళ రాత్రికి ఆయన తిరుమలకు చేరుకుంటారు. ఈ సందర్భంగా డీఐజీ షిముషి బాజ్ పాయ్ అధ్వర్యంలో ఎస్పీ వి.హర్షవర్ధన్ రాజు, కలెక్టర్ ప్రవీణ్ కుమార్ తదితర అధికారులు కాన్వాయ్ రిహార్సల్ నిర్వహించారు. సీఎం పర్యటన కోసం 1550 మందితో భారీ బందోబస్తు ఏర్పాటు చేసినట్లు ఎస్పీ చెప్పారు. కొండపై క్షుణ్ణంగా తనిఖీలు చేస్తున్నారు.
News June 12, 2024
తిరుమలకు బయలుదేరిన సీఎం
CM చంద్రబాబు కుటుంబ సభ్యులతో కలిసి గన్నవరం నుంచి ప్రత్యేక విమానంలో తిరుపతికి బయలుదేరారు. రాత్రి 9 గం.కు రేణిగుంట ఎయిర్ పోర్ట్‌కు చేరుకుంటారు. అనంతరం రేణిగుంట నుంచి రోడ్డు మార్గంలో తిరుమలకు వెళ్తారు. తిరుమలలోని శ్రీగాయత్రి నిలయం గెస్ట్‌హౌస్‌లో బసచేసి రేపు ఉదయం శ్రీవారిని దర్శించుకోనున్నారు. CM తిరుపతి పర్యటన నేపథ్యంలో జిల్లా పోలీసులు ఉన్నతాధికారులు పటిష్ఠ భద్రతా చర్యలు చేపట్టారు.
News June 12, 2024
మూకుమ్మడిగా ముక్కంటి మండలి రాజీనామా
శ్రీకాళహస్తి ఆలయ ధర్మకర్తల మండలి అధ్యక్షులు, సభ్యులు వారి వారి పదవులకు రాజీనామా చేశారు. కూటమి ప్రభుత్వం అధికారంలోకి రావడంతో మండల సభ్యులు కొంతమంది మరుసటి రోజు రాజీనామా చేశారు. అయితే మరి కొంతమంది సభ్యులు, అధ్యక్షులు రాజీనామా చేయకపోవడంతో వారిపై విమర్శలు వెల్లువెత్తాయి. అయితే ఎట్టకేలకు ఆలయ ధర్మకర్తల మండలి మూకుమ్మడిగా రాజీనామా చేసి ఆ పత్రాన్ని ఆలయ ఈఓకి అందజేశారు.
News June 12, 2024
చిత్తూరు జిల్లా నుంచి ఈసారి చంద్రబాబు ఒక్కరే!
TDP అధినేత చంద్రబాబు 24మందితో కూడిన తన మంత్రి వర్గాన్ని ప్రకటించారు. అయితే ఉమ్మడి చిత్తూరు జిల్లాలో చంద్రబాబు మినహా ఎవరికీ మంత్రి పదవి దక్కలేదు. ఉమ్మడి జిల్లాలో 14 నియోజకవర్గాలకు 11 టీడీపీ, ఒకటి జనసేన, రెండు వైసీపీ గెలిచింది. కుప్పం నుంచి గెలిచిన చంద్రబాబు సీఎంగా ప్రమాణ స్వీకారం చేయనున్న విషయం తెలిసిందే. కాగా గత ప్రభుత్వంలో జిల్లా నుంచి పెద్దిరెడ్డి, రోజా, నారాయణస్వామి మంత్రులుగా చేయడం తెలిసిందే.
News June 12, 2024
SPMVV: PGలో ప్రవేశాలకు దరఖాస్తులు ఆహ్వానం
శ్రీ పద్మావతి మహిళా విశ్వవిద్యాలయం (SPMVV) పీజీ (PG) M.Sc బయోటెక్నాలజీ కోర్సులో ప్రవేశాలకు దరఖాస్తులు ఆహ్వానిస్తున్నట్లు కార్యాలయం ప్రకటనలో పేర్కొంది. GAT-B 2024 ప్రవేశ పరీక్ష పాసైన అభ్యర్థులు అర్హులన్నారు. అర్హత, ఇతర వివరాలకు వెబ్ సైట్ చూడాలని సూచించారు. ఆన్లైన్ దరఖాస్తులకు చివరి తేదీ జూలై 15.
News June 12, 2024
తిరుపతి: హైవేపై రోడ్డు ప్రమాదం.. ఇద్దరు మృతి
పూతలపట్టు- నాయుడుపేట ప్రధాన రహదారిలోని పాకాల మండలం నేండ్రగుంట సమీపంలోని రాడార్ కేంద్రం వద్ద రోడ్డు ప్రమాదం చోటు చేసుకుంది. ముందు వెళుతున్న కంటైనర్‌ను కారు ఢీకొట్టింది. ఈ ప్రమాదంలో ఉత్తరప్రదేశ్‌కు చెందిన ఓ మహిళ, మరో వ్యక్తి మృతి చెందగా బాలుడికి తీవ్ర గాయాలు అయ్యాయి. బెంగళూరు నుంచి తిరుమలకు శ్రీవారి దర్శనం కోసం వస్తున్న కుటుంబంగా భావిస్తున్నారు. వివరాలు తెలియాల్సి ఉంది.
News June 12, 2024
నేడు తిరుమలకు చంద్రబాబు
సీఎంగా ప్రమాణ స్వీకారం చేసిన అనంతరం తిరుమలకు కుటుంబ సభ్యులతో కలిసి బుధవారం చంద్రబాబు రానున్నారు. బుధవారం రాత్రి తిరుమలకు చేరుకొని గాయత్రి నిలయం అతిథి భవనంలో బసచేయనున్నారు. గురువారం ఉదయం శ్రీవారిని దర్శించుకొనున్నారు. 9 గంటలకు తిరుమలలో నుంచి అమరావతికి తిరిగి బయలుదేరనున్నారు. ఈ సందర్భంగా టిటిడి అధికారులు విస్తృత ఏర్పాట్లు చేస్తున్నారు.
News June 12, 2024
చిత్తూరు జిల్లా నేతలకు నిరాశే
నూతన మంత్రివర్గంలో చిత్తూరు జిల్లా నుంచి చంద్రబాబు మాత్రమే సీఎం హోదాలో ప్రాతినిధ్యం వహించనున్నారు. మిగిలిన ఎవరికీ మంత్రి పదవులు దక్కలేదు. సీనియర్ కోటాలో పలమనేరు ఎమ్మెల్యే అమర్నాథ్ రెడ్డి, ఎస్సీ కోటాలో జీడీనెల్లూరు, పూతలపట్టు ఎమ్మెల్యేలు థామస్, మురళి మోహన్ పేర్లు వినిపించాయి. అలాగే పీలేరు ఎమ్మెల్యే నల్లారి కిషోర్ పేరు తెరపైకి వచ్చినా.. ఎవరికీ పదవులు ఇవ్వలేదు.
News June 12, 2024
విద్యుత్ వెలుగుల్లో చిత్తూరు ప్రభుత్వ కార్యాలయాలు
సీఎంగా చంద్రబాబు బుధవారం ప్రమాణ స్వీకారం చేయనున్న నేపథ్యంలో జిల్లా వ్యాప్తంగా అన్ని ప్రభుత్వ కార్యాలయాలు నూతన శోభను సంతరించుకున్నాయి. అధికారులు ప్రభుత్వ కార్యాలయాలను విద్యుత్ దీపాలతో అలంకరించారు. మరోవైపు ఇప్పటికే పలు ప్రాంతాలలో చంద్రబాబు ప్రమాణ స్వీకారాన్ని ప్రత్యక్ష ప్రసారం చేయడానికి అధికారులు అన్ని ఏర్పాట్లు పూర్తి చేశారు.
Featured News
Sorry, no posts matched your criteria.