India's largestHyperlocal short
news App
Get daily news updates that are tailored for you based on your preferred language & location.
download Way2News app now
Chittoor
News June 25, 2024
పలమనేరులో సందడి చేసిన ‘వృషభ’ సినీ బృందం
పెద్దపంజాణి మండలం ముత్తుకూరు పరిసర ప్రాంతాల్లో ‘వృషభ’ సినిమా షూటింగ్ సోమవారం ఉదయం నుంచి రాత్రి వరకు జరిగింది. చిత్రంలో నటించిన పలువురు జూనియర్, సీనియర్ నటులను చూసేందుకు గ్రామస్థులు ఆసక్తి కనబరిచారు. కాగా పలమనేరు నియోజకవర్గంలో గత కొన్నిరోజుల నుంచి వరుస షూటింగ్లు జరుగుతుండడంతో సందడి నెలకొంది. నిర్మాత ఉమాశంకర్ రెడ్డి మాట్లాడుతూ.. పలమనేరులో లొకేషన్స్ బాగుంటాయని కితాబు ఇచ్చారు.
News June 24, 2024
తిరుమలకు చేరుకున్న శ్రీలీల
వేంకటేశ్వర స్వామివారి దర్శనార్థం సినీనటి శ్రీలీల సోమవారం రాత్రి తిరుమలకు చేరుకున్నారు. ముందుగా ఆమె కుటుంబ సభ్యులతో కలిసి జీఎంఆర్ అతిథి భవనానికి వచ్చారు. రాత్రికి ఇక్కడే బస చేసి మంగళవారం వేకువజామున అష్టదళ పాద పద్మారాధన సేవలో పాల్గొని స్వామివారిని దర్శించుకోనున్నారు.
News June 24, 2024
కుప్పం మున్సిపల్ ఛైర్మన్‌కు అందని ఆహ్వానం
సీఎం చంద్రబాబు రెండు రోజులు కుప్పం నియోజకవర్గంలో పర్యటించనున్నారు. ఈక్రమంలో బుధవారం నియోజకవర్గ పరిధిలోని అధికారులతో సమావేశం కానున్నారు. ఇవన్నీ ప్రభుత్వ కార్యక్రమాలే. కుప్పం ప్రథమ పౌరుడి హోదాలో మున్సిపల్ ఛైర్మన్ సుధీర్‌కు ఆహ్వానం అందాల్సి ఉంది. కానీ తనకు అధికారికంగా ఎలాంటి ఆహ్వానం అందలేదని ఛైర్మన్ సుధీర్ వెల్లడించారు. ఇది కాస్త చర్చనీయాంశంగా మారింది.
News June 24, 2024
కుప్పానికి తిరిగి వచ్చిన బస్సులు
కుప్పం ఆర్టీసీ డిపోలో ఒకప్పుడు 118 బస్సులు ఉండేవి. జిల్లాలో కొత్తగా ఏర్పడిన పుంగనూరుతో పాటు ఇతర డిపోలకు కుప్పం బస్సులు తీసుకెళ్లారు. ఇటీవల చంద్రబాబు సీఎంగా బాధ్యతలు స్వీకరించడంతో వివిధ ప్రాంతాలకు తరలించిన బస్సులను తిరిగి కుప్పానికి తీసుకు వచ్చారు. ఈక్రమంలో 55 బస్సులు ఇవాళ తిరిగి కుప్పం రావడంతో టీడీపీ నాయకులు సంబరాలు చేసుకున్నారు. చంద్రబాబుకు కృతజ్ఞతలు తెలుపుతూ ఆయన చిత్రపటానికి పాలాభిషేకం చేశారు.
News June 24, 2024
చిత్తూరు: టీ, బిస్కెట్లకే రూ.35 లక్షలు..!
చిత్తూరు ZP సమావేశాల్లో ప్రజాధనాన్ని మంచినీళ్లలా ఖర్చు చేసినట్లు ఆరోపణలు వస్తున్నాయి. ఒక్కో సమావేశంలో టీ, బిస్కెట్లు, వాటర్ బాటిళ్లు, డ్రైఫూట్స్‌కు రూ.2 లక్షలకు పైగా ఖర్చు చేశారు. ఈ ఏడాది జనవరి సమావేశంలో ఏకంగా రూ.7.45 లక్షలు వాటికే వినియోగించారు. ఇలా 7 సమావేశాలకు రూ.35.61 లక్షల బిల్లులు పెట్టారు. ఈ తరహా ఖర్చులకు జనరల్ ఫండ్ నుంచి 15% వినియోగించాలని నిబంధన ఉండగా.. ఉల్లంఘించారని విచారణలో తేలింది.
News June 24, 2024
బి.కొత్తకోట: చేపల వేటకు వెళ్లి రైతు మృతి
ఆలేటి వాగుకు చేపల వేటకు వెళ్లి రైతు మృతి చెందాడని బి.కొత్తకోట సీఐ సూర్యనారాయణ తెలిపారు. పీటీఎం మండలం, రాపూరివాండ్లపల్లె గ్రామం, ఉప్పరవాండ్లపల్లెకు చెందిన రైతు ఎస్.నాగరాజ(50)శనివారం చేపలవేటకు బి.కొత్తకోట మండలంలోని ఆలేటివాగుకు వెళ్లాడు. చేపలు వేటాడుతుండగా పొర పాటున వాగులోపడి మృతి చెందాడు. సోమవారం స్థానికులు గుర్తించి పోలీసులకు సమాచారం అందించగా వెలికితీసి కేసు దర్యాప్తు చేస్తున్నారు.
News June 24, 2024
కుప్పంలో చంద్రబాబు పర్యటన.. భారీ ఎత్తున వైసీపీ నేతల చేరిక?
ముఖ్యమంత్రి నారా చంద్రబాబు నాయుడు కుప్పంలో రెండు రోజుల పర్యటన నిమిత్తం మంగళవారం రానున్నారు. ఈ సమయంలో వైసీపీ నుంచి భారీ ఎత్తున ఎంపీటీసీలు, సర్పంచులు, మున్సిపల్ కౌన్సిలర్లు భారీ ఎత్తున పార్టీ మారనున్నట్లు చర్చ జరుగుతుంది. ఇప్పటికే పలువురు వైసీపీ నాయకులు టీడీపీ ఎమ్మెల్సీ కంచర్ల శ్రీకాంత్‌తో పార్టీ మారడంపై స్పష్టత ఇచ్చినట్లు తెలుస్తోంది.
News June 24, 2024
మిస్సెస్ ఇండియా పోటీల్లో అదరగొట్టిన తిరుపతి మహిళ
బెంగళూరు కేంద్రంగా జరిగిన మిస్సెస్ ఇండియా పోటీల్లో తిరుపతి వాసి సత్తా చాటింది. జైపూర్‌కు చెందిన స్టార్‌లైట్ సంస్థ ఆధ్వర్యంలో ఇటీవల మిస్సెస్ ఇండియా పోటీలు జరిగాయి. ఇందులో భాగంగా తిరుపతి నగరానికి చెందిన పుష్ప పోటీల్లో పాల్గొని ద్వితీయ స్థానంలో నిలిచారు. వృత్తిరీత్యా సాఫ్ట్‌వేర్ ఇంజినీర్ అయిన పుష్ప ఫ్యాషన్ రంగంలో ఆసక్తితో ఈ పోటీల్లో పాల్గొని అదరగొట్టారు. ఆమెను పలువురు జిల్లా వాసులు అభినందించారు.
News June 24, 2024
చిత్తూరు: భారీగా పెరుగుతున్న టమాటా ధర
చిత్తూరు జిల్లాలోని మార్కెట్లలో టమాట ధర రోజురోజుకీ పెరుగుతోంది. టమాట మార్కెట్లో గత పది రోజులుగా ధరలు పెరుగుతూ ప్రస్తుతం 14 కిలోల బాక్సు ధర రూ.1000 నుంచి రూ.1090కి చేరుకుంది. బయటి రాష్ట్రాల నుంచి వ్యాపారులు జిల్లాలోని మార్కెట్లకు తరలి వస్తుండడం, ఇదే సమయంలో కర్ణాటక, మహారాష్ట్ర, తమిళనాడు రాష్ట్రాల్లో పంట లేకపోవడంతో ధరల పెరుగుదలకు కారణమైందని వ్యాపారులు చెబుతున్నారు.
News June 24, 2024
శ్రీకాళహస్తి: లారీ ఢీకొని జూనియర్ లైన్‌మెన్ స్పాట్ డెడ్
లారీ ఢీకొనడంతో విద్యుత్తు శాఖలో జూనియర్ లైన్‌మెన్‌గా పనిచేస్తున్న హేమంత్ దుర్మరణం చెందారు. భాస్కరపేటలో నివాసముంటున్న హేమంత్ ఆదివారం మిట్టకండ్రిగలోని సొంతింటికి వెళ్లి రాత్రి బైకుపై భార్య దివ్యతో కలిసి బయలుదేరారు. హౌసింగుబోర్డు కాలనీ వద్ద బైకును వెనుక నుంచి లారీ ఢీకొంది. ఈ ప్రమాదంలో హేమంత్ అక్కడికక్కడే మృతి చెందగా, భార్యకు తీవ్ర గాయాలయ్యాయి. పోలీసులు కేసు నమోదు చేశారు.
Featured News
Sorry, no posts matched your criteria.