India's largestHyperlocal short
news App
Get daily news updates that are tailored for you based on your preferred language & location.
download Way2News app now
Chittoor
News June 9, 2024
శ్రీవారి సర్వదర్శనానికి 12 గంటల సమయం
కలియుగ వైకుంఠం తిరుమలలో భక్తుల రద్దీ కొనసాగుతోంది. శ్రీవారి దర్శనం కోసం 22 కంపార్ట్మెంట్లలో భక్తులు వేచియున్నారు. శ్రీనివాసుని సర్వదర్శనానికి 10-12 గంటల సమయం పడుతోంది. నిన్న శ్రీవారిని 79,398 మంది భక్తులు దర్శించుకున్నారు. 43,557 వేల మంది తలనీలాలు సమర్పించారు. శ్రీనివాసుని హుండీకి శనివారం రూ.2.90 కోట్ల ఆదాయం వచ్చిందని టీటీడీ ఆదివారం వెల్లడించింది
News June 9, 2024
తిరుపతి: PG కోర్సుల్లో దరఖాస్తులకు రేపు చివరి తేదీ
జాతీయ సంస్కృత యూనివర్సిటీ (NSU)లో 2024-25 విద్యా సంవత్సరానికి పీజీ (PG) ఆచార్య, ఎంఏ శబ్ద బోధ, ఎంఏ హిందీ, ఎమ్మెస్సీ యోగ థెరపి, ఎమ్మెస్సీ కంప్యూటర్ సైన్స్ కోర్సులలో ప్రవేశాలకు దరఖాస్తు గడువు సోమవారంతో ముగియనుంది. CUET ప్రవేశ పరీక్ష పాసైన అభ్యర్థులు అర్హులన్నారు. మరిన్ని వివరాలకు https://nsktu.ac.in వెబ్ సైట్ చూడగలరు. ఆన్‌లైన్ దరఖాస్తులకు చివరి తేదీ జూన్ 10.
News June 9, 2024
పెద్దిరెడ్డి విదేశాలకు పారిపోకుండా చూడాలి: MLA
మాజీ మంత్రి పెద్దిరెడ్డి రామచంద్రా రెడ్డిపై సత్యవేడు ఎమ్మెల్యే కోనేటి ఆదిమూలం సంచలన వ్యాఖ్యలు చేశారు. ‘సత్యవేడు నియోజకవర్గంలో ఖనిజ సంపదను పెద్దిరెడ్డి దోచేశారు. ఆయన విదేశాలకు పారిపోకుండా పాస్ పోర్టు రద్దు చేయాలి. ఆయన అవినీతిపైన ప్రశ్నించినందుకే నాకు సత్యవేడు ఎమ్మెల్యే టికెట్ ఇవ్వలేదు. చంద్రబాబు నన్ను అక్కున చేర్చుకుని టికెట్ ఇవ్వడంతో గెలిచాను’ అని ఆదిమూలం అన్నారు.
News June 9, 2024
రేణిగుంట సబ్ రిజిస్ట్రార్‌పై సస్పెన్షన్ వేటు
రేణిగుంట సబ్ రిజిస్ట్రార్‌ శోభారాణిపై సస్పెన్షన్ వేటు పడింది. గతంలో ఆమె రూ. 21,53,110వరకు నగదు అవకతవకలు పాల్పడినట్లు ఆరోపణలు ఉన్నాయి. విచారణ జరిపించిన ఉన్నతాధికారులు శోభారాణి పాత్ర ఉందని తేలడంతో ఆమెపై రిజిస్ట్రేషన్ అండ్ స్టాంపుల శాఖ డిప్యూటీ ఇన్‌స్పెక్టర్ జనరల్ చర్యలు తీసుకున్నారు.
News June 9, 2024
ప్రజలు మార్పు కోరుకున్నారు: చెవిరెడ్డి
గత 5 ఏళ్లలో చంద్రగిరిలో ఎలాంటి అల్లర్లు జరగలేదని చెవిరెడ్డి మోహిత్ రెడ్డి అన్నారు. గెలిచిన వారు ఇలా దౌర్జన్యాలు చేస్తే ఎలాగని ప్రశ్నించారు. ‘అభివృద్ధిలో దేశానికి చంద్రగిరి ఆదర్శంగా నిలవడానికి రూ.950 కోట్లతో పనులు చేశా. 1600 KM పాదయాత్ర చేసి ప్రజల కష్టాలు తెలుసుకున్నా. కానీ మార్పు కోరి TDPకి అవకాశం ఇచ్చారు. వారి తీర్పును గౌరవిస్తున్నా. నాకు లక్ష ఓట్లు వేశారు. వాళ్లు అందరికీ పాదాభివందనం’ అన్నారు.
News June 9, 2024
తిరుమల అడిషనల్ ఎస్పీ వెంటనే పోలీస్ హెడ్ క్వార్టర్స్‌లో రిపోర్ట్ చేయాలి
తిరుమల అడిషనల్ ఎస్పీ గా విధులు నిర్వహిస్తున్న యం శివరామి రెడ్డిని ఆకస్మికంగా బదిలీ చేశారు. ఆయనను వెంటనే పోలీస్ హెడ్ క్వార్టర్స్‌లో రిపోర్ట్ చేయాలంటూ డీజీపీ ఉత్తర్వులు విడుదల చేశారు. అడిషనల్ ఎస్పీని వెంటనే పంపాలని, మరొకరిని ప్రత్నాయంగా ఏర్పాటు చేసుకోవాలని తిరుపతి ఎస్పీకి సూచించారు. ఈ ఉత్తర్వులపై బదిలీ చేశారా.. ఏదైన చర్యలు తీసుకుంటారా అనేది తెలియాల్సి ఉంది.
News June 8, 2024
TPT: SV యూనివర్సిటీ నుంచి రామోజీరావుకు డాక్టరేట్
తిరుపతి : మీడియా మొగల్, రామోజీ గ్రూప్స్ సంస్థ అధినేత రామోజీరావు శనివారం తుదిశ్వాస విడిచిన సంగతి తెలిసిందే. ఆయన తన జీవిత ప్రస్థానంలో అనేక పురస్కారాలు, గౌరవ డాక్టరేట్లు అందుకున్నారు. ఇందులో భాగంగా 1989వ సంవత్సరం తిరుపతిలోని శ్రీ వెంకటేశ్వర విశ్వవిద్యాలయం రామోజీరావుకు గౌరవ డాక్టరేట్ ను అందజేసింది.
News June 8, 2024
తిరుపతి: పదవులకు చెవిరెడ్డి మోహిత్ రెడ్డి రాజీనామా
తుడా ఛైర్మన్, టీటీడీ పాలక మండలి సభ్యుడి పదవికి చెవిరెడ్డి మోహిత్ రెడ్డి రాజీనామా చేశారు. తుమ్మల గుంటలోని వారి నివాసంలో మీడియా సమావేశం నిర్వహించారు. ఆయన మాట్లాడుతూ.. గత ఐదేళ్లలో ప్రజల కోసం కష్టపడ్డామని, 980 కోట్లరూపాయలతో చంద్రగిరి నియోజకవర్గంలో కనీస సౌకర్యాలు కల్పించామన్నారు. కరోనా కాలంలోనూ ప్రజలను ఆదుకున్నామని అన్నారు. పులివర్తి నానికి శుభాకాంక్షలు తెలియజేశారు.
News June 8, 2024
తిరుపతి : శ్రీ సిటీలో 50 ఉద్యోగాలు
శ్రీ సిటీలోని NS ఇన్స్ట్రుమెంట్స్ ఇండియా ప్రైవేట్ లిమిటెడ్ కంపెనీలో అసోసియేట్ ఉద్యోగాలకు దరఖాస్తులు ఆహ్వానిస్తున్నట్లు APSSDC తిరుపతి జిల్లా అధికారి లోకనాథం పేర్కొన్నారు. బీఎస్సీ, డిప్లమా, ఐటిఐ పూర్తి చేసిన, 26 సంవత్సరాల్లోపు అభ్యర్థులు అర్హులన్నారు. మొత్తం 50 ఖాళీలు ఉన్నట్లు తెలియజేశారు. ఆసక్తి కలిగిన వారు https://forms.gle/8wFL3GvvGZjLi4oA9 వెబ్ సైట్ లో దరఖాస్తు చేసుకోవాలన్నారు.
News June 8, 2024
రామోజీ మరణం తీరని లోటు: రోజా
రామోజీరావు మృతి నేపథ్యంలో ఆయనతో తనకు ఉన్న అనుబంధాన్ని మాజీ మంత్రి రోజా గుర్తు చేసుకున్నారు. ‘రామోజీరావు గారి మరణం సినీ, పాత్రికేయ రంగానికి తీరనిలోటు. ఉషాకిరణ్‌లో పని చేసిన నాటి రోజుల నుంచి ప్రతి ఇంట నవ్వులు పూయించిన జబర్దస్త్ వరకు వారితో ఉన్న నా అనుబంధాన్ని గుర్తు తెచ్చుకుంటున్నా. వారి పవిత్ర ఆత్మకి శాంతి కలగాలి. వారి కుటుంబానికి నా ప్రగాఢ సానుభూతి తెలియజేస్తున్నా.. Rip Sir’ అని ట్వీట్ చేశారు.
Featured News
Sorry, no posts matched your criteria.