India's largestHyperlocal short
news App
Get daily news updates that are tailored for you based on your preferred language & location.
download Way2News app now
EastGodavari
News June 19, 2024
డిప్యూటీ CMగా పవన్.. బొట్టుపెట్టి శుభాకాంక్షలు తెలిపిన వర్మ
జనసేన అధినేత, పిఠాపురం MLA డిప్యూటీ CMగా బాధ్యతలు చేపట్టారు. ఈ సందర్భంగా పిఠాపురం నియోజకవర్గ టీడీపీ ఇన్‌ఛార్జి, మాజీ ఎమ్మెల్యే SVSN వర్మ పవన్‌ను కలిసి శాలువా కప్పి సత్కరించారు. అనంతరం బొట్టు పెట్టి శుభాకాంక్షలు తెలిపారు.
News June 19, 2024
తూ.గో.: మన జిల్లా MLAకు కీలక బాధ్యత
ఉమ్మడి తూ.గో. జిల్లాలో మరో MLAకు కీలక బాధ్యత దక్కింది. రాజమండ్రి రూరల్ MLA గోరంట్ల బుచ్చయ్యచౌదరిని ప్రొటెం స్పీకర్‌గా ఎన్నుకొన్నారు. చట్టసభలో చంద్రబాబు తర్వాత అధికసార్లు గెలిచిన MLA ఈయనే కావడంతో బాధ్యత అప్పగించారు. ఇప్పటికే పిఠాపురం MLA పవ‌‌న్‌కు డిప్యూటీ CMగా, రామచంద్రపురం MLA సుభాష్‌కు కార్మికశాఖ మంత్రిగా అవకాశం దక్కిన విషయం తెలిసిందే.
☛ పవన్ నేడు, సుభాష్ రేపు మంత్రులుగా బాధ్యతలు చేపట్టనున్నారు.
News June 19, 2024
కాకినాడ: ఆసుపత్రిలో గుండెలు పిండేసిన ఘటన: PHOTO
కాకినాడ జిల్లా కోటనందూరుకు చెందిన గర్భిణి శిరీష మంగళవారం కుటుంబీకులతో విశాఖ కేజీహెచ్‌లో ప్రసూతి విభాగంలో చేరింది. అనంతరం ఆమె నెలలు నిండకుండా బిడ్డకు జన్మనివ్వగా.. ఆ శిశువును పిల్లల వార్డుకు అనుసంధానంగా ఉన్న ఎన్ఐసీయూలో ఉంచాలని వైద్యులు సూచించారు. దీంతో ఆ పసికందుకు ఆక్సిజన్ పెట్టి నర్స్ ముందు వెళ్ళగా సిలిండర్ మోస్తూ తండ్రి వెనుక వెళ్ళారు. ఈ దృశ్యం చూసిన స్థానికుల కళ్లు చెమ్మగిల్లాయి.
News June 19, 2024
తూ.గో.లో ధాన్యం బకాయిలు రూ.202.41 కోట్లు
రైతుల నుంచి రబీ సీజన్‌లో కొనుగోలు చేసిన ధాన్యానికి తూర్పుగోదావరి జిల్లాలో రూ.202.41 కోట్ల మేర బకాయిలు చెల్లించాల్సి ఉంది. 23,082 మంది రైతుల నుంచి 2.28 లక్షల మెట్రిక్ టన్నుల ధాన్యాన్ని ప్రభుత్వం సేకరించింది. దీనికి గాను జిల్లాలో రూ.296.31 కోట్లు మాత్రమే జమ చేశారు. ఇంకా రూ.202.41 కోట్లు చెల్లించవలసి ఉంది. ధాన్యం కొని 2 నెలలు దాటిన బకాయిలు చెల్లించకపోవడంపై రైతుల అగ్రహం వ్యక్తం చేస్తున్నారు.
News June 19, 2024
తూ.గో.: ప్రాణం తీసిన Free Fire గేమ్..?
మండపేటలోని గొల్లపుంత కాలనీకి చెందిన దుర్గాకుమార్(19) తాపీ పనిచేస్తుంటాడు. మంగళవారం ఉరేసుకొని ఆత్మహత్య చేసుకున్నాడు. ఆసుపత్రికి తరలించేలోగా మృతిచెందాడు. అతనికి ఎవరితో గొడవలు, ఆర్థికసమస్యలు లేవని కుటుంబీకులు చెబుతున్నారు. ఫోన్లో ఉన్న ఫ్రీఫైర్ గేమ్ మనుషులను ఒంటరి చేస్తుందని ఈకారణంగా ఆత్మహత్యకు పాల్పడి ఉండొచ్చని పోలీసులు అనుమానిస్తున్నారు. దర్యాప్తులో వాస్తవాలు వెలుగులోకొస్తాయని CIఅఖిల్ జామ తెలిపారు.
News June 19, 2024
కాకినాడ: 100 కేసులు దాటేశాయ్.. భయం
కాకినాడ జిల్లా తొండంగి మండలం కొమ్మనాపల్లి, బెండపూడి గ్రామాల్లో డయేరియా బాధితుల సంఖ్య పెరుగుతోంది. కొమ్మనాపల్లిలో 90, బెండపూడిలో 18మంది ఈ వ్యాధిన పడ్డారు. జిల్లాలో 2022లో ఐదుగురు బాధితులుంటే.. ఇప్పుడు ఆ సంఖ్య 100 దాటడం భయం కలిగిస్తోంది. అధికారులు వ్యాధి నిర్మూలనకు చర్యలు చేపట్టాలని కోరుతున్నారు.
➠ వ్యాధి లక్షణాలు
☛ వాంతులు, విరేచనాలు, కడుపునొప్పి
☛ దాహం, నోరు ఎండిపోవడం
☛ మూత్ర విసర్జన తగ్గిపోవడం.
News June 19, 2024
కాకినాడ: 20 నుంచి ITI విద్యార్థులకు ఇంటర్వ్యూలు
కాకినాడ జిల్లాలోని ప్రభుత్వ, ప్రైవేటు ఐటీఐలలో ప్రవేశం కోసం దరఖాస్తు చేసుకున్న అభ్యర్థులకు ఈనెల 20వ తేదీన ఇటర్వ్యూలు ఉంటాయని ప్రభుత్వ ఐటీఐ కళాశాల ప్రిన్సిపల్, కన్వీనర్ వేణుగోపాల వర్మ మంగళవారం తెలిపారు. కాకినాడ ప్రభుత్వ పారిశ్రామిక శిక్షణా సంస్థ కార్యాలయంలో జరిగే ఇంటర్వ్యూలకు అభ్యర్థులు ఒరిజినల్ సర్టిఫికెట్లతో హాజరు కావాలన్నారు. 554 మందికి ఈ నెల 20 నుంచి 25వ వరకు ఇంటర్వ్యూలు నిర్వహిస్తామన్నారు.
News June 18, 2024
మారేడుమిల్లి అటవీ ఏరియాలో ‘పుష్ప-2’ లారీ
ఉమ్మడి తూ.గో జిల్లా రంపచోడవరం డివిజన్ పరిధి మారేడుమిల్లి అటవీ ప్రాంతంలో ‘పుష్ప-2’ మూవీ షూటింగ్ జరిగిన విషయం తెలిసిందే. ఆ మూవీలో హీరో అల్లుఅర్జున్ వినియోగించిన లారీతో పాటు జీపు మారేడుమిల్లి అటవీ ప్రాంతంలో ఉన్నాయి. వీటి వద్ద అభిమానులు, పర్యాటకులు పలువురు ఫొటోలు దిగుతున్నారు.
News June 18, 2024
కోనసీమ: చేపల వేటకెళ్లి సముద్రంలో గల్లంతు
అంబేడ్కర్ కోనసీమ జిల్లా ఐ.పోలవరం మండలం భైరవపాలెం వాసి సముద్రంలో గల్లంతయ్యాడు. పెమ్మాడి కాయరాజు(33) సముద్రంలో చేపల వేటకు వెళ్లగా, పడవలో నుంచి జారిపడి మునిగిపోయినట్లు తోటి మత్స్యకారులు తెలిపారు. మంగళవారం విశాఖ జిల్లా నక్కపల్లికి చెందిన మత్స్యకారులతో కలిసి కాయరాజు వేటకు బయలుదేరి వెళ్లాడు. ప్రమాదవశాత్తూ పడవలో నుంచి జారి పడినట్లు వారు చెప్పారు. పోలీసులు కేసు నమోదు చేసి గాలిస్తున్నట్లు వివరించారు.
News June 18, 2024
జిల్లాలో నేరాలపై ప్రత్యేక దృష్టి పెట్టాలి: ఎస్పీ సతీష్ కుమార్
ఎన్నికల ముగిసి నేపథ్యంలో ప్రతి పోలీసు అధికారి, సిబ్బంది గ్రామాలలో ప్రజలతో సత్సంబంధాలను మెరుగు పర్చుకోవాలని జిల్లా ఎస్పీ సతీష్ కుమార్ సిబ్బందికి సూచించారు. మంగళవారం జిల్లా ఎస్పీ కార్యాలయంలో నెలవారి క్రైమ్ సమావేశం నిర్వహించి సమీక్షించారు. అనంతరం ఆయన మాట్లాడుతూ.. శాంతి భద్రతల విషయంలో సమస్యలు రాకుండా విధి నిర్వహణ కలిగి ఉండాలని జిల్లాలో నేరాలపై ప్రత్యేక దృష్టి పెట్టాలని సిబ్బందికి సూచించారు.
Featured News
Sorry, no posts matched your criteria.