India's largestHyperlocal short
news App
Get daily news updates that are tailored for you based on your preferred language & location.
download Way2News app now
EastGodavari
News August 21, 2024
ధవళేశ్వరం: సముద్రంలోకి 2.92 లక్షల క్యూసెక్కుల నీరు
రాజమండ్రి రూరల్ మండలం ధవళేశ్వరం కాటన్ బ్యారేజీ నుంచి మంగళవారం 2.92లక్షల క్యూసెక్కుల మిగులు జలాలను సముద్రంలోకి విడుదల చేశామని జలవనరులశాఖ అధికారులు తెలిపారు. తూర్పు డెల్టా, మధ్య డెల్టా, పశ్చిమ డెల్టా కాలవలకు 14,000 క్యూసెక్కుల నీటిని విడుదల చేశామన్నారు. ప్రస్తుతం బ్యారేజీ వద్ద 10.90 అడుగుల నీటిమట్టం ఉందని చెప్పారు.
News August 21, 2024
ప.గో. అబ్బాయి.. తూ.గో. అమ్మాయితో LOVE.. కత్తితో దాడి
ప.గో. జిల్లా ఆచంట మండలం కోడేరులంకకు చెందిన రమేశ్ తూ.గో. జిల్లా పి.గన్నవరం మండలం L.గన్నవరంలో PMPగా వైద్యం చేస్తున్నాడు. ఈ క్రమంలో అదే గ్రామానికి చెందిన వరలక్ష్మిని ప్రేమించాడు. అమ్మాయి తండ్రి రమణకు విషయం చెప్పగా ఒప్పుకోలేదు. దీంతో ఆదివారం వారు ఓ చర్చిలో పెళ్లి చేసుకొని ఇంటికెళ్లారు. విషయం తెలిసిన రమణ మంగళవారం రాత్రి అబ్బాయి ఇంటికెళ్లి కత్తితో దాడి చేసి పారిపోయాడు. రమేష్ ఫిర్యాదుతో కేసు నమోదైంది.
News August 21, 2024
కాకినాడలో వసతి గృహాల ఆకస్మిక తనిఖీ
కాకినాడలోని పలు వసతి గృహాలను నగరపాలక సంస్థ కమిషనర్ భావన, ఐసీడీఎస్ పీడీ ప్రవీణ మంగళవారం రాత్రి ఆకస్మికంగా తనిఖీ చేశారు. కలెక్టరేట్ వెనకనున్న వసతి గృహం, సీబీఎం కాలేజ్ రోడ్డులోని కల్వరి టెంపుల్ వద్ద గల వసతి గృహం, భాస్కర్ నగర్ వాటర్ ట్యాంక్ సమీపంలోని పరివర్తన వసతి గృహాన్ని పరిశీలించారు. విద్యార్థులతో మాట్లాడి వారి సమస్యలు తెలుసుకున్నారు. ఇబ్బందులు లేకుండా చూడాలని వసతి గృహాల నిర్వాహకులకు సూచించారు.
News August 20, 2024
తూ.గో: వ్యభిచార గృహంపై దాడి
వ్యభిచారం ముఠాపై కొవ్వూరు పోలీసులు మంగళవారం దాడి జరిపారు. కొవ్వూరులోని రాజీవ్ కాలనీలో వ్యభిచారం జరుగుతుందనే సమాచారంతో వెళ్లి దాడి చేసినట్లు పట్టణ సీఐ విశ్వం తెలిపారు. ఆయన మాట్లాడుతూ.. శిబిరం నిర్వాహకురాలు లక్ష్మీని అరెస్ట్ చేశామన్నారు. రాజమహేంద్రవరం, వైజాగ్‌కు చెందిన ఇద్దరు యువతలను ఆమె చెర నుంచి విడిపించినట్లు సీఐ పేర్కొన్నారు.
News August 20, 2024
కోనసీమ: వరదల ఎఫెక్ట్.. నష్టమెంతో లేక్క తేలింది
గోదావరి వరదల వల్ల కోనసీమ జిల్లాలో ఉద్యాన పంటలకు జరిగిన నష్టాన్ని అధికారులు పక్కాగా నిర్ధారించారు. 1926.73 హెక్టార్లలో పంట నష్టం జరిగిందని లెక్క తేల్చారు. 759.65 హెక్టార్లలో అరటి, 28.92 హెక్టార్లలో తమలపాకు, 0.39 హెక్టార్లలో పూల తోటలు, 0.74 హెక్టార్లలో బొప్పాయి, 1063 హెక్టార్లలో కూరగాయల తోటలకు నష్టం వాటిలినట్లు పేర్కొన్నారు. 6,183 మంది రైతులకు రూ.4.05 కోట్ల పరిహారం అందించేందుకు నివేదిక పంపారు.
News August 20, 2024
పోలవరం ఫైల్స్ దహనం వెనుక హస్తం ఎవరిదో..?
ధవళేశ్వరంలోని పోలవరం ప్రాజెక్ట్ కార్యాలయంలో ఫైల్స్ కాల్చివేత ఘటనతో అధికారులు అలర్ట్ అయ్యారు. దాని వెనుక ఎవరున్నారు..? కీలక విభాగాల్లో పత్రాలన్నీ ఉన్నాయా..? ఏవైనా మాయమయ్యాయా..? అనే దానిపై ఫోకస్ చేశారు. కలెక్టర్ ప్రశాంతి, ఎస్పీ నరసింహ కిశోర్ ఆదేశాలతో సోమవారం ఉదయం నుంచే కార్యాలయంలో ఫైల్స్ పరిశీలన చేపట్టారు. ఇతరులెవరూ లోనికి వెళ్లకుండా బందోబస్త్ ఏర్పాటు చేశారు. కాలిన కాగితాల్లో ఏముందో తేలాల్సి ఉంది.
News August 20, 2024
కోనసీమ కలెక్టర్ ఫొటో డీపీగా పెట్టుకొని మెసేజ్‌లు
కొందరు తన పేరిట సందేశాలు పంపిస్తున్నారని అంబేడ్కర్ కోనసీమ కలెక్టర్ మహేష్ కుమార్ మంగళవారం తెలిపారు. తన ఫొటోను వాట్సాప్ డీపీగా పెట్టుకుని జిల్లాలోని అధికారులతో పాటు ఇతరులకు సందేశాలు పంపిస్తున్నారని వివరించారు. ఆ ఫోన్ నంబర్ (94785566071) తనది కాదని, వారు పంపే సందేశాలకు రెస్పాండ్ కావద్దని సూచించారు. కాల్స్‌ కూడా స్వీకరించొద్దంటూ కలెక్టరేట్ నుంచి మంగళవారం ఆయన ఓ ప్రకటన విడుదల చేశారు.
News August 20, 2024
కోనసీమ: దారుణం.. కత్తితో భార్యపై దాడి
అల్లవరం మండలం రెల్లుగడ్డ శివారులోని ఎలువుల్లంకకు చెందిన నాగేశ్వరరావు తన భార్య లక్ష్మిపై సోమవారం కత్తితో దాడి చేశాడు. ఎస్సై హరీష్ తెలిపిన వివరాల ప్రకారం.. 30 ఏళ్ల కింద వీరికి నాగేశ్వరరావుతో లక్ష్మికి వివాహమైంది. 10 ఏళ్ల నుంచి భర్తకు దూరంగా కొడుకు, కూతురుతో అమలాపురంలో ఉంటుంది. ఇటీవలే కొడుకు పెళ్లి జరిగింది. ఆదివారం స్వగ్రామంలో రిసెప్షన్ జరిగింది. అక్కడి నుంచి వెళ్తుండగా దాడి చేశాడు.
News August 20, 2024
కాకినాడ: మాజీ MLA ద్వారంపూడి బహిరంగ లేఖ
రేషన్‌ బియ్యం అక్రమ రవాణా, నిల్వలపై మాజీ MLA ద్వారంపూడిపై ఆరోపణలు వచ్చిన విషయం తెలిసిందే. ఈ నేపథ్యంలో ఆయన కాకినాడ MLA కొండబాబుకు బహిరంగ లేఖ రాశారు. కక్షసాధింపు చర్యలు, నిరాధార ఆరోపణలతో తప్పుడు కేసులు పెడుతున్నారన్నారు. ప్రశాంతంగా ఉండే కాకినాడలో రాజకీయ కక్షలు ప్రేరేపించే విధంగా వ్యవహరిస్తున్నారని లేఖలో ప్రస్తావించారు. తనను లక్ష్యంగా చేసుకొని పెడుతున్న కేసులను ఎదుర్కొనేందుకు సిద్ధంగా ఉన్నానన్నారు.
News August 20, 2024
కాకినాడ: వివాహిత, యువకుడి ఆత్మహత్య.. UPDATE
జగ్గంపేటలోని జగనన్న కాలనీలో ఓ ఇంట్లో వివాహిత, యువకుడు<<13894976>> ఆత్మహత్య<<>> చేసుకున్న విషయం తెలిసిందే. SI రఘునాథరావు వివరాల ప్రకారం.. జగ్గంపేటకు చెందిన నానాజీ (25), సాయిప్రసన్న(22) ఒకే ఇంట్లో సహజీవనం చేస్తున్నారు. నానాజీ తల్లిదండ్రులతో కలిసి స్థానిక టవర్ కాలనీలో ఉంటూనే, జగనన్న కాలనీలో సాయిప్రసన్నతో సహజీవనం చేస్తున్నాడు. ఈ క్రమంలో సోమవారం ఉరేసుకొని చనిపోయారు. కేసు నమోదుచేసి, విచారణ చేస్తున్నామని SI తెలిపారు.
Featured News
Sorry, no posts matched your criteria.