India's largestHyperlocal short
news App
Get daily news updates that are tailored for you based on your preferred language & location.
download Way2News app now
Chittoor
News June 22, 2024
చిత్తూరు కలెక్టర్‌గా సుమిత్ కుమార్
చిత్తూరు జిల్లా కలెక్టర్‌గా సుమిత్ కుమార్‌ని నియమిస్తూ ఉత్తర్వులు వెలువడ్డాయి. రాష్ట్ర వ్యాప్తంగా 18 మంది ఐఏఎస్ అధికారులను బదిలీ చేస్తూ చీఫ్ సెక్రటరీ నీరబ్ కుమార్ ప్రసాద్ ఉత్తర్వులు జారీ చేశారు. చిత్తూరు కలెక్టర్ సగిలి సన్మోహన్‌ను కాకినాడ కలెక్టర్‌గా బదిలీ చేశారు. పశ్చిమ గోదావరి కలెక్టర్ సుమిత్ కుమార్ చిత్తూరు జిల్లాకు బదిలీ అయ్యారు.
News June 22, 2024
తిరుమలకు చేరుకున్న హోం మంత్రి అనిత
శ్రీ వెంకటేశ్వర స్వామి దర్శనార్థం శనివారం రాత్రి హోం శాఖ మంత్రి అనిత తిరుమల చేరుకున్నారు. ముందుగా పద్మావతి సమీపంలో ఉన్న శ్రీ కృష్ణ అతిథి గృహం వద్ద హోం మంత్రికి రిసెప్షన్ అధికారి భాస్కర్, ఓఎస్డి సత్రా నాయక్ స్వాగతం పలికి బస ఏర్పాటు చేశారు. అనంతరం ఆమె రాత్రి తిరుమలలో బస చేసి ఆదివారం ఉదయం నైవేద్యం సమయంలో కుటుంబ సభ్యులతో కలిసి స్వామివారిని దర్శించుకోనున్నారు.
News June 22, 2024
తిరుపతి: హోమ్ మినిస్టర్ పర్యటనలో అపశ్రుతి!
హోంమినిస్టర్‌ వంగలపూడి అనితను కలవడానికి వచ్చిన బీజేపీ నాయకుడు గాయపడినట్లు సమాచారం. తిరుమల దర్శనార్థం హోం మినిస్టర్ వెళ్తుండగా అలిపిరి గరుడ సర్కిల్ వద్ద తిరుపతి పట్టణానికి చెందిన బీజేపీ నాయకుడు ప్రభాకర్ నాయుడు వంగలపూడి అనితను సన్మానించడానికి వచ్చారు. కాన్వాయ్ లోని ఓ వాహనం దూసుకురావడంతో గాయపడడంతో రుయా ఆసుపత్రికి తరలించినట్లు సమాచారం.
News June 22, 2024
పుంగనూరు: ముగ్గురికి షోకాజ్ నోటీసులు
ఎంపీడీవో కార్యాలయంలో కాంట్రాక్ట్ ఉద్యోగి రూ.1.36 కోట్ల నిధులను స్వాహా చేసిన సంగతి తెలిసిందే. గతంలో ఎంపీడీవోలుగా విధులు నిర్వహిస్తూ.. బాధ్యులైన రామనాథరెడ్డి, నారాయణ, ఏవో రాజేశ్వరికి షోకాజు నోటీసులు జారీ చేయాలని జడ్పీ సీఈవో గ్లోరియా ఆదేశించారు. దీంతో ఎంపీడీవో వెంగమునిరెడ్డి నోటీసులు జారీ చేసినట్టు తెలిపారు. వివరణ అనంతరం చర్యలు తీసుకుంటామని చెప్పారు.
News June 22, 2024
సీఎం కుప్పం పర్యటనను విజయవంతం చెయ్యండి
ఈనెల 25, 26వ తేదీలలో ముఖ్యమంత్రి నారా చంద్రబాబు నాయుడు కుప్పం పర్యటన విజయవంతం చేయాలని కలెక్టర్ షణ్మోహన్ తెలిపారు. ఈ నేపథ్యంలో ఇందుకు సంబంధించిన ఏర్పాట్లపై సంబంధిత శాఖల అధికారులతో కలెక్టర్ సమావేశం నిర్వహించారు. ఈ సమావేశంలో జాయింట్ కలెక్టర్ పి.శ్రీనివాసులు, డిఆర్ఓ బి.పుల్లయ్య, డ్వామా పీడీ ఎన్.రాజశేఖర్ సంబంధింత అధికారులు పాల్గొన్నారు.
News June 22, 2024
కుప్పం : విద్యుత్ స్తంభాన్ని ఢీకొన్న కారు
అదుపుతప్పి కారు విద్యుత్ స్తంభాన్ని ఢీకొట్టిన ఘటన కుప్పంలో చోటుచేసుకుంది. కుప్పం – క్రిష్ణగిరి జాతీయ రహదారిలోని తంబిగానిపల్లి వద్ద కారు అదుపుతప్పి రోడ్డు పక్కన ఉన్న విద్యుత్ స్తంభాన్ని ఢీకొంది. ఈ ఘటనలో విద్యుత్ స్తంభం ముక్కలు కాగా.. అదృష్టవశాత్తు విద్యుత్ వైర్లు తెగిపడలేదు. కాగా ప్రమాదంలో కారులో ఉన్నవారు స్వల్పంగా గాయపడినట్లు తెలిసింది.
News June 22, 2024
కుప్పంలో చంద్రబాబు పర్యటన షెడ్యూల్ ఇలా..!
ఈనెల 25న సీఎం చంద్రబాబు మధ్యాహ్నం 12:30 గంటలకు పీఈఎస్ మెడికల్ కళాశాలకు చేరుకుంటారు. పట్టణంలో ఒంటిగంటకు అన్న క్యాంటీన్ ప్రారంభిస్తారు. 1.30 గంటలకు ఆర్టీసీ బస్టాండ్ సమీపంలో బహిరంగ సమావేశంలో మాట్లాడుతారు. 3:30 కి పీఈఎస్ ఆడిటోరియంలో జిల్లా, నియోజకవర్గస్థాయి అధికారులతో సమీక్షిస్తారు. సాయంత్రం 6 గంటలకు ఆర్ & బి గెస్ట్ హౌస్‌లో నిర్వహించే సమావేశంలో పాల్గొంటారు.
News June 22, 2024
రోడ్డు ప్రమాదంలో తిరుపతి వాసులు ఇద్దరు మృతి
తిరువన్నామలై దర్శనం కోసం వెళ్తున్న తిరుపతిలోని సుబ్బారెడ్డి నగర్, రెడ్డిగుంటకు చెందిన భక్తుల బృందానికి రోడ్డు ప్రమాదం చోటు చేసుకుంది. ఈ ప్రమాదంలో ఇద్దరు మృతి చెందినట్లు సమాచారం. మరో ఎనిమిది మంది గాయాలయి తిరువన్నామలై ఆసుపత్రిలో చికిత్స పొందుతున్నట్టు ప్రాథమిక సమాచారం. మరిన్ని విషయాలు తెలియాల్సి ఉంది.
News June 22, 2024
కురబలకోటలో భార్యను హత్య చేసిన భర్త
భార్యను భర్త కిరాతకంగా హత్య చేసిన దారుణ ఘటన శనివారం కురబలకోట మండలంలో జరిగింది. పోలీసుల కథనం మేరకు.. మండలంలోని లక్కసముద్రం గ్రామం, మేకలవారిపల్లెకు చెందిన లక్ష్మిరెడ్డి రాత్రి మద్యం తాగొచ్చి భార్యతో గొడవపడ్డాడు. ఆగ్రహించిన భర్త భార్యను కొడవలితో అతి కిరాతకంగా నరికి చంపేశాడు. విషయం తెలుసుకున్న ముదివేడు పోలీసులు ఘటన స్థలానికి వెళ్లి పరిశీలించారు. పూర్తి వివరాలు తెలియాల్సి ఉంది.
News June 22, 2024
తిరుపతి : దరఖాస్తులకు గడువు పొడిగింపు
తిరుపతి శ్రీవేంకటేశ్వర వేదిక్ యూనివర్సిటీలో 2024-25 విద్యా సంవత్సరానికి శాస్త్రి, ఆచార్య, డిప్లొమా, సర్టిఫికెట్ మొదలైన 21 విభాగాల్లో ప్రవేశాలకు దరఖాస్తు గడువు ఈనెల 30వ తేదీ వరకు పొడిగించినట్లు రిజిస్ట్రార్ రాఘవేంద్ర త్రిపాఠి పేర్కొన్నారు. అర్హత, ఇతర వివరాలకు svvedicuniversity.ac.in వెబ్‌సైట్ చూడాలని సూచించారు. ఆన్ లైన్ దరఖాస్తులకు చివరి తేదీ జూన్ 30.
Featured News
Sorry, no posts matched your criteria.