India's largestHyperlocal short
news App
Get daily news updates that are tailored for you based on your preferred language & location.
download Way2News app now
EastGodavari
News August 22, 2024
కోనసీమ జిల్లాలో CM రేపటి పర్యటన షెడ్యూల్
అంబేడ్కర్ కోనసీమ జిల్లా కొత్తపేట మండలం వానపల్లిలోని పల్లాలమ్మ ఆలయ సమీపంలో శుక్రవారం సీఎం చంద్రబాబు సభ నిర్వహించనున్నారు. సీఎం పర్యటన వివరాలను అధికారులు వెల్లడించారు. ఉదయం 11 గంటలకు ఉండవల్లిలో బయలుదేరి హెలికాప్టర్ ద్వారా 11:40కి వానపల్లి చేరుతారు. 11:50 నుంచి 1:30 వరకు సభ.. అనంతరం 2:20కి హెలికాప్టర్ ద్వారా రాజమండ్రి ఎయిర్‌పోర్ట్‌కు చేరుకుంటారు. ప్రత్యేక విమానంలో HYD వెళ్తారని తెలిపారు.
News August 22, 2024
తూ.గో.: పిడుగులు పడే ఛాన్స్
ఉమ్మడి తూర్పుగోదావరి జిల్లాలోని పలు ప్రాంతాల్లో పిడుగులు పడే పరిస్థితి ఉన్నందున ప్రజలు అప్రమత్తంగా ఉండాలని గురువారం రాష్ట్ర విపత్తుల నివారణ సంస్థ హెచ్చరికలు జారీ చేసింది. వాతావరణం ప్రభావంతో పిడుగులు పడే పరిస్థితి ఉన్నందున ప్రజలు, ప్రయాణికులు, రైతులు సురక్షిత ప్రాంతాల్లో ఉండాలని ఫోన్లకు సంక్షిప్త సందేశాలను పంపించింది.
News August 22, 2024
అనకాపల్లిలో ప్రమాదం.. కాకినాడ జిల్లా వాసి విషాద గాథ ఇదీ
అనకాపల్లిలో బుధవారం జరిగిన అగ్నిప్రమాదంలో సామర్లకోటకు చెందిన నాగబాబు మృతిచెందిన విషయం తెలిసిందే. కాగా 6 నెలల క్రితమే తండ్రి మృతిచెందాడు. తల్లి, సోదరులకు తానున్నానని ధైర్యం చెప్పి ఉద్యోగానికి వెళ్లాడు. ఇప్పుడు అతని మృతితో కుటుంబం కన్నీరుమున్నీరవుతోంది. భార్య సాయితో పాటు పదేళ్ల కుమార్తె, ఎనిమిదేళ్ల కుమారుడు ఉన్నారు. విశాఖలోనే ఉంటూ ఎసెన్షియా కంపెనీలో ప్రొడక్షన్ అసిస్టెంట్ మేనేజర్‌గా పనిచేస్తున్నారు.
News August 22, 2024
ధవళేశ్వరం: సముద్రంలోకి 2.86 లక్షల క్యూసెక్కుల జలాలు
రాజమండ్రి రూరల్ మండలంలోని ధవళేశ్వరం కాటన్ బ్యారేజీ నుంచి బుధవారం 2.86 లక్షల క్యూసెక్కుల మిగులు జలాలను సముద్రంలోకి విడుదల చేశామని జలవనరులశాఖ అధికారులు తెలిపారు. తూర్పు డెల్టా, మధ్య డెల్టా, పశ్చిమ డెల్టా కాలవకు 14, 000 క్యూసెక్కుల నీటిని విడుదల చేశామని చెప్పారు. ప్రస్తుతం ధవళేశ్వరం బ్యారేజీ వద్ద 10.60 అడుగుల నీటిమట్టం కొనసాగుతుందని వివరించారు.
News August 22, 2024
తూ.గో.: అసభ్యకర ప్రవర్తన.. టీచర్ సస్పెండ్
విద్యార్థినులతో అసభ్యంగా ప్రవర్తించిన ఓ ఉపాధ్యాయుడిపై కేసు నమోదుచేసినట్లు సమిశ్రగూడెం SI రమేశ్ తెలిపారు. నిడదవోలు మండలం కాటకోటేశ్వరం జడ్పీ హైస్కూల్‌లో తెలుగు ఉపాధ్యాయుడిగా పనిచేస్తున్న నాగమణి రాజు కొంతకాలంగా విద్యార్థినులతో అసభ్యంగా ప్రవర్తించాడు. దీంతో కొందరు అతనిపై విద్యాశాఖ ఉన్నతాధికారులకు ఫిర్యాదుచేశారు. ఆ మేరకు విచారణ చేసి సస్పెండ్ చేశారు. HM లలితారమణి ఫిర్యాదుతో కేసు నమోదుచేశారు.
News August 22, 2024
రేపు కాకినాడలో ప్రపంచ జానపద దినోత్సవ వేడుకలు
కాకినాడలో గురువారం ప్రపంచ జానపద దినోత్సవ వేడుకలను నిర్వహించనున్నట్లు కలెక్టరేట్ అధికారులు తెలిపారు. ఈ మేరకు గురువారం ఉదయం 10:00కు కాకినాడ కలెక్టరేట్ నుంచి బాలాజీ చెరువు సెంటర్ వరకు వివిధ కళారూపాలతో భారీ ఊరేగింపు నిర్వహిస్తున్నట్లు తెలిపారు. ఈ కార్యక్రమంలో కాకినాడ జిల్లా కలెక్టర్ షాన్మోహన్ పాల్గొంటారని తెలిపారు.
News August 22, 2024
ఈనెల 24న కాకినాడలో జాబ్ మేళా
ఈనెల 24న కాకినాడలోని జిల్లా ఉపాధి కార్యాలయం వద్ద జాబ్ మేళా నిర్వహిస్తున్నట్లు జిల్లా ఉపాధి అధికారి శ్రీనివాసరావు తెలిపారు. ఈ మేరకు శనివారం ఉదయం 10 గంటల నుంచి ఈ జాబ్ మేళా ప్రారంభమవుతుందని తెలిపారు. ఈ జాబ్ మేళాకు 10వ తరగతి, ఇంటర్మీడియట్, డిప్లమా, డిగ్రీ, పీజీ ఉత్తీర్ణులైన వారు అర్హులని తెలిపారు.
News August 21, 2024
కోనసీమ: ఈనెల 23న వానపల్లిలో సీఎం రాక
కోనసీమ జిల్లా వానపల్లికి ఈనెల 23న రాష్ట్ర సీఎం చంద్రబాబు నాయుడు రానున్నారు. రాష్ట్ర వ్యాప్తంగా మహాత్మా గాంధీ ఉపాధి హామీ పథకం ప్రతిష్ఠాత్మకంగా నిర్వహించనున్న గ్రామసభ కార్యక్రమాన్ని చంద్రబాబు వానపల్లి వేదికగా ప్రారంభించనున్నారు. దీనికి సంబంధించి ఆ గ్రామంలో అనుకూలమైన ప్రాంతాన్ని జిల్లా కలెక్టర్ ఆర్.మహేష్ కుమార్, ఎస్పీ బి.కృష్ణారావుతో కలిసి ఎమ్మెల్యే బండారు సత్యానందరావు బుధవారం పరిశీలించారు.
News August 21, 2024
వసతి గృహాల ఆకస్మిక తనిఖీ: తూ.గో కలెక్టర్
తూర్పు గోదావరి జిల్లాలో ప్రవేట్ వసతి గృహాల నిర్వాహకులు తగిన అనుమతులు లేకుండా నిర్వహణా చెయ్యడం, పిల్లల సంరక్షణ కేంద్రాల మార్గదర్శకాలు పాటించకుండా నిర్వహణా వ్యవస్థ ఉండటం గుర్తించడం జరిగిందని జిల్లా కలెక్టర్ పి. ప్రశాంతి పేర్కొన్నారు. జిల్లా వ్యాప్తంగా సంక్షేమ శాఖల అధికారులు వసతి గృహాలను, వర్కింగ్ ఉమెన్స్ హాస్టల్స్, పిల్లల సంరక్షణ వసతి గృహాలను తన ఆదేశాల మేరకు ఆకస్మికంగా తనిఖీ చేసినట్లు ఆమె తెలిపారు.
News August 21, 2024
ఉమ్మడి తూ.గో.లో ఒక DSP బదిలీ.. ఇద్దరు నియామకం
ఉమ్మడి తూర్పుగోదావరి జిల్లాలో ఒక డీఎస్పీని బదిలీ చేశారు. మరో ఇద్దరు డీఎస్పీలను నియమిస్తూ ఏలూరు రేంజ్ డీజీపీ ద్వారకా తిరుమలరావు మంగళవారం ఆదేశాలు జారీ చేశారు. రాజమండ్రి ఎస్బీ డీఎస్పీ డి.ప్రభాకర్‌ను పలమనేరు బదిలీ చేశారు. అమలాపురం డీఎస్పీగా టీఎస్ఆర్ కే.ప్రసాద్‌ను నియమించారు. కాకినాడ డీఎస్పీగా రఘువీర్ విష్ణును నియమిస్తూ ఆదేశాలు ఇచ్చారు.
Featured News
Sorry, no posts matched your criteria.