India's largestHyperlocal short
news App
Get daily news updates that are tailored for you based on your preferred language & location.
download Way2News app now
EastGodavari
News June 21, 2024
పవన్ ఆదేశాలతో త్వరలో బొమ్మూరు సైన్స్ మ్యూజియం ప్రారంభం
రాష్ట్ర ఉపముఖ్యమంత్రి, సైన్స్ అండ్ టెక్నాలజీ శాఖల మంత్రి పవన్ కళ్యాణ్ ఆదేశాల మేరకు బొమ్మూరు సైన్స్ మ్యూజియం భవనం త్వరలో ప్రారంభం కానుంది. ఈ సైన్స్ పార్కు కేంద్ర, రాష్ట్ర ప్రభుత్వాల సహకారంతో 2017లో మంజూరు కాగా.. 2018 రూ.16.82 కోట్లతో శంకుస్థాపన చేశారు. విద్యార్థులకు సైన్స్ ప్రాజెక్టుల కోసం ఉపయోగపడేలా కేంద్రాన్ని తీర్చిదిద్దారు. నిర్మాణం పూర్తయినా గత ప్రభుత్వం ప్రారంభించకుండా వదిలేసింది.
News June 21, 2024
కాకినాడ: తనతో మాట్లాడటం లేదని బాలిక సూసైడ్
తునికి చెందిన ఓ బాలిక పురుగుల మందు తాగి ఆత్మహత్య చేసుకుంది. SI విజయ్ బాబు వివరాల ప్రకారం.. తునిలోని రెల్లికాలనీకి చెందిన 16 ఏళ్ల బాలిక ఓ వస్త్ర దుకాణంలో పనిచేస్తుండగా, అక్కడే పనిచేస్తున్న యువకుడితో పరిచయం ఏర్పడింది. ఆ యువకుడు తనతో మాట్లాడకుండా మరో యువతితో చనువుగా ఉంటున్నాడనే మనస్తాపానికి గురై బుధవారం పురుగుల మందు తాగింది. కాకినాడ ప్రభుత్వ ఆసుపత్రికి తరలించగా చికిత్స పొందుతూ గురువారం మృతిచెందింది.
News June 21, 2024
తూ.గో.: ‘500 మార్కుల కంటే ఎక్కువ వస్తే బహుమతి’
ఉమ్మడి తూ.గో జిల్లాలో ఈ ఏడాది టెన్త్ పరీక్ష ఫలితాల్లో 500 మార్కులు పైగా వచ్చిన భట్రాజు సామాజిక వర్గానికి చెందిన విద్యార్థులకు రూ.2 వేల నగదు ప్రోత్సాహక బహుమతి, జ్ఞాపిక అందిస్తామని తూ.గో జిల్లా భట్రాజు సంక్షేమ సంఘం అధ్యక్షుడు లోలభట్టు శ్రీనివాసరాజు రాజమండ్రిలో గురువారం తెలిపారు. మార్కుల జాబితా, ఆధార్ కార్డు, ఫోన్ నంబర్‌తో ఈ నెలాఖరులోగా 94935 47944 నంబర్‌కు వివరాలు పంపాలని సూచించారు.
News June 21, 2024
తూ.గో.: నకిలీ నోట్లు.. ఇద్దరు అరెస్ట్
నకిలీ నోట్ల చలామణి కేసులో కాకినాడకు చెందిన సింగంశెట్టి సత్య ఫణికుమార్, రాజమండ్రికి చెందిన వంశీకృష్ణతో పాటు పలువురిని అరెస్టు చేశామని తెలంగాణ రాష్ట్రం భద్రాద్రి కొత్తగూడెం జిల్లా సుజాతనగర్ సీఐ రాయల వెంకటేశ్వర్లు గురువారం తెలిపారు. ఖమ్మం జిల్లాకు చెందిన పలువురు ఉమ్మడి తూ.గో. జిల్లాకు చెందిన ఇద్దరితో ముఠాగా ఏర్పడి రాజమహేంద్రవరం కేంద్రంగా కొంతకాలంగా నకిలీ నోట్లు చలామణి చేస్తున్నారన్నారు.
News June 21, 2024
ప్రశంసా పత్రం అందుకున్న పవన్ కుమార్
సార్వత్రిక ఎన్నికల సమయంలో విధి నిర్వహణలో అందించిన విశేష సేవలకు గాను ఆత్రేయపురం మండల తహశీల్దార్ కార్యాలయ జూనియర్ అసిస్టెంట్ ఎం.పవన్ కుమార్ ప్రభుత్వం నుంచి ప్రశంస పత్రం అందుకున్నారు. ఈ మేరకు అమలాపురంలోని అంబేడ్కర్ కోనసీమ జిల్లా కలెక్టరేట్ వద్ద నిర్వహించిన రెవెన్యూ దినోత్సవ వేడుకలలో ఆయన కలెక్టర్ హిమాన్సు శుక్లా చేతుల మీదుగా ప్రశంసా పత్రం అందుకున్నారు. ఆయనను మండలాధికారుల అభినందించారు.
News June 20, 2024
కార్మికుడిలా పని చేస్తా-మంత్రి సుభాష్
కార్మికులకు అందుబాటులో ఉంటూ అన్ని శాఖలను సమన్వయ పరచి ఒక కార్మికుడిలా పనిచేస్తానని మంత్రి వాసంశెట్టి సుభాష్ అన్నారు. గురువారం పండితుల వేదశ్వీరచనల మధ్య తొలిసారిగా తన ఛాంబర్‌లోకి ప్రవేశించారు. అనంతరం పాత్రికేయుల సమావేశంలో మాట్లాడుతూ.. కార్మికులకు ఉపయోగపడే 13 చట్టాలని గత ప్రభుత్వం నిర్వీర్యం చేసిందన్నారు. భవన నిర్మాణ కార్మికులు సంక్షేమానికి కృషి చేస్తానన్నారు.
News June 20, 2024
బడి ఈడు పిల్లలు పాఠశాలల్లో ఉండాలి: DEO
5 నుంచి15 సంవత్సరాల పిల్లలు అందరూ తప్పనిసరిగా పాఠశాలల్లో ఉండాలని అల్లూరి జిల్లా DEO బ్రహ్మాజీరావు అధికారులను, హెచ్‌‌ఎం‌లను ఆదేశించారు. రంపచోడవరంలో గురువారం సిబ్బందితో సమావేశం నిర్వహించారు. ఈ సందర్భంగా ఆయన మాట్లాడుతూ..ఇళ్లకు వెళ్లి వారి తల్లిదండ్రులకు కౌన్సిలింగ్ చేయాలని ఆదేశించారు. ప్రతీ ఉపాధ్యాయుడు, విద్యార్థుల హాజరు నిర్ణీత సమయంలో వేయాలన్నారు. నిర్లక్ష్యం వహిస్తే చర్యలు తప్పవని హెచ్చరించారు.
News June 20, 2024
అడ్డతీగల : బియ్యం పంపిణీ వ్యాన్ బోల్తా.. డ్రైవర్ మృతి
అడ్డతీగల మండలం వెదురునగరం వద్ద గురువారం రేషన్ బియ్యం పంపిణీ వ్యాన్ బోల్తా కొట్టిన ఘటనలో డ్రైవర్ మృతి చెందారు. పోలీసులు తెలిపిన వివరాల మేరకు .. వై.రామవరం నుంచి గంగవరం వెళుతుండగా అదుపు తప్పి రోడ్డు ప్రక్కన తాటి చెట్టును ఢీ కొట్టింది. ప్రమాదంలో ఇరువురికి గాయాలు కాగా.. రాజమండ్రి ఆసుపత్రికి తరలిస్తుండగా డ్రైవర్ మృతి చెందాడని, కేసు దర్యాప్తు చేస్తున్నామని తెలిపారు.
News June 20, 2024
కాకినాడలో కస్టమర్ సర్వీస్ ఉద్యోగాలకు ఇంటర్వ్యూలు
కాకినాడలోని జిల్లా వికాస కార్యాలయంలో శుక్రవారం జెన్పాక్ట్ కంపెనీలో ప్రాసెస్ అసోసియేట్ కస్టమర్ సర్వీస్ ఉద్యోగాలకు ఇంటర్వ్యూలు నిర్వహిస్తున్నట్టు వికాస ప్రాజెక్టు డైరెక్టర్ కె.లచ్చారావు తెలిపారు. ఈ ఉద్యోగాలకు ఏదైనా డిగ్రీ, పీజీ ఉత్తీర్ణులైన 28 సంవత్సరాలలోపు అభ్యర్థులు అర్హులన్నారు. ఈ ఇంటర్వ్యూల కోసం వెబ్సైట్ ద్వారా దరఖాస్తు చేసుకుని శుక్రవారం ఉదయం 9 గంటలలోపు ఇంటర్వ్యూలకు హాజరు కావాలన్నారు.
News June 20, 2024
కొత్తపేటలో జాబ్ మేళా
కొత్తపేట విశ్వకవి వేమన ప్రభుత్వ డిగ్రీ కళాశాలలో ఈ నెల 22వ తేదీన జాబ్ మేళా నిర్వహిస్తున్నట్టు కళాశాల ప్రిన్సిపల్ డాక్టర్ కె.పెద్దిరాజు తెలిపారు. ఐసీఐసీఐ, ఎస్బీఐ, ఐటెక్ సాఫ్ట్వేర్ తదితర కంపెనీలు పాల్గొంటాయన్నారు. మొత్తం ఖాళీలు 316 ఉన్నాయన్నారు. టెక్నికల్, నాన్ టెక్నికల్ పోస్టులకు ఇంటర్వ్యూలు నిర్వహించనున్నట్లు తెలిపారు. ఈ అవకాశాన్ని నిరుద్యోగులు సద్వినియోగం చేసుకోవాలని సూచించారు.
Featured News
Sorry, no posts matched your criteria.