India's largestHyperlocal short
news App
Get daily news updates that are tailored for you based on your preferred language & location.
download Way2News app now
EastGodavari
News June 3, 2024
తూ.గో.: ఐదుకు చేరిన మృతుల సంఖ్య
కృష్ణా జిల్లా బాపులపాడు మండలం కోడూరుపాడు వద్ద గత నెల 27న జరిగిన ప్రమాదంలో మృతిచెందిన వారి సంఖ్య ఐదుకు చేరింది. ఈ ప్రమాదంలో గాయపడిన సత్య (30) విజయవాడ జీజీహెచ్‌లో చికిత్స పొందుతూ ఆదివారం మృతిచెందింది. కొవ్వూరుకు చెందిన స్వామినాథన్, భార్య సత్య, కుమార్తె రాధాప్రియ, కుమారుడు రాకేష్, బంధువు గోపితో కలిసి కారులో వెళ్తూ లారీని ఢీ కొట్టి ట్రాలీని ఢీకొట్టారు. ఈ ప్రమాదంలో నలుగురు అక్కడికక్కడే మృతి చెందారు.
News June 3, 2024
పవన్ కళ్యాణ్‌కు 60 వేల మెజారిటీ: వర్మ
జూన్ 4వ తేదీన వెలువడనున్న ఎన్నికల ఫలితాల్లో జనసేన అధినేత, పిఠాపురం కూటమి అభ్యర్థి పవన్ కళ్యాణ్‌కు 60 వేల మెజారిటీ ఖాయమని మాజీ MLA ఎస్వీఎస్ఎన్ వర్మ అన్నారు. ఆదివారం పిఠాపురం మండలం కోలంకలో పర్యటించిన ఆయన గాజుగ్లాసులో టీ తాగి అభిమానులను ఉత్సాహపరిచారు. ఈ సందర్భంగా ఆయన మాట్లాడుతూ.. సర్వేలన్నీ కూటమిదే విజయమని చెప్పాయన్నారు. అలాగే, పవన్ గెలుపు కూడా ఖాయమని చెప్పినట్లు గుర్తుచేశారు.
News June 3, 2024
తూర్పు గోదావరి జట్టుపై విశాఖ విజయం
ఆంధ్రా క్రికెట్ అసోసియేషన్ ఆధ్వర్యంలో టెక్కలి సమీపంలో జరుగుతున్న అండర్-19 క్రికెట్ పోటీల్లో ఆదివారం విశాఖపట్నం-తూర్పుగోదావరి జిల్లా జట్లు మధ్య మ్యాచ్ జరగగా విశాఖ జట్టు 97 పరుగుల తేడాతో గెలుపొందింది. టాస్ గెలిచి బ్యాటింగ్ చేసిన విశాఖ జట్టు 50 ఓవర్లలో 7 వికెట్లు కోల్పోయి 279 పరుగులు చేశారు. తదుపరి బ్యాటింగ్ చేసిన తూ.గో జట్టు 45.5 ఓవర్లకు 182 పరుగులు చేసి ఆలౌట్ కావడంతో విశాఖ జట్టు విజయం సాధించింది.
News June 3, 2024
నేటి నుంచి మద్యం విక్రయాలు బంద్: కలెక్టర్
పార్లమెంట్, అసెంబ్లీ ఎన్నికల ఓట్ల లెక్కింపు ప్రక్రియ నేపథ్యంలో శాంతిభద్రతల దృష్ట్యా అంబేడ్కర్ కోనసీమ జిల్లాలో 3వ తేదీ నుంచి 5వ తేదీ వరకు డ్రైడేగా ప్రకటించినట్లు జిల్లా ఎన్నికల అధికారి, కలెక్టర్ హిమాన్షు శుక్లా తెలిపారు. 5వ తేదీ వరకు మద్యం విక్రయాలు నిర్వహించరాదని, నిబంధనలకు వ్యతిరేకంగా ఎక్కడైనా మద్యం విక్రయిస్తున్నట్లు తెలిస్తే ఎన్నికల కోడ్ ఉల్లంఘన కింద కఠిన చర్యలు తీసుకుంటామని హెచ్చరించారు.
News June 2, 2024
పిఠాపురంలో పవన్ గెలిస్తే.. మెజారిటీ ఎంత..?
పిఠాపురంలో పవన్ కళ్యాణ్ భారీ మెజారిటీతో గెలుస్తాడని ఆరా సంస్థ సర్వేతో పాటు ఇతర సర్వేల్లోనూ అదే చెప్పారు. దీంతో అందరి దృష్టి పవన్ మెజారిటీపై పడింది. రాష్ట్రంలోనే అత్యధిక మెజారిటీ వస్తుందని కూటమి పార్టీ నేతలు చెబుతుండగా.. తమదే విజయం అంటూ వైసీపీ ధీమా వ్యక్తం చేస్తోంది. ఇంతకీ పవన్ గెలిస్తే ఎంత మెజారిటీ వస్తుంది.
– మీ కామెంట్..?
News June 2, 2024
మరోసర్వే.. తూ.గో. 2 MPలు వైసీపీ, ఒకటి TDP
ఉమ్మడి తూ.గో. జిల్లాలోని కాకినాడ, రాజమండ్రి MP స్థానాల్లో YCP, అమలాపురంలో TDP విజయం సాధిస్తుందని సీ-ప్యాక్ సర్వే అంచనా వేసింది. కాగా కాకినాడలో కూటమి నుంచి తంగెళ్ల ఉదయ్ శ్రీనివాస్, వైసీపీ నుంచి చలమలశెట్టి సునీల్ బరిలో ఉన్నారు. అటు రాజమండ్రిలో కూటమి- పురందీశ్వరి, వైసీపీ- గూడూరి శ్రీనివాస రావు, అమలాపురంలో కూటమి నుంచి గంటి హరీశ్ మాధుర్, వైసీపీ- రాపాక వరప్రసాద్ పోటీ చేస్తున్నారు.
– మరి మీ కామెంట్..?
News June 2, 2024
తూ.గో.: నెలాఖరు వరకు రెండు రైళ్లు రద్దు
ట్రాఫిక్ నిర్వహణ పనుల నిమిత్తం శనివారం నుంచి ఈ నెల 30వ తేదీ వరకు 2 రైళ్లను రద్దు చేస్తున్నట్లు దక్షిణ మధ్య రైల్వే అధికారులు శనివారం తెలిపారు. రాజమహేంద్రవరం- విజయవాడ (07767), విజయవాడ- రాజమహేంద్రవరం (07459) రైళ్లు ఈ నెలాఖరు వరకు అందుబాటులో ఉండవని తెలిపారు. ప్రయాణికులు ఈ విషయాన్ని గమనించాలని అధికారులు కోరారు.
– SHARE IT
News June 2, 2024
చాణక్య ఎక్స్.. ఉమ్మడి తూ.గో.లో కూటమివైపే ప్రజలు!
ఉమ్మడి తూ.గో. జిల్లాలోని 19 అసెంబ్లీ స్థానాల్లో 10 టీడీపీ, వైసీపీ ఒక చోట విజయం సాధిస్తుందని చాణక్య ఎక్స్ సర్వే సంస్థ అంచనా వేసింది. కాగా.. తుని, అనపర్తి, రాజానగరంలో YCPకి, కాకినాడ రూరల్, పి.గన్నవరంలో జనసేనకు, రామచంద్రపురంలో TDPకి ఎడ్జ్‌లో ఉన్నట్లు పేర్కొంది. ఇక కాకినాడ సిటిలో వైసీపీ, టీడీపీ మధ్య తీవ్ర పోటీ ఉండనుందని చెప్పింది.
News June 2, 2024
తూ.గో.: మరొక్క రోజే.. ఉత్కంఠ
రాష్ట్రంలో పలు సంస్థలు నిర్వహించిన ఎగ్జిట్ పోల్స్ సర్వే ఫలితాలు శనివారం వెల్లడించడంతో ఉమ్మడి తూ.గో. జిల్లాలో గెలుపు అవకాశాలపై ఒక అంచనా ఏర్పడిందని చర్చ సాగుతోంది. 19 అసెంబ్లీ స్థానాలకు గానూ చాణక్య స్ట్రాటజీస్, పోస్ట్ పోల్, కేకే తదితర సంస్థలు కూటమే ఎక్కువ స్థానాలు గెలుస్తుందని చెప్పాయి. తుది ఫలితాలకు నేడు, రేపు మాత్రమే మిగిలి ఉండగా ఉత్కంఠ తారాస్థాయికి చేరుకుంది.
– సర్వే ఫలితాలపై మీ కామెంట్..?
News June 1, 2024
తూ.గో.లో మరో సర్వే.. ఎవరికి ఎన్ని సీట్లు అంటే..?
ఉమ్మడి తూ.గో. జిల్లాలో 19 సీట్లకు గాను NDA కూటమి 14- 15 గెలుస్తుందని బిగ్‌టీవీ సర్వే తెలిపింది. 4-5 సీట్లు వైసీపీ సాధిస్తుందని అంచనా వేసింది. మొత్తంమీద 175 అసెంబ్లీ సీట్లకు గాను 106- 119 కూటమి, 56- 69 సీట్లు వైసీపీ విజయం సాధిస్తుందని వెల్లడించింది.
Featured News
Sorry, no posts matched your criteria.