India's largestHyperlocal short
news App
Get daily news updates that are tailored for you based on your preferred language & location.
download Way2News app now
EastGodavari
News July 15, 2024
తూ.గో: యజమానిని కట్టేసి 40 కోడిపుంజుల చోరీ
ఉమ్మడి తూ.గో జిల్లా రాజవొమ్మంగి మండలం దూసారపాము గ్రామానికి చెందిన రైతు ఎల్.చంటి చేనులో పెంచుతున్న రూ.2 లక్షల విలువైన 40 కోడిపుంజులను దొంగలు ఎత్తుకెళ్లారు. చంటి కథనం ప్రకారం.. సోమవారం తెల్లవారుజామున నలుగురు వ్యక్తులు తన చేతులు, కాళ్లు కట్టేసి, నోట్లో గుడ్డలు కుక్కి పందెం పుంజులను పట్టుకొని పోయారన్నాడు. ఈ ఘటనపై పోలీసులకు ఫిర్యాదు చేసినట్లు MPTC సత్యనారాయణ తెలిపారు.
News July 15, 2024
విజయనగరంలో యాక్సిడెంట్.. పిఠాపురం వాసి మృతి
విజయనగరం జిల్లాలో జరిగిన రోడ్డు ప్రమాదంలో పిఠాపురానికి చెందిన ఓ వ్యక్తి మృతిచెందగా ఆరుగురు గాయపడ్డారు. పోలీసుల వివరాల ప్రకారం.. పిఠాపురం ప్రాంతానికి చెందిన యువకులు ఒడిశాలోని రాయగడ యాత్రకు కారులో బయలుదేరారు. ఆదివారం సాయంత్రం విజయనగరం గ్రామీణ మండల పరిధిలోని రామవరం- గుంకలాం రోడ్డులో వెళ్తుండగా ఒక్కసారిగా బోల్తాపడింది. ఈ ఘటనలో శ్రీనివాస్ మృతిచెందగా.. ఆరుగురిని జిల్లాసుపత్రికి తరలించారు. కేసు నమోదైంది.
News July 15, 2024
తూ.గో.: కొడుకు బర్త్ డే.. యాక్సిడెంట్‌లో తల్లి మృతి
ప.గో.జిల్లా వాసి సత్యశ్రీనివాస్ బర్త్‌డే సందర్భంగా తల్లిదండ్రులు, సోదరితో కలిసి ద్వారకాతిరుమలకు దర్శనానికి కారులో వెళ్లారు. తిరిగి వస్తుండగా తూ.గో. జిల్లా నల్లజర్ల మండలం అచ్చన్నపాలెంలో మూవీ చూశారు. సోదరిని అత్తవారింట్లో దించి వస్తానని వారిని అక్కడే ఉండమని చెప్పాడు. ఈ క్రమంలో తల్లి సుబ్బలక్ష్మి, తండ్రి బసవరాజు రోడ్డు దాడుతుండగా వారిని కారు ఢీ కొంది. ఆసుపత్రికి తరలిస్తుండగా సుబ్బలక్ష్మి చనిపోయింది.
News July 15, 2024
జాతీయస్థాయి కబడ్డీ పోటీల్లో మనోహర్ సత్తా
పెద్దాపురం మండలం వడ్లమూరుకు చెందిన కల్తూరి మనోహర్ జూనియర్ ఇండియా కబడ్డీ ప్రోబబుల్స్‌కు ఎంపికైనట్లు విశ్రాంత వ్యాయామ ఉపాధ్యాయుడు తాళ్లూరి వైకుంఠం ఆదివారం తెలిపారు. SBSRC కబడ్డీ క్లబ్ ఆధ్వర్యంలో హైదరాబాద్‌లో నిర్వహించిన జాతీయస్థాయి జూనియర్ కబడ్డీ పోటీల్లో మనోహర్ అత్యుత్తమ ప్రతిభ చాటాడన్నారు. రాష్ట్ర కబడ్డీ అసోసియేషన్ అధ్యక్ష, కార్యదర్శులు వెంకటరెడ్డి, వై.శ్రీకాంత్ క్రీడాకారుడిని అభినందించారు.
News July 14, 2024
గుండెపోటుతో గొల్లప్రోలు ASI మృతి
కాకినాడ జిల్లా గొల్లప్రోలు పోలీస్ స్టేషన్‌లో ASIగా విధులు నిర్వహిస్తున్న జి.కృష్ణారావు(59) గుండెపోటుతో మృతి చెందారు. ఆదివారం మధ్యాహ్నం కృష్ణారావుకు గుండెపోటు రావడంతో కాకినాడలోని ప్రైవేట్ ఆసుపత్రికి తీసుకెళ్తుండగా మార్గమధ్యంలోనే తుది శ్వాస విడిచినట్లు కుటుంబ సభ్యులు తెలిపారు. ఆయన మరణ వార్త విని తోటి అధికారులు, సిబ్బంది భావోద్వేగానికి లోనయ్యారు. కుటుంబానికి ప్రగాఢ సానుభూతి తెలిపారు.
News July 14, 2024
కోనసీమ: 2 రోజులకు రిజర్వాయర్‌లో తేలిన డెడ్‌బాడీ
మోతుగూడెం పవర్ కెనాల్‌లో <<13618391>>గల్లంతైన యువకుడు<<>> ఆదివారం శవమై దొరికాడు. అంబేడ్కర్ కోనసీమ జిల్లా ఆలమూరు మండలం చింతలూరుకు చెందిన మురళీకృష్ణ(24) ఫ్రెండ్స్‌తో మోతుగూడెం వెళ్లాడు. పుష్ప బ్రిడ్జి వద్ద అతడు నీటిలో గల్లంతు కాగా ఫ్రెండ్స్ పోలీసులకు సమాచారం ఇచ్చారు. SI గోపాలరావు ఆధ్వర్యంలో గాలింపు చేపట్టగా ఫోర్ బై రిజర్వాయర్‌లో మురళి డెడ్‌బాడీ లభ్యమైంది. పోస్టుమార్టం అనంతరం బాడీని బంధువులకు అప్పగిస్తామన్నారు.
News July 14, 2024
అనిల్ అంబానీ, సంజయ్ దత్‌తో పవన్ కళ్యాణ్
ప్రపంచ కుబేరుల్లో ఒకరైన ముకేశ్ అంబానీ తనయుడి పెళ్లికి డిప్యూటీ సీఎం, పిఠాపురం MLA పవన్ కళ్యాణ్ హాజరైన విషయం తెలిసిందే. ఈ సందర్భంగా బాలీవుడ్ స్టార్ సంజయ్ దత్, ముకేశ్ అంబానీ సోదరుడు అనిల్ అంబానీతో పవన్ చర్చించారు. సంబంధిత ఫొటోలను జనసేన ‘X’లో పోస్ట్ చేసింది.
News July 14, 2024
తూ.గో.: చెట్టుపడి సాఫ్ట్‌వేర్ ఇంజినీర్ మృతి
తూ.గో. జిల్లా పెరవలి మండలం ఖండవల్లి హైవేపై శనివారం చెట్టు పడి చాగల్లుకు చెందిన యువ సాఫ్ట్ వేర్ ఇంజినీర్ మల్లుల కువలేశ్ (25) మృత్యువాత పడ్డాడు. బెంగళూరులో ఉద్యోగం చేస్తున్న కువలేశ్ తల్లితండ్రులు సత్యనారాయణ, ధనలక్ష్మిని చూసేందుకు వారం రోజుల క్రితం సొంతూరు వచ్చాడు. ఇరగవరం మండలం పేకేరులోని అమ్మమ్మ తులసమ్మను చూసేందుకు వెళ్లి బైక్ పై తిరిగి వస్తుండగా హైవే పక్కన ఉన్న చెట్టు అతనిపై పడి మృతిచెందాడు.
News July 13, 2024
ఉమ్మడి తూ.గో జిల్లా నూతన ఎస్పీలు వీరే
☞ తూ.గో జిల్లా ఎస్పీ పి.జగదీశ్ బదిలీ అయ్యారు. ఈయన స్థానంలో టీటీడీ CVSOగా ఉన్న డి.నరసింహ కిషోర్ ఎస్పీగా రానున్నారు.
☞ కాకినాడ ఎస్పీగా విక్రాంత్ పాటిల్ నియమితులయ్యారు. ప్రస్తుత ఎస్పీ సతీష్ కుమార్ బదిలీపై గుంటూరుకు వెళ్లనున్నారు.
☞ అంబేడ్కర్ కోనసీమ జిల్లా ఎస్పీ ఎస్.శ్రీధర్ బదిలీ అయ్యారు. ఈయన స్థానంలో బి.కృష్ణారావు ఎస్పీగా రానున్నారు.
News July 13, 2024
పిఠాపురంలో ఛత్తీస్‌గడ్ ప్రాజెక్ట్.. ఎలా చేస్తారంటే.??
పిఠాపురంలో ద్రవ, ఘన వ్యర్థాల నిర్వహణ<<13618937>> ప్రాజెక్ట్<<>> ఏర్పాటుచేయనున్న విషయం తెలిసిందే. అయితే నియోజకవర్గంలో ఇళ్లు, దుకాణాలు, వ్యాపార, వాణిజ్యసంస్థల నుంచి నిత్యం చెత్త సేకరిస్తారు. అయితే ఇళ్లకు రూ.3, వ్యాపార సంస్థలకు రూ.5, ప్రభుత్వ కార్యాలయాల నుంచి రూ.20 వసూలు చేస్తారు. నెలకు రూ.3కోట్ల ఆదాయం వస్తుందని అంచనా. వీటితో చెత్త తరలింపునకు రిక్షాలు, ఇతర పనిముట్లు కొనుగోలు చేస్తారు. 150మందికి ఉపాధి లభించనుంది.
Featured News
Sorry, no posts matched your criteria.