India's largestHyperlocal short
news App
Get daily news updates that are tailored for you based on your preferred language & location.
download Way2News app now
Chittoor
News April 9, 2024
మదనపల్లె: అప్పుల బాధతో చేనేత కార్మికుడు ఆత్మహత్య
అప్పుల బాధ తాళ లేక చేనేత కార్మికుడు ఉరేసుకుని ఆత్మహత్య చేసుకుని ప్రాణాలు తీసుకున్నాడు. ఉగాది పండుగ రోజు ఆ కుటుంబంలో తీవ్ర విషాదాన్ని నింపాడు. 2టౌన్ పోలీసుల కథనం… మదనపల్లె, నీరుగట్టువారిపల్లి, మాయబజార్లో కాపురం ఉంటున్న చేనేత కార్మికుడు జి.మల్లికార్జున(42) భార్య మాధవి, ముగ్గురు కూతుళ్లు ఉన్నారు. ముగ్గురు కూతుళ్లకు అప్పు చేసి పెళ్లిళ్లు చేశాడు. దీంతో అప్పుల బాధ తాళలేక ఆత్మహత్య చేసుకున్నాడు.
News April 9, 2024
చిత్తూరు: వేడెక్కిన నగరం.. రహదారులు ఖాళీ
చిత్తూరు నగరం మండే ఎండలతో వేడెక్కింది. సోమవారం ఉదయం 11 గంటలు దాటగానే చాలా రహదారులు ఖాళీగా దర్శనమిచ్చాయి. సోమవారం అత్యధికంగా తవణంపల్లెలో 42.3, నిండ్రలో 42.2 డిగ్రీల ఉష్ణోగ్రతలు నమోదయ్యాయి. మండలాల వారీగా.. నగరిలో 41.6, విజయపురంలో 41.6, శ్రీరంగరాజపురంలో 41.4, పుంగనూరులో 40.4, సోమలలో 40.1, బంగారుపాళ్యంలో 39.9, పాలసముద్రంలో 39.9, కార్వేటినగరంలో 39.8, గుడిపాలలో 39.7, సదుంలో 39.7 నమోదయింది.
News April 9, 2024
చిత్తూరు: రాజకీయ పార్టీలకు ఎస్పీ సూచనలు
ఇంటింటి ప్రచారం కోసం ముందస్తుగా పోలీసు అధికారులకు సమాచారం అందించాలని రాజకీయ పార్టీలకు ఎస్పీ మణికంఠ సూచించారు. ఎన్నికల ప్రచార సమయంలో బాణసంచా ఉపయోగించరాదన్నారు. పోస్టాఫీసులు, బ్యాంకుల నుంచి నగదును ఇతర పోస్టాఫీసులు, బ్యాంకులకు తరలిస్తుంటే ఆయా రిటర్నింగ్‌ అధికారులకు ముందస్తు సమాచారం అందించాలన్నారు. ఈ సమావేశంలో జేసీ శ్రీనివాసులు, డీఆర్వో పుల్లయ్య, వివిధ బృందాల అధికారులు,నోడల్‌ ఆఫీసర్లు పాల్గొన్నారు.
News April 9, 2024
పలమనేరు: తాళిబొట్టుతో మాంత్రికుడు పరార్
పలమనేరు పట్టణ పరిధిలోని గంటావూరు కాలనీలో ఇద్దరి మధ్య సఖ్యత కుదిర్చి మనశ్శాంతి ఉండేలా చేయాలని జ్యోతి కర్ణాటక ప్రాంతంలోని ఓ మాంత్రికుడ్ని ఆశ్రయించారు. మాంత్రికుడు ఇంటికి వచ్చి ఆమె మెడలోని తాళిబొట్టుకు పూజలు చేయాలని తీసుకున్నాడు. ఒక చెంబులో ఉంచి పూజలు చేశాడు. రోజంతా దేవుని చిత్రపటం వద్ద ఉంచాలన్నాడు. చెంబు తెరిచి చూడగా అందులో 20 గ్రాముల బంగారు తాళిబొట్టు లేకపోవడంతో పోలీసులకు ఫిర్యాదు చేసింది.
News April 8, 2024
చిత్తూరు: ఇద్దరు మహిళలకే అవకాశం
ఉమ్మడి చిత్తూరు జిల్లాలో 14 MLA, 3 ఎంపీ సీట్లు ఉన్నాయి. ప్రధాన పార్టీల నుంచి ఇద్దరు మహిళలు మాత్రమే బరిలో ఉన్నారు. వైసీపీ జీడీ నెల్లూరు MLA అభ్యర్థిగా కృపాలక్ష్మి, నగరి అభ్యర్థిగా రోజా పోటీ చేయనున్నారు. టీడీపీ, బీజేపీ, జనసేన కూటమిలో మహిళకు అవకాశం దక్కలేదు. గతంలో గల్లా అరుణ కుమారి నాలుగు సార్లు, గుమ్మడి కుతూహలమ్మ ఐదు సార్లు కాంగ్రెస్ ఎమ్మెల్యేలుగా ఎన్నికయ్యారు. మూడు సార్లు మంత్రులుగా పనిచేశారు.
News April 8, 2024
19న కాణిపాకం హుండీల లెక్కింపు
ప్రసిద్ధ పుణ్యక్షేత్రమైన కాణిపాకం శ్రీవరసిద్ధి వినాయక స్వామి ఆలయ హుండీ కానుకలను ఈనెల 19న లెక్కించనున్నట్లు దేవస్థానం ఛైర్మన్ మోహన్ రెడ్డి, ఈఓ వెంకటేశు తెలిపారు. ఉదయం 7 గంటలకు ఆలయ ఆస్థాన మండపంలో నిర్వహించే హుండీ కానుకల లెక్కింపునకు ఆలయ అధికారులు, సిబ్బంది హజరు కావాలని కోరారు.
News April 8, 2024
చిత్తూరు: నిన్న వైసీపీలోకి.. నేడు టీడీపీలోకి
గుడిపల్లి : మండల పరిధిలోని గుండ్ల సాగరం పంచాయతీ పరిధిలో ఆదివారం చిత్తూరు ఎమ్మెల్సీ భరత్ సమక్షంలో వైసీపీలో చేరిన టీడీపీ శ్రేణులు 24 గంటలు గడవక ముందే మళ్లీ యూ టర్న్ తీసుకున్నారు. గుండ్ల సాగరం గ్రామానికి చెందిన పది కుటుంబాలు సోమవారం ఎమ్మెల్సీ కంచర్ల శ్రీకాంత్ సమక్షంలో సొంత గూటికి చేరారు. కుప్పం నియోజకవర్గంలో ఇలా 24 గంటలు గడవక ముందే నేతలు సొంతగూటికి చేరుతుండడం రాజకీయంగా చర్చనీయంగా మారింది.
News April 8, 2024
REWIND.. రికార్డు సృష్టించిన గల్లా అరుణకుమారి
చంద్రగిరి నియోజకవర్గం నుంచి గల్లా అరుణకుమారి ఆరుసార్లు పోటీ చేసి నాలుగుసార్లు గెలిచారు. 1989 కాంగ్రెస్ నుంచి పోటీచేసి NRJ నాయుడుపై గెలిచారు. 1994లో పోటీ చేసి N రామ్మూర్తి నాయుడు చేతిలో ఓడిపోయారు. 1999,2004,2009లో మూడుసార్లు వరుసగా గెలిచి హ్యాట్రిక్ సాధించి రికార్డు సృష్టించారు. 2014లో పోటీచేసి చెవిరెడ్డి భాస్కర్ రెడ్డి చేతిలో ఓడిపోయారు. ఈమె మూడుసార్లు మంత్రిగా పని చేశారు.
News April 8, 2024
తిరుపతి: ఈ మండలాల ప్రజలకు రెడ్ అలర్ట్
తిరుపతి జిల్లాలో పలు మండలాల ప్రజలకు వాతావరణశాఖ హెచ్చరికలు జారీ అప్రమత్తంగా ఉండాలని సూచించింది. నాగలాపురం 40, KVB.పురం 40,నారాయణవనం 42,పాకాల 42,పుత్తూరు 42,చిన్నగొట్టిగల్లు 42, BN.కండ్రిగ 42,పిచ్చాటూరు 43,చంద్రగిరి 42, తొట్టంబేడు 43,తిరుపతి రూరల్ 42,సత్యవేడు 40,రేణిగుంట 41,రామచంద్రాపురం 42,తిరుపతి అర్బన్ 42,వడమాలపేట 42,వరదయ్యపాలెం 39, ఏర్పేడు 40,ఎర్రావారిపాళెం 42 42 డిగ్రీల ఉష్ణోగ్రతలు నమోదయ్యాయి.
News April 7, 2024
చిత్తూరు: ఎంపీపీపై మరోసారి దాడి
ఉమ్మడి చిత్తూరు జిల్లా బి.కొత్తకోట ఎంపీపీ లక్ష్మీనరసమ్మపై <<13008228>>వాలంటీర్ <<>>ఆదివారం రెండోసారి దాడి చేశాడు. బాధితురాలి వివరాల మేరకు.. బుచ్చిరెడ్డిపల్లికి చెందిన వాలంటీర్ నరేశ్ గ్రామంలో చెట్లు నరికేశాడని ఎంపీపీ లక్ష్మీనరసమ్మ పోలీసులకు ఫిర్యాదు చేశారు. దీంతో వాలంటీరు ఆమె కుటుంబ సభ్యులపై శనివారం దాడి చేసి గాయపరిచాడు. ఆమె పోలీసులకు ఫిర్యాదు చేశారు. ఇవాళ ఎంపీపీ తన ఇంట్లో ఒంటరిగా ఉండడంతో మరోమారు దాడి చేశాడు.
Featured News
Sorry, no posts matched your criteria.