India's largestHyperlocal short
news App
Get daily news updates that are tailored for you based on your preferred language & location.
download Way2News app now
Chittoor
News April 4, 2025
Dy.CM పవన్‌కు భూమన సవాల్
తిరుమల లడ్డూ నాణ్యత తమ ప్రభుత్వంలోనే పెరిగిందని వైసీపీ నేత భూమన అన్నారు. ఈ అంశంపై కూటమి నేతలు తమపై కావాలనే తప్పుడు ప్ర చారాలు చేశారని మండిపడ్డారు. కూటమి ప్రభుత్వంలో వీఐపీ దర్శనాల సంఖ్య రెట్టింపు అయ్యిందని ఆరోపించారు. మంత్రి లోకేశ్ పీఏ నుంచి అధికంగా లెటర్లు వస్తున్నాయన్నారు. వైసీసీ హయాంలో తప్పు జరిగిందో లేక కూటమి ప్రభుత్వంలో తప్పులు జరిగాయో చర్చకు తాము సిద్ధం అంటూ Dy.CM పవన్‌కు ఆయన సవాల్ విసిరారు.
News April 4, 2025
గుడిపల్లి: యువతిపై లైంగిక దాడి.. కేసు నమోదు
యువతిపై లైంగిక దాడికి పాల్పడ్డ వ్యక్తిపై కేసు నమోదు చేసినట్లు గుడిపల్లె ఎస్ఐ శ్రీనివాసులు తెలిపారు. రెండు రోజుల క్రితం సంతోశ్ ఓ యువతిని (18) ఆడుకుందామని నమ్మించి పొలం వైపు తీసుకెళ్లి అత్యాచారానికి ప్రయత్నించాడు. యువతి కేకలు వేయడంతో నిందితుడు అక్కడి నుంచి పారిపోయాడు. యువతి బంధువులు ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్ఐ తెలిపారు.
News April 4, 2025
చిత్తూరు: 32 మంది కార్యదర్శులకు నోటీసులు
ఆస్తి పన్ను వసూళ్లలో పురోగతి చూపించని 32 మంది ఉద్యోగులకు చిత్తూరు మున్సిపల్ కమిషనర్ నరసింహ ప్రసాద్ గురువారం షోకాజు నోటీసులు జారీ చేశారు. ఆస్తి పన్ను వసూళ్లలో రాష్ట్రంలో మున్సిపల్ కార్పొరేషన్ 10వ స్థానంలో నిలిచింది. పన్ను వసూళ్లలో సచివాలయంలో పనిచేస్తున్న పలువురు కార్యదర్శులు 75 శాతాన్ని చేరుకోలేదంటూ రెవెన్యూ విభాగం అధికారులు కమిషనర్‌కు నివేదిక అందించారు. దీని ఆధారంగా ఆయన నోటీసులు జారీ చేశారు.
News April 4, 2025
ఏప్రిల్ 30లోపు ప్రతిపాదనలు సిద్ధం చేయండి: కలెక్టర్
ప్రభుత్వ పాఠశాలలకు సంబంధించి ప్లే గ్రౌండ్, ప్రహరీ గోడల నిర్మాణానికి సంబంధించి ఏప్రిల్ 30వ తేదీలోపు ప్రతిపాదనలు సిద్ధం చేయాలని కలెక్టర్ సుమిత్ కుమార్ ఆదేశించారు. కుప్పంలో విద్యాశాఖ అధికారులతో కలెక్టర్ సమీక్ష సమావేశాన్ని నిర్వహించారు. నరేగా పథకంలో భాగంగా కుప్పం నియోజకవర్గంలో 60 పాఠశాలలను ఎంపిక చేయడం జరిగిందన్నారు. 30లోపు ప్రతిపాదలను పంపాలని ఎంఈఓలను ఆదేశించారు.
News April 4, 2025
CMతో SRపురం వాసి భేటీ
CM చంద్రబాబును గురువారం అమరావతి సెక్రటేరియట్‌లో ఎస్.ఆర్ పురం మండల టీడీపీ అధ్యక్షుడు జయశంకర్ నాయుడు మర్యాదపూర్వక కలిశారు. అనంతరం మండలంలో నెలకొన్న సమస్యలు, రాజకీయాలపై వారు చర్చించారు. త్వరలోనే సమస్యలను పరిష్కరిస్తానని CM హామీ ఇచ్చినట్లు ఆయన తెలిపారు.
News April 4, 2025
అమ్మవారి సేవలో చిత్తూరు SP
నగరి గ్రామదేవత శ్రీ దేశమ్మ తల్లిని గురువారం చిత్తూరు ఎస్పీ మణికంఠ చందోలు కుటుంబ సమేతంగా దర్శించుకున్నారు. ఈ మేరకు ఆలయ అధికారులు వారికి పూర్ణకుంభతో స్వాగతం పనికి అమ్మవారి దర్శనం ఏర్పాట్లు చేశారు. దర్శనం అనంతరం అమ్మవారి తీర్థ ప్రసాదాలు అందించారు.
News April 4, 2025
ఆలయాల అభివృద్ధికి 15 రోజుల్లో ప్రతిపాదనలు: కలెక్టర్
కుప్పం నియోజకవర్గంలో 11 దేవాలయాల అభివృద్ధికి సంబంధించి 15 రోజుల్లో ప్రతిపాదనలు సిద్ధం చేయాలని కలెక్టర్ సుమిత్ కుమార్ దేవాదాయ శాఖ అధికారులను ఆదేశించారు. దేవాలయాల అభివృద్ధికి సంబంధించి ఇది వరకే ప్రభుత్వం నిధులను మంజూరు చేయడం జరిగిందన్నారు. అధికారులు త్వరగా ప్రతిపాదనలు పంపాలని ఆయన కోరారు.
News April 3, 2025
చిత్తూరు: తండ్రిని చంపిన కుమారుడు
తండ్రిని కుమారుడే హత్య చేసిన ఘటన చిత్తూరు జిల్లాలో గురువారం వెలుగు చూసింది. SRపురం మండలం ఆర్ఆర్ పురానికి చెందిన శ్రీనివాసులు మద్యానికి బానిసై తరచూ భార్యను వేధిస్తున్నాడు. కొన్ని సందర్భాల్లో తల్లిని కొట్టేవాడు. ఇదే విషయమై తండ్రితో కుమారుడు నాగరాజు గొడవ పడ్డాడు. ఈక్రమంలో తండ్రి తలపై గట్టిగా కొట్టడంతో ఆయన చనిపోయాడు. పోలీసులు కేసు నమోదు చేసి దర్యాప్తు చేస్తున్నారు.
News April 3, 2025
చిత్తూరు: నేటి నుంచి ప్రత్యేక ఆధార్ క్యాంపులు
చిత్తూరు జిల్లావ్యాప్తంగా ఈనెల 3వ తేదీ నుంచి 6వ తేదీ వరకు ఆధార్ స్పెషల్ క్యాంపులను నిర్వహించనున్నట్లు అధికారులు తెలిపారు. ఆరేళ్ల లోపు పిల్లలకు, ప్రిమిటివ్ ట్రైబల్ గ్రూపులకు ఆధార్ నమోదు ప్రక్రియ చేపట్టనున్నట్లు చెప్పారు. ఎంపిక చేసిన గ్రామ, వార్డు సచివాలయాల్లో స్పెషల్ క్యాంపులు నిర్వహించేలా ఏర్పాట్లు చేశారు. ఈనెల 8వ తేదీ నుంచి 11వ తేదీ వరకు మరో విడత క్యాంపులు నిర్వహించనున్నారు.
News April 3, 2025
చిత్తూరు: నేటి నుంచి స్పాట్ వాల్యుయేషన్
చిత్తూరు జిల్లా కేంద్రంలోని పీసీఆర్ ప్రభుత్వ పాఠశాలలో గురువారం నుంచి టెన్త్ మూల్యాంకనం జరగనున్నట్లు డీఈవో వరలక్ష్మి తెలిపారు. 10వ తేదీ వరకు స్పాట్ వాల్యుయేషన్ కొనసాగుతుంది. 1,244 మంది టీచర్లకు ఈ బాధ్యత అప్పగించారు. ప్రతి టీచర్ తప్పనిసరిగా మూల్యాంకన విధులకు హాజరు కావాలన్నారు. పేపర్లు కరెక్షన్ చేసే సమయంలో సెల్‌ఫోన్ వాడరాదని స్పష్టం చేశారు.
Featured News
Sorry, no posts matched your criteria.